Lɛta Fɔ Rom 4:16 - Krio Fɔs Oli Baybul

¹⁶ So na di biliv we Ebraam bin biliv Gɔd mek Gɔd gi am di tin we i bin dɔn prɔmis se in go gi am. Dat na fɔ sho wi se di tin we Gɔd prɔmis fɔ gi ɔl Ebraam in grampikin pikin dɛm na fri, ɛn nɔto fɔ dɛn wan nɔmɔ we de du wetin di Lɔ se, bɔt na fɔ dɛn wan sɛf we biliv Gɔd lɛkɛ aw Ebraam bin biliv am. Ebraam na di papa wɛn i kam pan Gɔd biznɛs fɔ wi ɔl we de na wɔl.

Lɛta Fɔ Rom 4:16 Referans Kwoze

Lɛta Fɔ Ɛfisɔs 2:8

Nɔto una sev unasɛf, bɔt na bikɔs una biliv pan Jizɔs Krays mek, we Gɔd lɛk una wit lɛk we una nɔ fit fɔ gɛt, i sev una.

Lɛta Fɔ Galeshya 3:22

Bɔt dɛn rayt na Gɔd in Buk se, na sin de rul di wɔl, so na we pipul biliv pan Krays go mek dɛn gɛt wetin Gɔd prɔmis fɔ gi dɛn.

Lɛta Fɔ Rom 9:8

Dat min se dɛn pikin we Gɔd nɔ bin prɔmis se go bɔn, nɔto Gɔd in tru pikin dɛn, bɔt na di pikin dɛn nɔmɔ we Gɔd bin prɔmis Ebraam, na dɛn nain tru pikin dɛn.

Taytɔs 3:7

so dat di gud we Jizɔs du fɔ wi, go mek ɔltin rayt bitwin wi ɛn Gɔd ɛn wi go gɛt da layf we go de sote go we wi de abop fɔ gɛt.

Lɛta Fɔ Rom 15:8

A de tɛl una se Krays kam fɔ ɛp di Ju pipul dɛn fɔ sho se Gɔd go du wetin i bin dɔn prɔmis Ebraam, Ayzak ɛn Jekɔb,

Lɛta Fɔ Rom 5:1

We Gɔd dɔn mek ɔltin rayt bitwin wi ɛn insɛf, bikɔs wi biliv pan am, wi gladi we wi de waka klos am; na wi Masta Jizɔs Krays du dat fɔ wi.

Ayzaya 51:2

Luk to Ebran yu we na yu dadi ɛn to Sera we bɔn yu; bikɔs na we na bin in wangren, a bin kɔl am ɛn a blɛs am ɛn mek i plɛnti.

Pita In Sɛkɛn Lɛta 1:10

Mi Kristiɛn brɔda dɛn, na dat mek una fɔ tray fɔ du di wok we sho se Gɔd kɔl una ɛn pik una fɔ tru; if una du ɔl dɛn tin ya, una nɔ go lɛf fɔ biliv pan Gɔd ɛn tap fɔ waka wit Gɔd.

Lɛta Fɔ Rom 4:11

Afta Gɔd dɔn luk Ebraam se na pɔsin we de waka tret, nain Ebraam sakɔmsayz. Di sakɔmsayz we Ebraam sakɔmsayz na bin di sayn fɔ sho se Gɔd dɔn luk se na pɔsin we de waka tret, bifo i sakɔmsayz, bikɔs Ebraam bin biliv am. So Ebraam na di papa fɔ ɔl dɛn pipul we biliv Gɔd, we Gɔd luk se na pipul we de waka tret, pan ɔl we dɛn nɔ sakɔmsayz.

Lyuk 19:9

Jizɔs tɛl am se, “Frɔm tide, Gɔd dɔn sev yu ɛn yu fambul dɛn bikɔs yusɛf na wan pan Ebraam in grampikin pikin dɛm.

Lɛta Fɔ Rom 3:22

Gɔd de mek ɔltin rayt bitwin in ɛn mɔtalman, if mɔtalman biliv pan Jizɔs Krays. Gɔd de du dat fɔ ɔlman we biliv pan Jizɔs Krays, fɔ dɛn Ju ɛn fɔ dɛn pipul we nɔto Ju, bikɔs i nɔ luk se wan sɛt difrɛn frɔm di ɔda wan.

Lɛta Fɔ Rom 3:30

Na wangren Gɔd nɔmɔ de. I go mek ɔltin rayt bitwin in ɛn dɛn Ju pipul if dɛn biliv pan Krays, ɛn i go mek ɔltin rayt bitwin in ɛn dɛn pipul we nɔto Ju if dɛnsɛf biliv pan Krays.

Lɛta Fɔ Galeshya 3:14

Krays du dat so dat wetin i dɔn du go mek Gɔd gi dɛn pipul we nɔto Ju di sem blɛsin we i bin prɔmis Ebraam ɛn dat go mek Gɔd gi dɛn pipul we biliv pan am, in Spirit we i bin dɔn prɔmis.

Lɛta Fɔ Galeshya 3:16

Una fɔ mɛmba se, Gɔd bin dɔn mek prɔmis to Ebraam ɛn in grampikin pikin plɛnti tɛm. Wɛn wi si “Ebraam in grampikin pikin” na Gɔd in Buk, dat min se Gɔd nɔ bin de tɔk bɔt plɛnti pipul, i bin de tɔk bɔt wan pɔsin, ɛn da pɔsin de na Krays.