Lɛta Fɔ Rom 3:21 - Krio Fɔs Oli Baybul

²¹ Bɔt naw Gɔd dɔn sho wi aw i de mek ɔltin rayt bitwin in ɛn mɔtalman; di Lɔ nɔ gɛt natin fɔ du wit dat. Wetin de na di Lɔ ɛn wetin di prɔfɛt dɛn bin de se, tɔk bɔt dat.

Lɛta Fɔ Rom 3:21 Referans Kwoze

Apɔsul Dɛn Wok 10:43

Ɔl dɛn prɔfɛt bin tɔk bɔt Jizɔs se if ɛnibɔdi biliv pan am, Gɔd go padin da pɔsin de fɔ di bad tin dɛn we i du, bay di pawa we de na Jizɔs in nem.”

Jɛrimaya 33:16

Dɛn tɛm dɛn de, dɛn go sev; Juda ɛn Jerusɛlɛm go sikiɔ. Ɛn na di nem dis we dɛn go de kɔl am: Na PAPA GƆD na wi Raychɔsnɛs.’

Lɛta Fɔ Filipay 3:9

ɛn a nɔ want mek ɛnitin kam midul wi. Nɔto wetin a de du, dat na we a de kip di Ju Lɔ mek ɔltin rayt bitwin mi ɛn Gɔd, bɔt ɔltin rayt bitwin mi ɛn Gɔd bikɔs a biliv pan Krays. Na Gɔd de mek ɔltin rayt bitwin mɔtalman ɛn insɛf bikɔs mɔtalman biliv pan Krays.

Ayzaya 61:10

A go gladi ebi ebi wan fɔ PAPA GƆD, mi sol go es mi Gɔd ɔp; bikɔs i dɔn wɛr salveshɔn klos pan mi, I dɔn kɔba mi wit raychɔsnɛs gawn, lɛk aw dɛn ɔkɔ kin put plɛnti plɛnti galans pan insɛf, ɛn lɛk we yawo kin drɛs insɛf wit in riŋ ɛn chen dɛm.

Ayzaya 51:8

Bikɔs mɔth go it dɛn lɛk klos, ɛn tumbu go it dɛn lɛk wul; bɔt mi dilivrans go de sote go, ɛn mi salveshɔn go go to ɔl di jɛnareshɔn dɛn.”

Lɛta Fɔ Galeshya 3:8

Bifo i apin, Gɔd in Buk dɔn tɔk se, Gɔd go mek dɛn pipul we nɔto Ju bi tret pipul bikɔs dɛn biliv am. So wetin dɛn rayt na Gɔd in Buk sho aw Ebraam bin dɔn yɛri di Gud Nyuz lɔntɛm, wɛn Gɔd tɛl am se, “Na yu a go tek fɔ blɛs ɔlman na wɔl.”

Lɛta Fɔ Rom 5:19

Ɛn lɛkɛ aw wɛn wan man nɔ du wetin Gɔd tɛl am fɔ du, dat mek ɔlman sin; semwe so Gɔd go mek ɔltin rayt bitwin in ɛn plɛnti pipul we biliv pan am, bikɔs Jizɔs Krays du wetin i tɛl am fɔ du.

Lɛta Fɔ Rom 1:17

Di Gud Nyuz de sho wi aw Gɔd de mek ɔltin rayt bitwin insɛf ɛn mɔtalman, if dɛn biliv; natin pas dat nɔ go mek dɛn rayt wit Gɔd. Lɛkɛ aw Gɔd in Buk se, “Di pɔsin we Gɔd put rayt wit insɛf bikɔs i biliv pan am go gɛt layf.”

Lɛta Fɔ Rom 1:2

Gɔd bin dɔn prɔmis fɔ sɛn dis Gud Nyuz ya lɔntɛm ɛn i bin dɔn mek in prɔfɛt dɛn tɛl pipul se in go sɛn am; di Gud Nyuz rayt na Gɔd in Buk.

Apɔsul Dɛn Wok 15:11

Lɛkɛ aw wi biliv se Masta Jizɔs sɔri fɔ wi ɛn sev wi, na di semwe dɛnsɛf biliv se Masta Jizɔs sɔri fɔ dɛn ɛn sev dɛn.”

Ayzaya 46:13

A go briŋ mi dilivrans kam nia, I nɔ de fawe ɛn mi salveshɔn nɔ go westɛm; A go put salveshɔn na Zayɔn, fɔ Izrɛl we na mi glori.”

Lyuk 24:44

Jizɔs tɛl dɛn se, “Wɛn a bin de wit una, a bin dɔn tɛl una se ɔltin we Mozis ɛn dɛn prɔfɛt bin rayt ɛn ɔl wetin dɛn rayt na di Sambuk bɔt mi, mɔs bi.”

Pita In Sɛkɛn Lɛta 1:1

Mi Saymɔn Pita, we de wok fɔ Jizɔs Krays ɛn we na wan pan in apɔsul dɛn, de rayt to una we biliv pan am lɛkɛ aw wisɛf biliv pan am, bikɔs wi Papa Gɔd ɛn Jizɔs Krays we sev wi de du wetin rayt ɔltɛm. Di biliv we wi biliv pan am ɛn di biliv we una biliv pan am nɔto tin we mɔni kin bay.

Pita In Fɔs Lɛta 1:10

Dɛn prɔfɛt we bin dɔn tɔk bɔt dis gud tin ya we Gɔd dɔn gi una, bifo i gi una, bin tek tɛm fɔ dig fɔ no bɔt dis layf ya we go de sote go na ɛvin, we Gɔd de gi dɛn wan we biliv pan Krays.

Lɛta Fɔ Galeshya 5:5

Fɔ wi yon pat, wi no se Gɔd go mek ɔltin rayt bitwin wi ɛn Gɔd. Wi abop fɔseka wetin Gɔd in Spirit bin dɔn du ɛn bikɔs wi biliv pan Krays.

Lɛta Fɔ Rom 16:26

Bɔt naw wetin di prɔfɛt dɛn bin rayt dɔn mek plɛnti pipul no dis tru tin ya, ɛn Gɔd we de sote go, dɔn tɛl wi fɔ tɛl ɔlman na wɔl bɔt dis tru tin, so dat ɔlman go biliv ɛn du wetin Gɔd se.

Apɔsul Dɛn Wok 26:22

Bɔt we Gɔd de ɛp mi, te tide a de tɛl ɔlman, pikin o, bigman o, ɔl wetin tru. Wetin a de tɔk, nain dɛn prɔfɛt ɛn Mozis bin dɔn tɔk lɔntɛm se go bi.

Jɔn 1:45

Filip go luk fɔ Natanyɛl ɛn tɛl am se, “Wi dɔn si di man we Mozis bin rayt bɔt na di Lɔ buk, ɛn we di prɔfɛt dɛnsɛf bin rayt bɔt. Na Jizɔs we kɔmɔt Nazarɛt we na Josɛf in pikin.”

Daniɛl 9:24

“Dɛn dɔn put sɛvinti tayms sɛvin ia, we na lɔ fɔseka una oli siti ɛn yu pipul dɛn, fɔ tap wikɛdnɛs, fɔ tap sin, ɛn fɔ pe fɔ di bad bad tin dɛn, lɛ pipul de waka tret ɔltɛm, fɔ kɔba di vishɔn ɛn di prɔfɛt ɛn fɔ pre fɔ wan ples we go oli pas ɔl mek i go klin.

Ayzaya 54:17

Nɔn wɛpɔn we dɛn mek fɔ kil yu, nɔ go wok; ɛn ɛnibɔdi we jɔj yu, yu go pruv am rɔŋ. Dis na wetin go apin to PAPA GƆD in wokman dɛn, ɛn di fri we dɛn fri to mi. Na so PAPA GƆD se.”

Jɛnɛsis 15:6

Ebram biliv wetin PAPA GƆD se ɛn dat mek PAPA GƆD luk am se in na pɔsin we de waka tret wit am.

2 Kɔrint 5:21

Krays nɔ bin gɛt sin, bɔt fɔ sev wi, Gɔd put wi sin dɛn pan am, so dat we wi gɛt wanwɔd wit am, ɔltin go rayt bitwin wi ɛn Gɔd.

1 Kɔrint 1:30

Bɔt Gɔd dɔn mek una gɛt wanwɔd wit Jizɔs Krays; Gɔd dɔn mek Krays bi di sɛns we wi fɔ gɛt. Krays dɔn mek ɔltin rayt bitwin wi ɛn Gɔd, i dɔn mek wi bi Gɔd yon pipul ɛn i dɔn mek wi fri; na Gɔd mek Krays du ɔl dat.

Lɛta Fɔ Rom 9:30

So, wetin wi go se? Dɛn pipul we nɔto Ju, we nɔ bin de tray fɔ mek ɔltin rayt bitwin dɛn ɛn Gɔd, Gɔd dɔn mek ɔltin rayt bitwin in ɛn dɛn, bikɔs dɛn dɔn biliv am;

Lɛta Fɔ Rom 5:21

So jɛs lɛkɛ aw sin bin gɛt pawa fɔ mek ɔlman day, na semwe so di lɛk we Gɔd lɛk wi pan ɔl we wi nɔ fit fɔ mek i lɛk wi, gɛt pawa fɔ mek wi gɛt layf we go de sote go, naw we Gɔd dɔn mek ɔltin rayt bitwin in ɛn mɔtalman na Masta Jizɔs Krays mek dat bi so.

Apɔsul Dɛn Wok 28:23

So dɛn fɛn tɛm we plɛnti pipul kin kam na di mitin. Wɛn di tɛm rich, dɛn go mit Pɔl na di ples we i bin de. Pɔl tɔk frɔm mɔnin te nɛt de tray fɔ sho dɛn se na tru i de tɔk ɛn i tɛl dɛn di mɛsej bɔt Gɔd in rul. I rid di Lɔ we Gɔd bin gi Mozis ɛn dɛn tin we dɛn prɔfɛt bin rayt, fɔ mek di pipul dɛn go biliv pan Jizɔs.

Lɛta Fɔ Rom 3:28

Na dat mek wi de se: Na we mɔtalman biliv pan Jizɔs Krays nɔmɔ de mek Gɔd mek ɔltin rayt bitwin in ɛn mɔtalman, nɔto bikɔs i de du wetin di Lɔ se.

2 Kɔrint 3:9

If di tin we Mozis du we kɔndɛm mɔtalman, wɔndaful, di tin we Gɔd du we mek ɔltin rayt bitwin in ɛn mɔtalman, wɔndaful fawe pas dat.