Lɛta Fɔ Rom 3:6 - Krio Fɔs Oli Baybul

⁶ Dat nɔto tru! If Gɔd nɔ de du rayt, aw i go jɔj mɔtalman?

Lɛta Fɔ Rom 3:6 Referans Kwoze

Jɛnɛsis 18:25

A no se yu nɔ go du dat. Yu nɔ tan so! Yu nɔ go mek udat du rɔŋ ɛn udat du rayt gɛt di sem pɔnishmɛnt. Yu we na jɔj fɔ di wanol wɔl go jɔj tret wan.”

Apɔsul Dɛn Wok 17:31

Gɔd dɔn put tɛm we i go jɔj ɔlman ɛn nɔbɔdi nɔ go kɔmplen se Gɔd nɔ jɔj am tret. Gɔd dɔn pik di wan we go jɔj ɔlman. Gɔd dɔn mek wi shɔ bɔt dis tin, we i mek di wan we i pik, rayz frɔm di grev, fɔ mek nɔbɔdi nɔ go dawt.”

Job 8:3

PAPA GƆD nɔ miks pan bɛnbɛn ɛn in we na PAPA GƆD Ɔlmayti, nɔ de rɔb Pita fɔ pe Pɔl.

Lɛta Fɔ Rom 2:16

So, lɛkɛ aw di Gud Nyuz we a de tɛl pipul se, ɔl dɛn tin ya go bi di De we Gɔd go mek Jizɔs Krays jɔj dɛn sikrit tin we mɔtalman de tink.

Di Sam Dɛm 98:9

Lɛ dɛn ɔl siŋ ɛn go to PAPA GƆD bikɔs i de kam fɔ jɔj di wɔl. I go jɔj di wɔl tret wan, ɛn i go trit ɔlman ikwal.

Di Sam Dɛm 96:13

Dɛn ɔl di pipul go gladi bikɔs PAPA GƆD de kam fɔ jɔj di wɔl. We i de jɔj di wɔl, i go jɔj tret wan dɔn ɔl wetin na tru go kɔmɔt na do.

Di Sam Dɛm 50:6

Di tin dɛn na ɛvin sɛf de sho se PAPA GƆD raychɔs ɛn nainsɛf de jɔj di pipul.

Di Sam Dɛm 9:8

I go jɔj di wɔl tret wan; i nɔ go de pan bɛnbɛn we i de jɔj.

Lyuk 20:16

I go kam kil dɛn ɔl ɛn rɛnt di gadin gi ɔda pipul.” Wɛn di pipul dɛn yɛri wetin Jizɔs tɔk, dɛn se, “Lɛ Gɔd nɔ mek dat bi!”

Lɛta Fɔ Rom 3:4

Dat nɔ go bi! Gɔd mɔs kip to in wɔd pan ɔl we mɔtalman de lay. Lɛkɛ aw dɛn rayt na Gɔd in Buk, we dɛn se, “Ɛnitɛm we Gɔd de tɔk, pipul mɔs si se i rayt fɔ tɔk wetin i de tɔk; ɛn i mɔs win ɛnibɔdi we tɔk se i du bad we fɔ mek dɛn jɔj am.”

Lɛta Fɔ Rom 3:31

Dat min se, bikɔs wi biliv pan Jizɔs Krays, di Lɔ nɔ min natin fɔ wi igen? Wi nɔ go put di Lɔ wansay. Di biliv we wi biliv pan Jizɔs Krays sho se di Lɔ min sɔntin.