Lɛta Fɔ Rom 5:10 - Krio Fɔs Oli Baybul

¹⁰ Wi na pipul we nɔ bin lɛk Gɔd, bɔt Gɔd briŋ wi kam bak to insɛf bay di day we in Pikin day; naw we wi dɔn kam bak to Gɔd, wi fɔ no fɔ tru se Gɔd go sev wi bikɔs in Pikin dɔn rayz frɔm di grev.

Lɛta Fɔ Rom 5:10 Referans Kwoze

Lɛta Fɔ Rom 8:32

Gɔd nɔ kip in Pikin mek i nɔ sɔfa, i sakrifays am fɔ wi ɔl! Gɔd we sakrifays in Pikin fɔ wi ɔl, i nɔ go gi wi ɔltin fri?

Lɛta Fɔ Ɛfisɔs 2:16

Krays gri fɔ mek pipul kil am na di krɔs so dat i go pwɛl di tin we mek di tu neshɔn dɛn nɔ lɛk dɛnsɛf. Di day we Krays day dɔn mek di tu neshɔn dɛn gɛt wanwɔd, ɛn i briŋ dɛn kam bak to Gɔd.

Rɛvɛleshɔn 1:18

Na mi gɛt layf naw. A bin dɔn day bɔt a dɔn gɛt layf bak, ɛn a go gɛt layf sote go; na mi gɛt pawa oba day ɛn na mi ol di ki fɔ di say we dɛn spirit we dɔn kɔmɔt na dis wɔl de.

Di Ibru Pipul Dɛn 7:25

Na dat mek Jizɔs gɛt pawa ɔltɛm fɔ sev dɛn pipul we de kam to Gɔd tru am. Bikɔs i gɛt layf we go de sote go, i de pre bifo Gɔd ɔltɛm fɔ dɛn.

Lɛta Fɔ Rom 8:34

So ɛnibɔdi de we go se Gɔd in pipul dɛn du bad? Jizɔs Krays na di wan we dɔn day fɔ wi, ɔ a fɔ se, nain Gɔd mek rayz frɔm di grev ɛn i sidɔm na Gɔd in raytan. I de beg Gɔd fɔ wi.

Daniɛl 9:24

“Dɛn dɔn put sɛvinti tayms sɛvin ia, we na lɔ fɔseka una oli siti ɛn yu pipul dɛn, fɔ tap wikɛdnɛs, fɔ tap sin, ɛn fɔ pe fɔ di bad bad tin dɛn, lɛ pipul de waka tret ɔltɛm, fɔ kɔba di vishɔn ɛn di prɔfɛt ɛn fɔ pre fɔ wan ples we go oli pas ɔl mek i go klin.

Lɛta Fɔ Rom 8:7

So, if mɔtalman jɛs de mɛmba wetin in at want nɔmɔ, dat go mek i nɔ lɛk Gɔd; i nɔ go de du wetin Gɔd in lɔ se, ɛn i nɔ go ebul du am sɛf.

Lɛvitikɔs 6:30

Bɔt if dɛn kɛr di blɔd go insay di tɛnt usay dɛn kin mit PAPA GƆD so dat dɛn kin beg padin na di ples we oli, nɔ fɔ it pan am; na bɔn dɛn fɔ bɔn dɛn na faya.

Di Ibru Pipul Dɛn 2:17

Na dat mek, i bin tan lɛkɛ aw in brɔda dɛn tan pan ɔltin, so dat i go sɔri fɔ dɛn ɛn wok fɔ Gɔd wit ɔl in at, lɛkɛ di edman we de mek sakrifays fɔ pipul sin, we i bi, so dat i go padin ɔl Gɔd in pipul dɛn sin.

2 Kɔrint 5:21

Krays nɔ bin gɛt sin, bɔt fɔ sev wi, Gɔd put wi sin dɛn pan am, so dat we wi gɛt wanwɔd wit am, ɔltin go rayt bitwin wi ɛn Gɔd.

Lɛta Fɔ Rom 11:28

Bikɔs di Ju dɛn tɔn dɛn bak pan di Gud Nyuz, dɛn na pipul we nɔ lɛk Gɔd, ɛn di et we dɛn et di Gud Nyuz dɔn mek Gɔd ɛp una we nɔto Ju. Bɔt bikɔs Gɔd bin dɔn pik di Ju pipul dɛn, dɛn nain padi dɛn bikɔs i bin dɔn prɔmis Ebraam, Ayzak ɛn Jekɔb se dɛn grampikin pikin dɛn go bi in padi dɛn sote go.

Lɛta Fɔ Rom 5:11

Nɔto dat nɔmɔ, wi gladi bikɔs Gɔd dɔn mek Jizɔs Krays briŋ wi kam bak to insɛf.

Jɔn 14:19

I nɔ go te igen, di pipul dɛn na wɔl nɔ go si mi igen, bɔt una go si mi; ɛn bikɔs a gɛt layf, unasɛf go gɛt di tru layf.

Jɔn 6:57

Na mi Papa we de gi layf sɛn mi kam na wɔl, ɛn nain mek misɛf gɛt layf. Semwe so, a go mek ɛnibɔdi we it mi bɔdi, gɛt layf.

Jɔn 6:40

Wetin mi Papa want, na fɔ mek ɔlman we no in Pikin ɛn biliv pan am gɛt layf we go de sote go. Ɛn a go mek dɛn ɔl rayz frɔm di grev ɛn gi dɛn di tru layf, di de we Gɔd go jɔj ɔlman.”

Jɔn 5:26

Jɛs lɛkɛ aw di Papa gɛt pawa fɔ gi layf, semwe so, i gi in Pikin insɛf pawa fɔ gi layf.

Izikɛl 45:20

Pan di sɛvin de na di mɔnt una go du di sem fɔ ɛnibɔdi we dɔn sin bay mistek ɔ ignorans; so una go mek atonmɛnt fɔ di tɛmpul.

2 Kronikuls 29:24

ɛn di man dɛm we de mek sakrifays fɔ pipul sin, kil dɛn ɛn mek sin ɔfrin wit dɛn blɔd na di ɔlta, fɔ pul sin kɔmɔt pan ɔlman na Izrɛl. Bikɔs di kiŋ bin dɔn tɛl dɛm paopa se, dɛn fɔ mek ɔfrin we dɛn de bɔn na faya, ɛn sin ɔfrin fɔ di wanol Izrɛl.

Lɛta Fɔ Rom 5:6

Di tɛm we sin bin plɛnti na wi layf, wi nɔ bin ebul ɛp wisɛf; Krays day fɔ wi we nɔ bin de du wetin Gɔd want, di rayt tɛm we Gɔd pik.

2 Kɔrint 5:20

So na di mɛsej dis we Krays gi wi fɔ una, lɛkɛ se Gɔd insɛf de tɔk to una; na fɔseka Krays, wi de beg una: una alaw Gɔd mek i mek una tap fɔ bi pipul we nɔ lɛk am, ɛn bi in padi dɛn.

Lɛta Fɔ Ɛfisɔs 2:3

Wisɛf bin tan lɛkɛ dɛn, wi bin jɛs de du wetin wi fil fɔ du ɛn wetin wi at gi wi fɔ du; Gɔd bin fɔ vɛks pan wi lɛkɛ aw i vɛks pan dɛn ɔda pipul.

Jɔn In Fɔs Lɛta 2:1

Mi pikin dɛn, a de rayt una dis lɛta ya fɔ mek una tap fɔ sin; bɔt if ɛni wan pan una sin, Jizɔs Krays we nɔ gɛt sin, de tɔk to in Papa fɔ wi.

Jɔn In Fɔs Lɛta 4:10

Wetin na lɛk? Nain dis: Nɔto fɔ se wi lɛk Gɔd, bɔt in lɛk wi ɛn i sɛn in Pikin kam na wɔl fɔ sakrifays insɛf fɔ wi mek i go padin wi sin dɛn.