Lɛta Fɔ Rom 4:9 - Krio Fɔs Oli Baybul

⁹ Dis blɛsin ya we Devid tɔk bɔt na fɔ dɛn pipul we sakɔmsayz nɔmɔ? Nɔto so i bi, i de semwe fɔ dɛn pipul we nɔ sakɔmsayz. Wi bin dɔn tɔk se dɛn rayt na Gɔd in Buk se, “Ebraam biliv Gɔd ɛn bikɔs i biliv Gɔd, Gɔd luk se na pɔsin we de waka tret.”

Lɛta Fɔ Rom 4:9 Referans Kwoze

Lɛta Fɔ Galeshya 3:14

Krays du dat so dat wetin i dɔn du go mek Gɔd gi dɛn pipul we nɔto Ju di sem blɛsin we i bin prɔmis Ebraam ɛn dat go mek Gɔd gi dɛn pipul we biliv pan am, in Spirit we i bin dɔn prɔmis.

Lɛta Fɔ Kɔlɔse 3:11

Fɔseka wetin Gɔd dɔn du so, dɛn Ju pipul ɛn dɛn pipul we nɔto Ju, dɛn pipul we sakɔmsayz ɛn dɛn wan we nɔ sakɔmsayz, dɛn pipul we na trenja, dɛn pipul we nɔ sivilayz, dɛn pipul we na slev ɛn dɛn wan we nɔto slev, dɛn ɔl na wan na Gɔd in yay, bɔt na Krays nɔmɔ impɔtant ɛn i de insay ɔlman we biliv pan am.

Lɛta Fɔ Ɛfisɔs 3:8

A nɔ gud rich ɛnibɔdi we na Kristiɛn, bɔt Gɔd dɔn pik mi ɛn i dɔn gi mi di chans fɔ go tɛl ɔda pipul we nɔto Ju bɔt di big big blɛsin dɛn we Krays gɛt we mɔtalman nɔ ebul ɔndastand.

Lɛta Fɔ Rom 4:3

Dɛn rayt na Gɔd in Buk se, “Ebraam biliv Gɔd ɛn bikɔs i biliv Gɔd, Gɔd luk se na pɔsin we de waka tret.”

Lyuk 2:32

Nain na di layt we go mek dɛn wan we nɔ no yu na dis wɔl, no yu; i go mek yu pipul dɛn na Izrɛl gɛt plɛnti ɔna.”

Ayzaya 49:6

I se: “Na smɔl tin fɔ mek yu bi mi wokman fɔ gɛda Jekɔb in difrɛn fambul dɛn ɛn fɔ briŋ di wan dɛn pan Izrɛl we a kip, kam bak; A go mek yu lɛk layt to di neshɔn dɛm, lɛ mi salveshɔn go rich usay di wɔl tap.”

Jɛnɛsis 15:6

Ebram biliv wetin PAPA GƆD se ɛn dat mek PAPA GƆD luk am se in na pɔsin we de waka tret wit am.

Lɛta Fɔ Rom 4:10

Ustɛm Gɔd du dat bifo Ebraam sakɔmsayz ɔ afta i sakɔmsayz? Na bifo i sakɔmsayz.