Lɛta Fɔ Rom 5:11 - Krio Fɔs Oli Baybul

¹¹ Nɔto dat nɔmɔ, wi gladi bikɔs Gɔd dɔn mek Jizɔs Krays briŋ wi kam bak to insɛf.

Lɛta Fɔ Rom 5:11 Referans Kwoze

Lɛta Fɔ Rom 5:10

Wi na pipul we nɔ bin lɛk Gɔd, bɔt Gɔd briŋ wi kam bak to insɛf bay di day we in Pikin day; naw we wi dɔn kam bak to Gɔd, wi fɔ no fɔ tru se Gɔd go sev wi bikɔs in Pikin dɔn rayz frɔm di grev.

Lɛta Fɔ Filipay 4:4

Una fɔ gladi ɔltɛm bikɔs una gɛt wanwɔd wit di Masta. A de tɛl una igen se una fɔ gladi!

Ayzaya 61:10

A go gladi ebi ebi wan fɔ PAPA GƆD, mi sol go es mi Gɔd ɔp; bikɔs i dɔn wɛr salveshɔn klos pan mi, I dɔn kɔba mi wit raychɔsnɛs gawn, lɛk aw dɛn ɔkɔ kin put plɛnti plɛnti galans pan insɛf, ɛn lɛk we yawo kin drɛs insɛf wit in riŋ ɛn chen dɛm.

Lɛta Fɔ Galeshya 4:9

Bɔt we una dɔn no Gɔd, ɔ a fɔ se, Gɔd dɔn no una; wetin mek una want tɔn bak go bi slev to di spirit dɛn we nɔ gɛt pawa ɛn we nɔ min natin? Wetin mek una want go bi dɛn slev bak?

Di Sam Dɛm 149:2

Lɛ di Izrɛlayt dɛn gladi fɔseka di wan we mek dɛn; lɛ di pipul na Zayɔn gladi mɔ fɔseka we in na dɛn kiŋ.

Pita In Fɔs Lɛta 1:8

Pan ɔl we una nɔ si Jizɔs yet, una lɛk am. Pan ɔl we una nɔ de si am naw, una biliv pan am; so una gladi bad ɛn una nɔ ebul tɔk sɛf bɔt di gladi we una gladi, bikɔs

Lɛta Fɔ Kɔlɔse 2:6

We una dɔn gri mek Jizɔs Krays bi una Masta, una fɔ gɛt wanwɔd wit am ɔltɛm.

Lɛta Fɔ Filipay 3:3

Na wi sakɔmsayz fɔ tru, bikɔs na Gɔd in Spirit de mek wi pre to Gɔd ɛn ɔna Am, ɛn wi gladi bikɔs wi gɛt wanwɔd wit Jizɔs Krays. Wi nɔ abop pan wetin pipul de du wit dɛn bɔdi fɔ sho se dɛn na Gɔd pipul.

Di Sam Dɛm 104:34

Lɛ i gladi wit wetin a de tink bɔt am, ɛnitɛm we a de prez am.

Di Sam Dɛm 43:4

Dɛn a go go usay ɔlman de fɔ go wɔship yu, yu we na PAPA GƆD we de mek a gladi. A go yuz myuzikal instrumɛnt fɔ siŋ ɛn prez yu nem. Yu na di PAPA GƆD we a de wɔship.

Di Sam Dɛm 32:11

Ɔl udat trɔs PAPA GƆD ɛn we de du tin tret wan fɔ gladi; dɛn fɔ siŋ bikɔs dɛn gladi.

1 Samiɛl 2:1

Ana bin pre to PAPA GƆD bak se, “Mi at go es PAPA GƆD ɔp; a gladi we PAPA GƆD gi mi trɛnk. A de laf mi ɛnimi dɛn bikɔs a de gladi we yu fri mi.

Lɛta Fɔ Filipay 3:1

Mi Kristiɛn brɔda dɛn, na di las tin dɛn dis we a gɛt fɔ tɛl una na dis lɛta. A de tɛl una fɔ gladi bikɔs una gɛt wanwɔd wit di Masta. Fɔ rayt ɔl wetin a bin dɔn rayt to una fɔstɛm bak, nɔ mɔna mi, dat go bɛtɛ sɛf fɔ una.

Lɛta Fɔ Galeshya 5:22

Bɔt Gɔd in Spirit go mek pipul lɛk dɛn kɔmpin, i go mek dɛn gladi, i go mek dɛn nɔ de mek plaba, i go mek dɛn ebul bia trɔbul, ɛn i go mek dɛn de ɛp dɛn kɔmpin mɔtalman, i go mek dɛn de du gud to ɔda pipul, i go mek dɛn tru to dɛn kɔmpin,

1 Kɔrint 10:16

Wɛn wi de drink di wayn we de na di kɔp we di Masta bin blɛs ɛn wi tɛl am tɛnki: nɔto drink wi ɔl de drink pan Krays in blɔd? Ɛn wɛn wi brok di bred ɛn sheb am, nɔto it wi ɔl de it pan Krays in bɔdi?

Lɛta Fɔ Rom 11:15

Di tɛm we Gɔd nɔ bin gri tek dɛn fɔ bi in yon pipul igen, i bin mek dɛn ɔda pipul na di wɔl bi in padi dɛn. Wɛn Gɔd go tek dɛn fɔ bi in yon pipul dɛn, dɛn go jɛs tan lɛkɛ dayman we gɛt layf bak.

Lɛta Fɔ Rom 2:17

As fɔ una we na Ju: una kɔl unasɛf Ju pipul; una abop pan di Lɔ, ɛn una de bost se una na di pipul we Gɔd dɔn pik.

Jɔn 1:12

Bɔt ɛnibɔdi we gladi fɔ mek i kam na dɛn layf ɛn biliv pan am, i gi dɛn di rayt fɔ bi Gɔd in pikin dɛn.

Lyuk 1:46

Meri se, “Insay mi at a de siŋ se Gɔd we na wi Masta, big.

Lɛta Fɔ Rom 5:1

We Gɔd dɔn mek ɔltin rayt bitwin wi ɛn insɛf, bikɔs wi biliv pan am, wi gladi we wi de waka klos am; na wi Masta Jizɔs Krays du dat fɔ wi.

Lɛta Fɔ Rom 5:3

Nɔto dat nɔmɔ, bɔt wi gladi sɛf fɔ sɔfa lɛkɛ aw wi de sɔfa, bikɔs wi no se di sɔfa we wi de sɔfa de mek wi gɛt maynd fɔ bia,

Lɛta Fɔ Rom 8:23

Nɔto dɛn tin ya we Gɔd mek nɔmɔ de pini; bɔt wi we gɛt Gɔd in Spirit, ɛn nain Spirit i gi wi fɔs, wisɛf de pini na wi at as wi de wet fɔ di tɛm we Gɔd go mek wi bi in pikin dɛn ɛn fri wi bɔdi, wɛn i gi wi nyu bɔdi.

Lɛta Fɔ Rom 9:10

Nɔto dat nɔmɔ, Ribɛka in tu bɔy pikin dɛn bin gɛt di sem papa we na wi grampapa papa dɛn, Ayzak.

2 Kɔrint 8:19

Ɛn igen, na di chɔch dɛnsɛf pik am fɔ go wit wi wɛn wi de kɛr mɔni go gi di Kristiɛn dɛn na Judia, so dat Gɔd go gɛt di prez, ɛn dɛn go si se wi want fɔ ɛp dɛn.