Lɛta Fɔ Rom 4:6 - Krio Fɔs Oli Baybul

⁶ Na dat Devid bin min wɛn i de tɔk bɔt pɔsin we Gɔd luk se na pɔsin we de waka tret, pan ɔl we di pɔsin nɔ du ɛnitin we fɔ mek dat bi so. Devid se da pɔsin de gɛt blɛsin. I se,

Lɛta Fɔ Rom 4:6 Referans Kwoze

Sɛkɛn Lɛta To Timoti 1:9

Gɔd nɔ sev wi ɛn kɔl wi fɔ bi in yon pipul fɔseka ɛnitin we wi dɔn du, bɔt na fɔseka wetin in bin dɔn mekɔp fɔ du bifo di wɔl bigin ɛn bikɔs i gud. Na tru Jizɔs Krays i mek wi no di gud we i du.

1 Kɔrint 1:30

Bɔt Gɔd dɔn mek una gɛt wanwɔd wit Jizɔs Krays; Gɔd dɔn mek Krays bi di sɛns we wi fɔ gɛt. Krays dɔn mek ɔltin rayt bitwin wi ɛn Gɔd, i dɔn mek wi bi Gɔd yon pipul ɛn i dɔn mek wi fri; na Gɔd mek Krays du ɔl dat.

Lɛta Fɔ Filipay 3:9

ɛn a nɔ want mek ɛnitin kam midul wi. Nɔto wetin a de du, dat na we a de kip di Ju Lɔ mek ɔltin rayt bitwin mi ɛn Gɔd, bɔt ɔltin rayt bitwin mi ɛn Gɔd bikɔs a biliv pan Krays. Na Gɔd de mek ɔltin rayt bitwin mɔtalman ɛn insɛf bikɔs mɔtalman biliv pan Krays.

2 Kɔrint 5:21

Krays nɔ bin gɛt sin, bɔt fɔ sev wi, Gɔd put wi sin dɛn pan am, so dat we wi gɛt wanwɔd wit am, ɔltin go rayt bitwin wi ɛn Gɔd.

Lɛta Fɔ Ɛfisɔs 1:3

Lɛ wi prez Gɔd we na Masta Jizɔs Krays in Papa, bikɔs i dɔn blɛs wi we gɛt wanwɔd wit Krays wit ɔl dɛn blɛsin we de na ɛvin.

Lɛta Fɔ Galeshya 3:14

Krays du dat so dat wetin i dɔn du go mek Gɔd gi dɛn pipul we nɔto Ju di sem blɛsin we i bin prɔmis Ebraam ɛn dat go mek Gɔd gi dɛn pipul we biliv pan am, in Spirit we i bin dɔn prɔmis.

Lɛta Fɔ Rom 4:11

Afta Gɔd dɔn luk Ebraam se na pɔsin we de waka tret, nain Ebraam sakɔmsayz. Di sakɔmsayz we Ebraam sakɔmsayz na bin di sayn fɔ sho se Gɔd dɔn luk se na pɔsin we de waka tret, bifo i sakɔmsayz, bikɔs Ebraam bin biliv am. So Ebraam na di papa fɔ ɔl dɛn pipul we biliv Gɔd, we Gɔd luk se na pipul we de waka tret, pan ɔl we dɛn nɔ sakɔmsayz.

Lɛta Fɔ Rom 1:17

Di Gud Nyuz de sho wi aw Gɔd de mek ɔltin rayt bitwin insɛf ɛn mɔtalman, if dɛn biliv; natin pas dat nɔ go mek dɛn rayt wit Gɔd. Lɛkɛ aw Gɔd in Buk se, “Di pɔsin we Gɔd put rayt wit insɛf bikɔs i biliv pan am go gɛt layf.”

Ayzaya 54:17

Nɔn wɛpɔn we dɛn mek fɔ kil yu, nɔ go wok; ɛn ɛnibɔdi we jɔj yu, yu go pruv am rɔŋ. Dis na wetin go apin to PAPA GƆD in wokman dɛn, ɛn di fri we dɛn fri to mi. Na so PAPA GƆD se.”

Di Sam Dɛm 112:1

Una lɛ wi prez PAPA GƆD! I go fayn fɔ di pɔsin we de fred PAPA GƆD ɛn we gladi fɔ du wetin i se.

Pita In Sɛkɛn Lɛta 1:1

Mi Saymɔn Pita, we de wok fɔ Jizɔs Krays ɛn we na wan pan in apɔsul dɛn, de rayt to una we biliv pan am lɛkɛ aw wisɛf biliv pan am, bikɔs wi Papa Gɔd ɛn Jizɔs Krays we sev wi de du wetin rayt ɔltɛm. Di biliv we wi biliv pan am ɛn di biliv we una biliv pan am nɔto tin we mɔni kin bay.

Lɛta Fɔ Galeshya 4:15

Una bin gladi fɔ mi fɔs tɛm, bɔt wetin dɔn bi naw? Fɔ tru a no se una bin fɔ gi mi ɔl wetin una gɛt, ilɛk sɛf a bin aks una fɔ gi mi una bɔlyay.

Lɛta Fɔ Rom 4:24

Na fɔ wisɛf we Gɔd go luk se na pipul we de waka tret if wi biliv pan am. Nain mek wi Masta, Jizɔs rayz frɔm di grev.

Lɛta Fɔ Rom 4:9

Dis blɛsin ya we Devid tɔk bɔt na fɔ dɛn pipul we sakɔmsayz nɔmɔ? Nɔto so i bi, i de semwe fɔ dɛn pipul we nɔ sakɔmsayz. Wi bin dɔn tɔk se dɛn rayt na Gɔd in Buk se, “Ebraam biliv Gɔd ɛn bikɔs i biliv Gɔd, Gɔd luk se na pɔsin we de waka tret.”

Lɛta Fɔ Rom 3:27

So natin nɔ de we fɔ mek wi bost, bikɔs Gɔd de mek ɔltin rayt bitwin wi ɛn insɛf bikɔs wi biliv pan Jizɔs Krays, nɔto bikɔs wi de du wetin di Lɔ se.

Daniɛl 9:24

“Dɛn dɔn put sɛvinti tayms sɛvin ia, we na lɔ fɔseka una oli siti ɛn yu pipul dɛn, fɔ tap wikɛdnɛs, fɔ tap sin, ɛn fɔ pe fɔ di bad bad tin dɛn, lɛ pipul de waka tret ɔltɛm, fɔ kɔba di vishɔn ɛn di prɔfɛt ɛn fɔ pre fɔ wan ples we go oli pas ɔl mek i go klin.

Jɛrimaya 33:16

Dɛn tɛm dɛn de, dɛn go sev; Juda ɛn Jerusɛlɛm go sikiɔ. Ɛn na di nem dis we dɛn go de kɔl am: Na PAPA GƆD na wi Raychɔsnɛs.’

Jɛrimaya 22:6

Bikɔs na dis PAPA GƆD se bɔt di kiŋ na Juda in os. “Yu tan lɛk Giliad to mi, lɛk di il na Libanɔn in pantap, fɔ tru tru, a go mek yu tɔn ɛmti ples we pɔsin nɔ go ebul tap, dat na siti we nɔbɔdi no tap.

Ditarɔnɔmi 33:29

Di pipul dɛn na Izrɛl na pipul dɛn we gɛt lɔk! Nɔn ɔda neshɔn nɔ tan lɛkɛ dɛn. Na PAPA GƆD insɛf de fɛt fɔ dɛn, I de kɔba dɛn ɛn mek dɛn win dɛn fɛt dɛn! Dɛn ɛnimi dɛn go beg dɛn lɛ dɛn nɔ kil dɛn, bɔt dɛn go kapchɔ dɛn ɛnimi dɛn land ɛn waka fri wande.

Matyu 25:19

“Wɛn i dɔn te, nain di masta kam bak, i aks di bɔy dɛn fɔ tɛl am wetin dɛn du wit di kɔpɔ we i gi dɛn.

Lɛta Fɔ Rom 4:5

Bɔt pɔsin we biliv Gɔd, we nɔ abop pan di gud we in de du, ɛn we biliv se na Gɔd de mek ɔltin rayt bitwin in ɛn ɔl dɛn bad pipul we biliv pan am, na dis tin ya we di pɔsin biliv go mek Gɔd mek ɔltin rayt bitwin in ɛn insɛf.

Lɛta Fɔ Rom 4:7

“Dɛn pipul we Gɔd dɔn padin dɛn sin, gɛt blɛsin, dɛn na pipul we Gɔd dɔn pul dɛn sin kɔmɔt na dɛn layf, i nɔ de mɛmba dɛn sin igen.

Jems 2:18

Sɔntɛm pɔsin go se, “Wan pɔsin biliv Gɔd, bɔt ɔda wande du dɛn tin we sho se i biliv Gɔd.” A go ansa da pɔsin de se, “Aw pɔsin go sho se in biliv Gɔd if a nɔ si di tin dɛn we i de du fɔ sho se i biliv Gɔd? Wetin a de du go sho una se a biliv Gɔd.”