Lɛta Fɔ Rom 5:12 - Krio Fɔs Oli Baybul

¹² Na wan man mek sin kam na wɔl ɛn sin mek day kam pan mɔtalman. So, bikɔs ɔlman dɔn sin, day de mit ɔlman.

Lɛta Fɔ Rom 5:12 Referans Kwoze

Lɛta Fɔ Rom 5:19

Ɛn lɛkɛ aw wɛn wan man nɔ du wetin Gɔd tɛl am fɔ du, dat mek ɔlman sin; semwe so Gɔd go mek ɔltin rayt bitwin in ɛn plɛnti pipul we biliv pan am, bikɔs Jizɔs Krays du wetin i tɛl am fɔ du.

Lɛta Fɔ Rom 6:23

Day na sin in pe, bɔt layf we go de sote go, nain Gɔd gi wi fri. Wi gɛt di layf we go de sote go bikɔs wi gɛt wanwɔd wit Jizɔs Krays we na wi Masta.

Lɛta Fɔ Rom 3:23

Ɔlman dɔn sin, dɛn nɔ bi igen lɛkɛ aw dɛn bin fɔ bi, if dɛn bin stil de klos Gɔd.

Jems 1:15

Na di bad we de na pɔsin at de mek di pɔsin want sin, ɛn wɛn pɔsin sin dat go mek i day.

Jɛnɛsis 2:17

bɔt yu nɔ fɔ it pan di “Sɛns tik,” bikɔs if yu it pan am, da sem de de, yu go day.”

Di Sam Dɛm 51:5

Frɔm we mi mama gɛt mi bɛlɛ sɛf, mi na sina ɛn na so i bɔn mi.

Jɛnɛsis 3:19

Yu go wok traŋa wan ɛn swɛt fɔ mek ɛnitin gro na di grɔn sote yu go bak na di grɔn we yu kɔmɔt. Na dɔti a bin tek mek yu, ɛn na dɔti yu go go bak we yu day.”

Jɛnɛsis 3:6

Di uman si aw di tik bin fayn, ɛn aw di frut dɛn gud fɔ it. I tink to insɛf se, “I go fayn fɔ gɛt sɛns o.” So i tek di frut ɛn it am. Dɔn i go gi in man sɔm, ɛn insɛf it am.

Lɛta Fɔ Rom 5:21

So jɛs lɛkɛ aw sin bin gɛt pawa fɔ mek ɔlman day, na semwe so di lɛk we Gɔd lɛk wi pan ɔl we wi nɔ fit fɔ mek i lɛk wi, gɛt pawa fɔ mek wi gɛt layf we go de sote go, naw we Gɔd dɔn mek ɔltin rayt bitwin in ɛn mɔtalman na Masta Jizɔs Krays mek dat bi so.

Jems 3:2

Wi ɔl de du tin we nɔ rayt. Ɛnibɔdi we nɔba tɔk tin we nɔ rayt na pɔsin we nɔba du tin we nɔ rayt. I ebul kɔntrol ɔl pat pan in bɔdi.

Izikɛl 18:4

Una lisin, ɔl dɛn sol na mi yon; di dadi in sol ɛn di bɔypikin in sol sɛf na mi yon; di sol we de kɔmit sin go day.

Lɛta Fɔ Rom 5:18

So lɛkɛ aw Gɔd kɔndɛm ɔlman bikɔs wan man sin, semwe so, i dɔn mek ɔlman fri, ɛn gi dɛn ɔl nyu layf bikɔs wangren pɔsin, Jizɔs Krays, du wetin rayt.

Lɛta Fɔ Rom 6:21

Wetin una bin gen wɛn una bin de du dɛn tin we una de shem fɔ du naw? Na day dɛn kayn tin de, de briŋ.

1 Kɔrint 15:56

Na sin mek day ebul fɔ du mɔtalman bad, na di Lɔ mek sin gɛt pawa.

Lɛta Fɔ Ɛfisɔs 2:3

Wisɛf bin tan lɛkɛ dɛn, wi bin jɛs de du wetin wi fil fɔ du ɛn wetin wi at gi wi fɔ du; Gɔd bin fɔ vɛks pan wi lɛkɛ aw i vɛks pan dɛn ɔda pipul.