Lɛta Fɔ Rom 3:9 - Krio Fɔs Oli Baybul

⁹ Wɛl, wi we na Ju bɛtɛ pas ɔl dɛn ɔda pipul na Gɔd in yay? Nɔto so i bi! A bin dɔn pruv to una se sin de rul dɛn Ju pipul ɛn dɛn wan we nɔto Ju, semwe.

Lɛta Fɔ Rom 3:9 Referans Kwoze

Lɛta Fɔ Galeshya 3:22

Bɔt dɛn rayt na Gɔd in Buk se, na sin de rul di wɔl, so na we pipul biliv pan Krays go mek dɛn gɛt wetin Gɔd prɔmis fɔ gi dɛn.

Lɛta Fɔ Rom 6:15

We i bi so, wetin wi fɔ se? Wi fɔ stil de sin bikɔs di lɛk we Gɔd lɛk wi, pan ɔl we wi nɔ fit fɔ mek yu lɛk wi, nain de rul wi naw, ɛn di Lɔ nɔ de rul wi igen? Dat nɔ fɔ bi!

Ayzaya 65:5

Pipul dɛn we de se, “Kip to yusɛf, nɔ kam nia mi, bikɔs a tu oli fɔ yu.” Dɛn tin ya na smok na mi nos ol, ɛn faya we de bɔn ol de.

Lɛta Fɔ Rom 11:32

Bikɔs ɔlman nɔ bin gri fɔ du wetin i tɛl dɛn fɔ du, Gɔd mek dɛn ɔl nɔ ebul fɔ lɛf dɛn sin igen so dat i go sɔri fɔ dɛn.

Lɛta Fɔ Rom 3:19

Wi dɔn no naw se ɔltin we de na di Ju Lɔ na fɔ dɛn pipul we fil se dɛn mɔs kip am. Di Lɔ de so dat nɔbɔdi nɔ go se in nɔ no wetin rayt fɔ du, ɛn, pantap dat i go mek Gɔd jɔj ɔlman na wɔl.

Lɛta Fɔ Filipay 1:18

Fɔ mi yon pat, if na gud dɛn mɛmba we dɛn de tɔk bɔt Krays ɔ if na bad, dat nɔ mata; wans nɔmɔ dɛn de tɛl ɔda pipul bɔt Jizɔs Krays, a gladi; ɛn a go gladi mɔ ɛn mɔ,

Lɛta Fɔ Galeshya 3:10

Ɛnibɔdi we tink se na we i de du wetin di Ju Lɔ se go mek ɔltin rayt bitwin in ɛn Gɔd, da pɔsin de fɔ no se Gɔd go kɔndɛm am; bikɔs dɛn rayt na Gɔd in Buk se, “Gɔd de kɔndɛm ɛnibɔdi we nɔ de du ɔl wetin di Ju Lɔ se, ɔltɛm.”

1 Kɔrint 14:15

So wetin a fɔ du? A go pre wit mi spirit, bɔt semwe so a go tink bɔt wetin a de pre: a go siŋ wit mi spirit, bɔt semwe so a go tink bɔt wetin a de siŋ.

1 Kɔrint 10:19

Wetin a min bay dat? Dɛn tin we mɔtalman de pre to ɛn di it we dɛn de gi dɛn, na ɛni bɛtɛ tin?

1 Kɔrint 4:7

Udat mek una bɛtɛ pas ɔda pipul? Nɔto Gɔd gi una ɔl wetin una gɛt? If na so, wetin fɔ mek una bost, lɛkɛ se nɔto gi Gɔd gi una ɔl wetin una gɛt?

Lɛta Fɔ Rom 11:7

Wetin igen? Di pipul dɛn na Izrɛl nɔ bin fɛn wetin dɛn bin de luk fɔ. Na dɛn pipul we nɔ plɛnti, we Gɔd pik, fɛn am. Gɔd mek di ɔda pipul dɛn nɔ ebul yɛri wɛn i kɔl dɛn.

Lɛta Fɔ Rom 3:5

Na rayt tin sɔm pipul de tɔk we dɛn de agyu se di bad we wi de du de sho se Gɔd de du rayt? Wetin wi go se bɔt dat? Na bad Gɔd de du we i de pɔnish wi fɔ di bad we wi de du? (A de tɔk na ya lɛkɛ aw mɔtalman kin tɔk.)

Lɛta Fɔ Rom 1:18

Di vɛks we Gɔd vɛks dɔn sho aw i go jɔj ɔlman fɔ di sin we de na dɛn at ɛn fɔ di bad we dɛn du, we de mek pipul nɔ no wetin tru bɔt Gɔd.

Lyuk 7:39

Wɛn di Faresi we kɔl Jizɔs kam nain os fɔ kam it si wetin bi, i wɔnda, i tɔk nain at se, “If dis man na bin prɔfɛt, fɔ tru, i bin fɔ no uskayn uman de ol am so, bikɔs na uman we de pan fri layf.”

Prɔvabs 20:9

Udat na wɔl go es in an ɔp se in an klin, in nɔ de kɔmit wan sin?

Lɛta Fɔ Rom 2:1

Mi kɔmpin Kristiɛn dɛn, una we de jɔj ɔda pipul, una nɔ go se una nɔ du bad wande, ilɛk udat una bi. Wɛn una de jɔj ɔda pipul, una de kɔndɛm unasɛf, bikɔs una de du di sem tin we dɛn de du.

Lɛta Fɔ Rom 3:1

Sɔntɛm pipul go aks se, i bɛtɛ fɔ bi Ju pas nɔ fɔ bi Ju? I gud mek di Ju dɛn sakɔmsayz?

Lɛta Fɔ Rom 7:14

Wi no se di lɔ kɔmɔt to Gɔd, bɔt mi na mɔtalman, mi na sin in slev.