Lɛta Fɔ Rom 4:11 - Krio Fɔs Oli Baybul

¹¹ Afta Gɔd dɔn luk Ebraam se na pɔsin we de waka tret, nain Ebraam sakɔmsayz. Di sakɔmsayz we Ebraam sakɔmsayz na bin di sayn fɔ sho se Gɔd dɔn luk se na pɔsin we de waka tret, bifo i sakɔmsayz, bikɔs Ebraam bin biliv am. So Ebraam na di papa fɔ ɔl dɛn pipul we biliv Gɔd, we Gɔd luk se na pipul we de waka tret, pan ɔl we dɛn nɔ sakɔmsayz.

Lɛta Fɔ Rom 4:11 Referans Kwoze

Lɛta Fɔ Rom 3:22

Gɔd de mek ɔltin rayt bitwin in ɛn mɔtalman, if mɔtalman biliv pan Jizɔs Krays. Gɔd de du dat fɔ ɔlman we biliv pan Jizɔs Krays, fɔ dɛn Ju ɛn fɔ dɛn pipul we nɔto Ju, bikɔs i nɔ luk se wan sɛt difrɛn frɔm di ɔda wan.

Lyuk 19:9

Jizɔs tɛl am se, “Frɔm tide, Gɔd dɔn sev yu ɛn yu fambul dɛn bikɔs yusɛf na wan pan Ebraam in grampikin pikin dɛm.

Di Ibru Pipul Dɛn 11:7

Na bikɔs Noa bin biliv Gɔd mek i lisin di tɛm we Gɔd wɔn am bɔt dɛn tin we go bi. Pan ɔl we i nɔ bin si di tin dɛn yet, Noa du wetin Gɔd tɛl am fɔ du. I mek wan big bot we in, in wɛf ɛn in pikin dɛn go insay, so di wata we bin kɔba di wɔl nɔ bin du dɛn natin. So di biliv we Noa biliv Gɔd dɔn pruv se di pipul dɛn na di wɔl bin de du bad we dɛn nɔ bin biliv Gɔd. Gɔd tek Noa fɔ bi tret pɔsin bikɔs Noa bin biliv am.

2 Kɔrint 1:22

Nain dɔn put in mak pan wi fɔ sho se wi nain yon pipul, ɛn i put in Spirit insay wi at fɔ mek wi no fɔ tru se ɔl wetin i gɛt fɔ wi, de ɔltɛm.

Lɛta Fɔ Filipay 3:9

ɛn a nɔ want mek ɛnitin kam midul wi. Nɔto wetin a de du, dat na we a de kip di Ju Lɔ mek ɔltin rayt bitwin mi ɛn Gɔd, bɔt ɔltin rayt bitwin mi ɛn Gɔd bikɔs a biliv pan Krays. Na Gɔd de mek ɔltin rayt bitwin mɔtalman ɛn insɛf bikɔs mɔtalman biliv pan Krays.

Lɛta Fɔ Ɛfisɔs 4:30

Una nɔ mek Gɔd in Spirit sɔri, na da Spirit de Gɔd tek mak una, fɔ di de we i go fri una.

Lɛta Fɔ Ɛfisɔs 1:13

Na di sem tin bi to unasɛf, wɛn una yɛri di Gud Nyuz we na di tru tin, nain sho una aw Gɔd go sev una. Wɛn una biliv Krays, Gɔd gi unain Spirit we i bin dɔn prɔmis wi, dat na di mak fɔ sho se wi na Gɔd yon pipul.

Lɛta Fɔ Galeshya 6:16

A de pre mek Gɔd gi ɔl dɛn pipul we de du wetin a dɔn tɛl dɛn, wit ɔl Gɔd in pipul dɛn, kol at, ɛn mek Gɔd du gud to dɛn!

Lɛta Fɔ Galeshya 5:5

Fɔ wi yon pat, wi no se Gɔd go mek ɔltin rayt bitwin wi ɛn Gɔd. Wi abop fɔseka wetin Gɔd in Spirit bin dɔn du ɛn bikɔs wi biliv pan Krays.

Lɛta Fɔ Galeshya 3:29

If una ɔl na Krays yon pipul, dat min se una na Ebraam in grampikin pikin dɛm, ɛn una go gɛt wetin Gɔd dɔn prɔmis fɔ gi Ebraam in grampikin pikin dɛm.

Lɛta Fɔ Galeshya 3:22

Bɔt dɛn rayt na Gɔd in Buk se, na sin de rul di wɔl, so na we pipul biliv pan Krays go mek dɛn gɛt wetin Gɔd prɔmis fɔ gi dɛn.

Lɛta Fɔ Galeshya 3:7

Una fɔ no se dɛn pipul we biliv Gɔd na Ebraam in grampikin pikin dɛm.

Lɛta Fɔ Rom 10:11

Dɛn rayt na Gɔd in Buk se, “Ɛnibɔdi we biliv pan am nɔ go disapɔynt.”

Lɛta Fɔ Rom 10:6

Bɔt di tin we dɛn rayt na Gɔd in Buk bɔt aw Gɔd de mek ɔltin rayt bitwin in ɛn dɛn pipul we biliv pan am, nain dis: “Yu nɔ se, udat go go ɛvin?” (Dat na fɔ briŋ Krays kam dɔŋ to wi).

Lɛta Fɔ Rom 10:4

Krays dɔn kam, di Lɔ nɔ gɛt pawa igen, so Gɔd de mek ɔltin rayt bitwin in ɛn ɛnibɔdi we biliv pan Krays.

Jɔn 6:35

Jizɔs ansa dɛn se, “Mi na di bred we de gi layf, ɛnibɔdi we kam to mi ɛn biliv pan mi nɔ go aŋri, ɛn i nɔ go tɔsti igen.

Rɛvɛleshɔn 9:4

Dɛn bin tɛl dɛn mek dɛn nɔ pwɛl di gras ɛn di tik dɛn ɔ ɛnitin we de gro; dɛn bin tɛl dɛn fɔ briŋ waala pan dɛn pipul nɔmɔ we nɔ bin gɛt Gɔd in stamp pan dɛn fɔrɛd.

Pita In Sɛkɛn Lɛta 1:1

Mi Saymɔn Pita, we de wok fɔ Jizɔs Krays ɛn we na wan pan in apɔsul dɛn, de rayt to una we biliv pan am lɛkɛ aw wisɛf biliv pan am, bikɔs wi Papa Gɔd ɛn Jizɔs Krays we sev wi de du wetin rayt ɔltɛm. Di biliv we wi biliv pan am ɛn di biliv we una biliv pan am nɔto tin we mɔni kin bay.

Lɛta Fɔ Rom 9:30

So, wetin wi go se? Dɛn pipul we nɔto Ju, we nɔ bin de tray fɔ mek ɔltin rayt bitwin dɛn ɛn Gɔd, Gɔd dɔn mek ɔltin rayt bitwin in ɛn dɛn, bikɔs dɛn dɔn biliv am;

Lɛta Fɔ Rom 9:6

A nɔ de tɛl una se Gɔd nɔ du wetin i bin dɔn prɔmis fɔ du. Gɔd du wetin i bin dɔn prɔmis fɔ du bikɔs nɔto ɔl dɛn pipul we Gɔd pik na Ju pipul;

Lɛta Fɔ Rom 3:26

bɔt naw fɔ sho se in de du wetin rayt ɔltɛm, i de pɔnish mɔtalman fɔ in sin dɛn ɛn i de mek ɔltin rayt bitwin in ɛn ɔlman we biliv pan Krays.

Jɔn 8:33

Dɛn ansa Jizɔs se, “Wi na Ebraam in grampikin pikin dɛm, ɛn wande wi nɔ bi slev; so, wetin yu min we yu se, ‘Una go fri?’”

Jɔn 6:47

A de tɛl una se, ɛnibɔdi we biliv wetin a se, da pɔsin de dɔn gɛt layf we go de sote go.

Jɔn 6:40

Wetin mi Papa want, na fɔ mek ɔlman we no in Pikin ɛn biliv pan am gɛt layf we go de sote go. Ɛn a go mek dɛn ɔl rayz frɔm di grev ɛn gi dɛn di tru layf, di de we Gɔd go jɔj ɔlman.”

Jɔn 3:36

Ɛnibɔdi we biliv pan Gɔd in Pikin go gɛt layf we go de sote go; bɔt ɛnibɔdi we nɔ du wetin Gɔd in Pikin se, nɔ go gɛt di tru layf we de sote go, ɛn Gɔd go stil de pɔnish am.

Matyu 16:16

Saymɔn Pita ansa se, “Yu na di Mɛsaya, Gɔd we go de sote go, in Pikin!”

Matyu 8:11

A de tɛl una se, plɛnti pipul go kɔmɔt ɔlɔbɔt na wɔl ɛn sidɔm wit Ebraam, Ayzak ɛn Jekɔb na di ples we Gɔd de rul na ɛvin.

Izikɛl 20:20

ɛn mek mi de dɛn fɔ blo ɛn rɛst oli so dat dɛn go bi sayn bitwin mi ɛn una, so dat una go no se, mi we na PAPA GƆD, na una Gɔd.

Izikɛl 20:12

Pantap dat, a bin gi dɛm mi de fɔ blo ɛn rɛst as sayn bitwin mi ɛn dɛn, so dat dɛn go no se na mi PAPA GƆD de mek dɛn oli.

Ditarɔnɔmi 30:6

PAPA GƆD go chenj dɛn ɛn dɛn jɛnareshɔn dɛn at, so dat dɛn go lɛk PAPA GƆD we na dɛn PAPA GƆD wit ɔl dɛn at ɛn wit ɔl dɛn sol so dat dɛn go kɔntinyu fɔ de na di land.

Ɛksodɔs 31:17

Na dis de yaso go sho se sɔntin de bitwin mi ɛn di Izrɛlayt dɛn; na siks de a tek fɔ mek ɛvin ɛn ath, di de we mek sɛvin a tap fɔ wok ɛn blo.”

Ɛksodɔs 31:13

“Tɛl di Izrɛlayt dɛn se, dɛn ɔl fɔ sho rɛspɛkt fɔ di de fɔ pre ɛn blo, na dat go mek ɔl di jɛnareshɔn we go kam afta una no se sɔntin de bitwin mi ɛn una, ɛn sho igen se na mi PAPA GƆD dɔn pik una as mi yon pipul.

Ɛksodɔs 12:13

Di blɔd we una go rɔb na una domɔt frem go bi sayn fɔ sho se na una de na dɛn os dɛn de. We a si di blɔd a go pas oba una ɛn nɔn pan una nɔ go day we dis waala kam na Ijipt.

Lɛta Fɔ Rom 9:33

Na dat dɛn rayt bɔt na Gɔd in Buk we dɛn se: “Una yɛri wetin a de tɛl una, a dɔn put ston na Zayɔn we go mek pipul bɔk dɛn fut, na di ston dat we go mek pipul fɔdɔm. Bɔt ɛnibɔdi we biliv pan am nɔ go disapɔynt.”

Jɛnɛsis 17:24

Ebraam bin ol naynti-nayn ia we i sakɔmsayz,

Di Sam Dɛm 47:9

Ɔl dɛn ɔda kiŋ de kam gɛda lɛkɛ se dɛnsɛf de wɔship di PAPA GƆD we Ebraam bin de wɔship, bikɔs ɔl di pawa we dɛn gɛt, na PAPA GƆD gi dɛn; PAPA GƆD riali wɔndaful.

Jɔn 3:33

Ɛnibɔdi we put at pan wetin i se, dɔn sho se na tru Gɔd tɔk.

Lɛta Fɔ Rom 3:30

Na wangren Gɔd nɔmɔ de. I go mek ɔltin rayt bitwin in ɛn dɛn Ju pipul if dɛn biliv pan Krays, ɛn i go mek ɔltin rayt bitwin in ɛn dɛn pipul we nɔto Ju if dɛnsɛf biliv pan Krays.

Lɛta Fɔ Rom 4:10

Ustɛm Gɔd du dat bifo Ebraam sakɔmsayz ɔ afta i sakɔmsayz? Na bifo i sakɔmsayz.