Lɛta Fɔ Rom 3:23 - Krio Fɔs Oli Baybul

²³ Ɔlman dɔn sin, dɛn nɔ bi igen lɛkɛ aw dɛn bin fɔ bi, if dɛn bin stil de klos Gɔd.

Lɛta Fɔ Rom 3:23 Referans Kwoze

Ɛkliziastis 7:20

Na tru se nɔbɔdi nɔ de na wɔl we de du wetin PAPA GƆD want ɔltɛm ɛn nɔ de ɛva sin.

Lɛta Fɔ Rom 3:9

Wɛl, wi we na Ju bɛtɛ pas ɔl dɛn ɔda pipul na Gɔd in yay? Nɔto so i bi! A bin dɔn pruv to una se sin de rul dɛn Ju pipul ɛn dɛn wan we nɔto Ju, semwe.

Lɛta Fɔ Galeshya 3:22

Bɔt dɛn rayt na Gɔd in Buk se, na sin de rul di wɔl, so na we pipul biliv pan Krays go mek dɛn gɛt wetin Gɔd prɔmis fɔ gi dɛn.

Lɛta Fɔ Rom 11:32

Bikɔs ɔlman nɔ bin gri fɔ du wetin i tɛl dɛn fɔ du, Gɔd mek dɛn ɔl nɔ ebul fɔ lɛf dɛn sin igen so dat i go sɔri fɔ dɛn.

Fɔs Lɛta Fɔ Tɛsalonayka 2:12

Wi kin tɔk to una mek una at nɔ pwɛl, ɛn wi kin tɛl una ɔltɛm fɔ liv di kayn layf we go mek Gɔd satisfay wit una, bikɔs Gɔd kɔl una fɔ bi in yon pipul we i de rul ɛn fɔ gɛt pan di ɔna we i gɛt.

Lɛta Fɔ Rom 3:19

Wi dɔn no naw se ɔltin we de na di Ju Lɔ na fɔ dɛn pipul we fil se dɛn mɔs kip am. Di Lɔ de so dat nɔbɔdi nɔ go se in nɔ no wetin rayt fɔ du, ɛn, pantap dat i go mek Gɔd jɔj ɔlman na wɔl.

Sɛkɛn Lɛta Fɔ Tɛsalonayka 2:14

Gɔd kɔl una fɔ bi in yon pipul dɛn tru di Gud Nyuz we wi tɛl una; i kɔl una fɔ gɛt pan di wɔndaful pawa ɛn ɔna we Masta Jizɔs Krays gɛt.

Pita In Fɔs Lɛta 4:13

bɔt una fɔ gladi bikɔs unasɛf de sɔfa lɛkɛ aw Krays bin sɔfa, so dat wɛn Krays kam bak wit ɔl in pawa, una go gladi fawe pas aw una gladi naw.

Lɛta Fɔ Rom 5:2

Bikɔs wi biliv pan Krays, i dɔn mek wi no aw Gɔd lɛk wi pan ɔl we wi nɔ fit fɔ mek i lɛk wi, ɛn Gɔd de sho wi aw i lɛk wi naw. So wi gladi, bikɔs wi no se Gɔd go mek wi bi jɛs lɛkɛ aw i want wi fɔ bi.

Lɛta Fɔ Rom 1:28

Bikɔs mɔtalman nɔ gri fɔ put dɛn at pan di tru tin we dɛn no bɔt Gɔd, Gɔd dɔn lɛf dɛn fɔ du di bad tin we de na dɛn at, so naw dɛn jɛs de du dɛn tin we dɛn nɔ fɔ du.

Pita In Fɔs Lɛta 5:10

Bɔt di tɛm we una gɛt fɔ sɔfa nɔ lɔŋ, ɛn wɛn una dɔn sɔfa dɔn, Gɔd we lɛk una gud gud, go kɔl una fɔ mek unasɛf gɛt pan di pawa ɛn ɔna we insɛf gɛt we go de sote go, bikɔs una gɛt wanwɔd wit Krays. In we du dat, go mek ɔltin bi na una layf lɛkɛ aw i fɔ bi ɛn i go mek una biliv pan am traŋa wan, i nɔ go mek ɛnitin shek di biliv we una biliv pan am.

Pita In Fɔs Lɛta 5:1

Mi, Pita, na wan pan dɛn bigman na chɔch we de sho pipul di wok we dɛn fɔ du. A si we Krays de sɔfa wit mi yon yay, ɛn a no se misɛf go de wit am di tɛm we i go kam bak, wɛn Gɔd go mek ɔlman si in pawa ɛn misɛf go gɛt pan da big blɛsin de. A de beg una dɛn bigman na chɔch.

Di Ibru Pipul Dɛn 4:1

Gɔd bin dɔn prɔmis wi se, wi go go na di ples we i de, ɛn wi go sidɔm blo. Na dat mek wi fɔ tek tɛm, so dat dɛn nɔ go tɛl ɛni wan pan wi se, i nɔ go go de.

Jɛnɛsis 8:21

We di sakrifays bin de bɔn, in sɛnt bin so fayn dat i mek PAPA GƆD in at gladi, nain i tɔk nain at se, “A nɔ go swɛ di wɔl igen fɔseka wetin mɔtalman de du; a no se frɔm we i smɔl na soso bad tin i de tink bɔt. A nɔ go ɛva pwɛl ɔltin we gɛt layf na dis wɔl, lɛkɛ aw a jɛs du.

1 Kiŋ 8:46

“Yu no se nɔbɔdi nɔ de we nɔ de kɔmit sin, so if dɛn sin ɛn dɛn mek yu vɛks pan dɛn, yu mek dɛn ɛnimi dɛn kapchɔ dɛn ɛn kɛr dɛn go as slev na ɔda kɔntri, i lɛk na fa fawe kɔntri sɛf;