Lɛta Fɔ Rom 3:4 - Krio Fɔs Oli Baybul

⁴ Dat nɔ go bi! Gɔd mɔs kip to in wɔd pan ɔl we mɔtalman de lay. Lɛkɛ aw dɛn rayt na Gɔd in Buk, we dɛn se, “Ɛnitɛm we Gɔd de tɔk, pipul mɔs si se i rayt fɔ tɔk wetin i de tɔk; ɛn i mɔs win ɛnibɔdi we tɔk se i du bad we fɔ mek dɛn jɔj am.”

Lɛta Fɔ Rom 3:4 Referans Kwoze

Di Sam Dɛm 51:4

A dɔn sin to yu ɛn yu gɛt rayt fɔ kɔndɛm mi.

Di Sam Dɛm 116:11

Wɛn i pasmak pan mi, a se, “Ɔl mɔtalman de lay.”

Lɛta Fɔ Galeshya 2:17

If, pan ɔl di tray we wi de tray fɔ mek ɔltin rayt bitwin wi ɛn Gɔd bikɔs wi dɔn jɔyn wit Krays, wisɛf de sin, dat min se na Krays de mek wi sin? Dat nɔto tru!

Di Ibru Pipul Dɛn 6:18

So, dɛn tu tin ya, dat na di prɔmis we Gɔd mek ɛn di tin we i tek oth se in go du, nɔ go chenj, bikɔs Gɔd nɔ de lay. Na dɛn tu tin ya mek wi tinap traŋa, so dat wi we dɔn go ayd to Gɔd, go put ɔl wi at pan wetin Gɔd go gi wi bambay.

Taytɔs 1:2

we go mek dɛn abop fɔ gɛt layf we go de sote go. Gɔd, we nɔ de lay, bin dɔn prɔmis fɔ gi wi da layf de bifo i mek di wɔl,

Ditarɔnɔmi 32:4

Na PAPA GƆD de fɛt fɔ dɛn ɛn i nɔ de mek mistek, I nɔ bɛn-bɛn pan ɛnitin we i de du. Na fethful Gɔd, ɛn i nɔ de lay Natin we i de du nɔ gɛt wan bɛn bɛn.

Job 36:3

A go sho una aw a sabi plɛnti plɛnti tin, ɛn pruv to una se PAPA GƆD we mek mi, nɔ bɛn bɛn.

Jɔn 3:33

Ɛnibɔdi we put at pan wetin i se, dɔn sho se na tru Gɔd tɔk.

Di Sam Dɛm 119:160

Ɔl wetin yu se na tru; dɛn nɔ gɛt bɛnbɛn ɛn dɛn go de sote go.

Rɛvɛleshɔn 3:7

“Rayt dis mɛsej ya sɛn am go to di enjɛl we de gyad di Kristiɛn dɛn na Filadɛlfia: “Na di mɛsej dis we Krays we na di tru wan, sɛn. Nain ol di ki we Devid bin ol. If i opin ɛni do, nɔbɔdi nɔ de we go ebul lɔk am. If i lɔk ɛni do, nɔbɔdi nɔ de we go ebul opin am:

Jɔn In Fɔs Lɛta 5:20

Wi no se Gɔd in Pikin dɔn kam ɛn i dɔn gi wi di pawa fɔ no di tru Gɔd. Wi layf de wit di tru Gɔd ɛn wi layf de wit Gɔd in Pikin, Jizɔs Krays. Jizɔs Krays na di tru Gɔd ɛn di tru layf we go de sote go.

Lɛta Fɔ Rom 9:14

Wɛl, wetin wi go se? Wi go se Gɔd nɔ de du wetin rayt? Gɔd de du wetin rayt ɔltɛm!

Di Sam Dɛm 138:2

A go mek shɔ se a baw usay yu os de ɛn a go prez yu fɔ di kayn lɔv we yu gɛt fɔ wi we nɔ de ɛva chenj ɛn yu de sho wi ɔltɛm se yu lɛk wi, fɔ we yu mek yusɛf ɛn wetin yu se pas ɔltin we de na wɔl.

Mayka 7:20

PAPA GƆD go biev lɛk aw i bin de biev to Jekɔb, sho in lɔv we nɔ de dɔn to Ebram, jɛs lɛk aw i bin dɔn prɔmis dɛn fɔstɛm-papa dɛn se i go du.

Di Sam Dɛm 100:5

PAPA GƆD gud ɛn i nɔ de chenj in maynd we i lɛk yu. I fethful to in pipul ɛn ɔl dɛn jɛnareshɔn.

Jɔn In Fɔs Lɛta 5:10

Ɛni bɔdi we biliv se Jizɔs na Gɔd in Pikin, di tin we Gɔd tɔk de nain at, bɔt if ɛni bɔdi se in nɔ biliv wetin Gɔd tɔk bɔt in Pikin, da pɔsin de de se Gɔd de lay.

Lɛta Fɔ Galeshya 2:21

A nɔ go tek di gud we Gɔd gud to mi ɛn di lɛk we Gɔd lɛk mɔtalman, mek natin. If na di Ju Lɔ we pɔsin de kip de mek ɔltin rayt bitwin in ɛn Gɔd, dat min se di day we Krays day nɔ min natin!

Lɛta Fɔ Rom 6:15

We i bi so, wetin wi fɔ se? Wi fɔ stil de sin bikɔs di lɛk we Gɔd lɛk wi, pan ɔl we wi nɔ fit fɔ mek yu lɛk wi, nain de rul wi naw, ɛn di Lɔ nɔ de rul wi igen? Dat nɔ fɔ bi!

Lɛta Fɔ Rom 3:31

Dat min se, bikɔs wi biliv pan Jizɔs Krays, di Lɔ nɔ min natin fɔ wi igen? Wi nɔ go put di Lɔ wansay. Di biliv we wi biliv pan Jizɔs Krays sho se di Lɔ min sɔntin.

Matyu 11:19

Wɛn Mɔtalman Pikin kam, i it ɛn drink wit pipul, bɔt dɛn se, ‘Una luk awaŋɔt ɛn drɔnkɔman, i mek padi wit dɛn pipul we de gɛda taks ɛn dɛn Ju pipul we nɔ de kip di Ju Lɔ aw dɛn fɔ kip am.’ Di tin dɛn we pɔsin de du go sho if na Gɔd in sɛns i tek du dɛn.”

Job 40:8

Yu go ɛva se mi rɔŋ? Yu go du dat so dat yu go sho se yu nɔ du natin?

Lɛta Fɔ Galeshya 6:14

Fɔ mi yon pat, a go bost nɔmɔ bɔt di day we Masta Jizɔs Krays day na di krɔs. Na di day we Jizɔs day na di krɔs mek natin nɔ ful mi yay na dis wɔl, ɛn a jɛs tan lɛkɛ dayman; dis wɔl nɔ gɛt natin fɔ du wit mi.

Lɛta Fɔ Rom 11:1

So mek a aks una sɔntin: Gɔd bin se i nɔ want in yon pipul dɛn igen? I nɔ tɔk dat! Misɛf na Ju we kɔmɔt Izrɛl, Ebraam na mi grampapa papa ɛn na Bɛnjamin in fambul a kɔmɔt.

Di Sam Dɛm 62:9

Poman na lɛk briz, jɛntri man in na laylay; if yu we dɛn, dɛn nɔ wɔt natin; dɛn ɔltu na ɛmti briz.

2 Kɔrint 1:18

We Gɔd nɔ de lay, misɛf nɔ go prɔmis una wan tin, dɔn a chenj mɔt.

Lɛta Fɔ Rom 11:11

So, mek a aks una ɔda kwɛshɔn: Wɛn di Ju pipul dɛn bin bɔk dɛn fut, dɛn bin fɔdɔm ɛn dɛn nɔ bin ebul rayz igen? Natin lɛkɛ dat nɔ bi! Bikɔs di Ju dɛn bin sin, Gɔd tɔn to dɛn pipul we nɔto Ju ɛn sev dɛn, so di Ju dɛn de jɛlɔs dɛn pipul we nɔto Ju.

Lɛta Fɔ Rom 7:7

Wetin wi fɔ se? Di Lɔ bad? Di Lɔ nɔ bad atɔl! Na di Lɔ bin mek a no wetin na sin. A nɔ bin fɔ no wetin na tifyay if di Lɔ nɔ bin se, “Yu nɔ fɔ gɛt tifyay.”

Lɛta Fɔ Rom 6:2

Dat nɔ fɔ bi so! Wɛn i kam pan sin, i tan lɛkɛ se wi na dedebɔdi, sin nɔ gɛt pawa fɔ rul wi igen so aw wi go stil de sin igen?

Lyuk 20:16

I go kam kil dɛn ɔl ɛn rɛnt di gadin gi ɔda pipul.” Wɛn di pipul dɛn yɛri wetin Jizɔs tɔk, dɛn se, “Lɛ Gɔd nɔ mek dat bi!”

Lɛta Fɔ Rom 7:13

Dat min se na di Lɔ we gud mek a day? Nɔto di Lɔ du dat! Na sin tek di Lɔ we gud fɔ kil mi so dat pipul go no aw sin tan fɔ tru, ɛn bikɔs di lɔ se pɔsin nɔ fɔ sin, dat mek sin kam wɔs pas aw i bin tan.

1 Kɔrint 6:15

Una no se una bɔdi dɛn na difrɛn difrɛn pat pan Krays in bɔdi. A go tek ɛni pat pan Krays in bɔdi put am pan wan rare gyal? Dat nɔ pɔsibul!

Fɔs Lɛta To Timoti 3:16

Nɔbɔdi nɔ go dinay se di sikrit we de insay wi rilijɔn na big wan: I kam lɛkɛ mɔtalman, Gɔd in Spirit sho se i rayt fɔ du dat. Enjɛl dɛn si am. Pipul tɔk bɔt am ɔlɔbɔt na dɛn difrɛn neshɔn. Pipul na wɔl bin biliv pan am, Gɔd tek am go ɛvin, ɛn put am nain raytan.