Lɛta Fɔ Rom 4:21 - Krio Fɔs Oli Baybul

²¹ Ebraam bin shɔ se Gɔd go ebul du wetin i bin dɔn prɔmis se in go du fɔ am.

Lɛta Fɔ Rom 4:21 Referans Kwoze

Lyuk 1:37

Natin nɔ de we Gɔd nɔ ebul du!”

Di Ibru Pipul Dɛn 11:19

Bɔt Ebraam bin biliv se Gɔd ebul mek Ayzak rayz bak, if i day. So, wi kin se, ivin we Ayzak nɔ day, i tan lɛkɛ pɔsin we bin dɔn day, bɔt i rayz bak ɛn fala Ebraam.

Jɛrimaya 32:17

‘E PAPA GƆD we na mi Gɔd! Na yu mek ɔp di klawd ɛn di wɔl wit yu big big pawa ɛn wit yu an we yu opin wayd! Natin nɔ traŋa fɔ yu fɔ du,

Jɛnɛsis 18:14

Wetin de we a nɔ ebul du? Lɛkɛ aw a se nɔmɔ, a de kam fɛn yu bak dis sem tɛm nɛks ia, bɔt bifo a kam, Sera go dɔn bɔn bɔypikin.”

Sɛkɛn Lɛta To Timoti 1:12

ɛn na di rizin dis we mek a de sɔfa ɔl dɛn tin ya. Bɔt a nɔ de dawt at ɔl, bikɔs a no di wan we a abop pan; a no fɔ tru se i ebul kip ɔl wetin i dɔn gi mi fɔ du sote di de we Krays go kam bak.

Lyuk 1:45

Meri, Gɔd dɔn blɛs yu bikɔs yu biliv se Gɔd go du wetin i tɛl yu se in go du.”

Jɛrimaya 32:27

‘A de tɛl una, na mi na PAPA GƆD di Gɔd fɔ ɔl mɔtalman; ɛnitin de we traŋa fɔ mi fɔ du?

Matyu 19:26

Jizɔs luk dɛn gud ɛn se, “Mɔtalman nɔ ebul du dat, bɔt Gɔd ebul du ɔltin.”

2 Kɔrint 9:8

Ɛn Gɔd ebul gi una ɔl wetin una nid fɔ gɛt, ɛn mɔ, so dat una go gɛt ɔl wetin una nid fɔ gɛt fɔ unasɛf, ɛn plɛnti mɔ we una go tek ɛp ɔda pipul.

Lɛta Fɔ Rom 14:4

Udat na una fɔ jɔj ɔda pɔsin savant? Na di pɔsin we i de wok to fɔ tɛl am, if i du gud ɔ if i du bad. Di savant go ebul du wetin i fɔ du bikɔs Gɔd we na di Masta ebul fɔ mek i du wetin i fɔ du.

Lɛta Fɔ Rom 8:38

A shɔ se natin nɔ ebul tap wi fɔ fil di lɛk we i lɛk wi: day ɔ layf, enjɛl ɔ dɛn bad spirit we de rul ɔ dɛn pawa na di klawd, dis tɛm ya ɔ di tɛm we de kam;

Di Sam Dɛm 115:3

Wi PAPA GƆD de na ɛvin; i de du wetin i fil fɔ du.

Di Ibru Pipul Dɛn 11:13

Ɔl dɛn lɔntɛm pipul ya, we a tɔk bɔt so, bin biliv Gɔd sote dɛn day. Dɛn nɔ bin gɛt ɔl dɛn tin we Gɔd prɔmis dɛn bifo dɛn day, bɔt dɛn bin dɔn si wetin Gɔd go gi dɛn, fawe, ɛn dɛn bin gladi fɔ wetin dɛn si. Dɛn bin no se dɛn na trenja na dis wɔl.

Lyuk 1:1

Ɔnarebul Tiofilɔs, yu no se plɛnti pipul dɔn bigin rayt ɔl dɛn wɔndaful tin we dɔn bi na ya.

Lɛta Fɔ Rom 14:5

Sɔm pipul fil se wande bɛtɛ pas dɛn ɔda de, ɛn ɔda pipul fil se nɔ de nɔ bɛtɛ pas in kɔmpin. Una ɔl fɔ shɔ se wetin una de tink, rayt.