Lɛta Fɔ Rom 3:8 - Krio Fɔs Oli Baybul

⁸ If na so i bi, wetindu una nɔ go se, “Mek wi du bad so dat gud go kɔmɔt insay di bad we wi du?” Na di sem tin sɔm pipul lay se a de tɔk. Gɔd go kɔndɛm dɛn pipul de we lay pan mi so, ɛn i go rayt fɔ du dat.

Lɛta Fɔ Rom 3:8 Referans Kwoze

Lɛta Fɔ Rom 6:1

So wetin wi go se? Wi fɔ jɛs de sin de go so dat Gɔd go sɔri fɔ wi ɛn sho wi se in lɛk wi mɔ ɛn mɔ pan ɔl we wi nɔ fit fɔ mek i lɛk wi?

Lɛta Fɔ Rom 6:15

We i bi so, wetin wi fɔ se? Wi fɔ stil de sin bikɔs di lɛk we Gɔd lɛk wi, pan ɔl we wi nɔ fit fɔ mek yu lɛk wi, nain de rul wi naw, ɛn di Lɔ nɔ de rul wi igen? Dat nɔ fɔ bi!

Lɛta Fɔ Rom 7:7

Wetin wi fɔ se? Di Lɔ bad? Di Lɔ nɔ bad atɔl! Na di Lɔ bin mek a no wetin na sin. A nɔ bin fɔ no wetin na tifyay if di Lɔ nɔ bin se, “Yu nɔ fɔ gɛt tifyay.”

Lɛta Fɔ Rom 5:20

Gɔd sɛn di Lɔ kam fɔ sho wi se tin de na wi at we kin mek wi want fɔ sin mɔ ɛn mɔ; bɔt aw sin de plɛnti, na so Gɔd de sho wi se in lɛk wi mɔ ɛn mɔ, pan ɔl we wi nɔ fit fɔ mek i lɛk wi.

Jud In Lɛta 1:4

A de tɛl una dat bikɔs sɔm pipul we nɔ gɛt Gɔd na dɛn at dɔn kam miks wit una sikrit wan; dɛn se bikɔs Gɔd gud, dɛn kin du ɛni kayn tin, ɛn Gɔd nɔ go kɔndɛm dɛn; dɛn tɔn dɛn bak pan wi wangren Masta Jizɔs Krays. Na lɔn, lɔntɛm, Gɔd in Buk bin dɔn tɔk se Gɔd go kɔndɛm dɛn pipul ya.

Matyu 5:11

“Una gɛt blɛsin wɛn pipul kɔs una, wɛn dɛn mek una sɔfa ɛn tɔk bad tin bɔt una we nɔto tru, fɔ mi sek.

2 Kɔrint 6:8

Sɔntɛm pipul kin rɛspɛkt wi, sɔntɛm dɛn kin mek wi shem; sɔntɛm dɛn kin fityay wi, sɔntɛm dɛn kin prez wi. Pan ɔl we wi de tɔk tru, dɛn kin se na lay wi de lay;

2 Kɔrint 11:15

So una nɔ fɔ wɔnda if Setan in savant dɛn de mek lɛkɛ se dɛn na Gɔd in tru savant dɛn. Wɛn dɛn yon tɛm dɔn na dis wɔl, dɛn go gɛt di pe fɔ di tin dɛn we dɛn de du.

Jɛrimaya 40:16

Bɔt Gɛdalaya we na Aikam in bɔypikin tɛl Joanan we na Karɛa in bɔypikin se, “Yu nɔ go du da kayn tin de, bikɔs na lay yu de lay pan Ishmɛl.”