Lɛta Fɔ Rom 4:13 - Krio Fɔs Oli Baybul

¹³ Gɔd prɔmis Ebraam se in ɛn in grampikin pikin dɛm go gɛt ɔl di wɔl; nɔto bikɔs i bin de du ɔl wetin rayt na di Lɔ, bɔt bikɔs i bin biliv Gɔd, ɛn fɔseka dat, Gɔd luk se na pɔsin we de waka tret.

Lɛta Fɔ Rom 4:13 Referans Kwoze

Lɛta Fɔ Galeshya 3:29

If una ɔl na Krays yon pipul, dat min se una na Ebraam in grampikin pikin dɛm, ɛn una go gɛt wetin Gɔd dɔn prɔmis fɔ gi Ebraam in grampikin pikin dɛm.

Lɛta Fɔ Rom 9:8

Dat min se dɛn pikin we Gɔd nɔ bin prɔmis se go bɔn, nɔto Gɔd in tru pikin dɛn, bɔt na di pikin dɛn nɔmɔ we Gɔd bin prɔmis Ebraam, na dɛn nain tru pikin dɛn.

Jɛnɛsis 28:14

Yu jɛnareshɔn dɛn go bɔku lɛkɛ dɔti na grɔn ɛn dɛn go de na di ist, wɛst, nɔth ɛn sawt. Na yu ɛn yu jɛnareshɔn go mek ɔl dɛn ɔda neshɔn gɛt dɛn blɛsin.

Di Sam Dɛm 2:8

I tɛl am se, i fɔ aks am dɔn in go gi am ɔl di neshɔn dɛn; i go gi am ɔl di neshɔn dɛn na di wɔl fɔ bi in yon.

Jɛnɛsis 17:16

A go blɛs am, ɛn a go mek i bɔn bɔypikin fɔ yu. A go blɛs am, ɛn i go bi di mami fɔ bɔku neshɔn dɛn, ɛn kiŋ dɛn go kɔmɔt nain bɛlɛ.”

Jɛnɛsis 12:3

A go blɛs dɛn wan dɛn we go blɛs yu, ɛn swɛ udat go swɛ yu. Na yu go mek dɛn neshɔn na wɔl gɛt dɛn blɛsin.”

Di Sam Dɛm 72:11

Dɛn ɔl ɛn dɛn pipul na di wanol wɔl go kam baw to di Kiŋ ɛn rɛdi fɔ du wetin i want.

Jɛnɛsis 49:10

Juda, kiŋ wok nɔ go kɔmɔt biɛn yu, yu jɛnareshɔn dɛn go rul te rich to di wan we mek dɛn bi kiŋ. Ɔl di ɔda neshɔn dɛn go obe am.

Apɔsul Dɛn Wok 13:32

Wi kam ya fɔ tɛl una di Gud Nyuz bɔt wetin Gɔd bin se i go du fɔ wi grampapa papa dɛn.

Lɛta Fɔ Rom 4:12

Ɛn igen, Ebraam na di papa fɔ dɛn Ju pipul dɛnsɛf we sakɔmsayz, nɔto bikɔs dɛn sakɔmsayz nɔmɔ, bɔt bikɔs dɛn biliv pan Gɔd fɔ ɔltin na layf lɛkɛ aw Ebraam bin biliv pan Gɔd fɔ ɔltin na layf, bifo i sakɔmsayz.

Di Ibru Pipul Dɛn 7:6

Pan ɔl we Mɛlkizidɛk nɔ bin kɔmɔt na Livay in fambul layn, Ebraam sheb ɔl wetin i gɛt tɛn pat ɛn gi Mɛlkizidɛk wan pat, ɛn Mɛlkizidɛk blɛs Ebraam we Gɔd bin dɔn prɔmis sɔntin.

Di Ibru Pipul Dɛn 11:7

Na bikɔs Noa bin biliv Gɔd mek i lisin di tɛm we Gɔd wɔn am bɔt dɛn tin we go bi. Pan ɔl we i nɔ bin si di tin dɛn yet, Noa du wetin Gɔd tɛl am fɔ du. I mek wan big bot we in, in wɛf ɛn in pikin dɛn go insay, so di wata we bin kɔba di wɔl nɔ bin du dɛn natin. So di biliv we Noa biliv Gɔd dɔn pruv se di pipul dɛn na di wɔl bin de du bad we dɛn nɔ bin biliv Gɔd. Gɔd tek Noa fɔ bi tret pɔsin bikɔs Noa bin biliv am.