Lɛta Fɔ Rom 3:12 - Krio Fɔs Oli Baybul

¹² Ɔlman dɔn lɛf fɔ fala Gɔd, dɛn nɔn nɔ bɛtɛ na dis wɔl; nɔbɔdi nɔ de we de du gud, wangren pɔsin sɛf nɔ de.

Lɛta Fɔ Rom 3:12 Referans Kwoze

Di Sam Dɛm 14:3

Bɔt oya! Ɔlman dɔn du rɔŋ, ɔlman kɔrɔpt ɛn de du wetin dɛn want. Nɔbɔdi nɔ de we de du wetin PAPA GƆD want. Nɔbɔdi nɔ de atɔl.

Ɛkliziastis 7:20

Na tru se nɔbɔdi nɔ de na wɔl we de du wetin PAPA GƆD want ɔltɛm ɛn nɔ de ɛva sin.

Ayzaya 64:6

We ɔl dɔn tan lɛk pɔsin we nɔ klin na Gɔd yay, ɛn ɔl di tin dɛn we wi de du se wi de waka tret na PAPA GƆD in yay, tan lɛk smɛl dɔti klos. Wi ɔl de fed lɛk lif, ɛn wi sin dɛn de kɛr wi go lɛk briz.

Ayzaya 59:8

Dɛn nɔ no di rod fɔ fɛn kolat, ɛn jɔstis nɔ de na dɛn pan ɔl wetin dɛn de du; dɛn dɔn mek dɛn rod dɛn bɛn bɛn, ɛn nɔbɔdi we de wit dɛn, nɔ gɛt kolat.

Ayzaya 53:6

Wi ɔl dɔn go astre lɛk ship; ɔlman dɔn go in yon we; ɛn PAPA GƆD dɔn put wi ɔl sin dɛn pan am.

Ɛkliziastis 7:29

Na dis nɔmɔ a ebul fɔ fɛnɔt; dat na we PAPA GƆD mek mɔtalman tret; bɔt na mɔtalman mekmek te in layf bɛnbɛn.

Pita In Fɔs Lɛta 2:25

Una bin tan lɛkɛ ship we dɔn lɛf fɔ fala di man we de mɛn dɛn, so dɛn nɔ sabi rod igen, bɔt naw Gɔd dɔn briŋ una kam bak to di pɔsin we de mɛn una ɛn we de gyad una mek natin bad nɔ mit una.

Faylimɔn 1:11

Onɛsimɔs nɔ bin de ɛp yu fɔs tɛm, bɔt naw i de ɛp wi ɔl tu.

Lɛta Fɔ Ɛfisɔs 2:3

Wisɛf bin tan lɛkɛ dɛn, wi bin jɛs de du wetin wi fil fɔ du ɛn wetin wi at gi wi fɔ du; Gɔd bin fɔ vɛks pan wi lɛkɛ aw i vɛks pan dɛn ɔda pipul.

Jɛnɛsis 1:31

PAPA GƆD luk ɔl wetin i bin dɔn mek, ɛn i si se ɔltin gud ɛn fayn. Ivin tɛm kam ɛn do klin - dat na bin di de we mek siks.

Matyu 25:30

Da bɔy de we nɔ bɛtɛ, mek dɛn trowe am na dak ples, usay i go kray bita wan ɛn bɛt in tɔŋ!’

Jɛrimaya 2:13

bikɔs mi pipul dɛn dɔn du tu bad bad tin; dɛn dɔn fɔsek mi, we na di say we wata we de gi layf de kɔmɔt, ɛn dɛn dɔn dig wɛl dɛm fɔ dɛnsɛf, wɛl dɛn we broko broko we nɔ de ol wata.

Di Sam Dɛm 53:1

Fulman de tɔk nain at. I se PAPA GƆD nɔ de. Dɛn kɔrɔpt, ɛn na soso bad dɛn de tink; dɛn nɔ sabi fɔ du gud.

Ɛksodɔs 32:8

Dɛn dɔn kɔmɔt na di rod we a sho dɛn fɔ waka. Dɛn dɔn mek gold kaw ɛn de wɔship am, ɛn infakt sɛf ɔfa sakrifays to am ɛn tɔk se na di gɔd dat we pul dɛn kɔmɔt na Ijipt.

Di Sam Dɛm 53:3

Bɔt oya! Ɔlman de go in yon we dɛn ɔl kɔrɔpt, Nɔbɔdi nɔ de we de bɔda fɔ du gud, wan sɛf nɔ de.

Lɛta Fɔ Rom 3:11

nɔbɔdi nɔ de we ɔndastand wetin Gɔd want am fɔ du, ɛn nɔbɔdi nɔ de we want tray fɔ kam klos Gɔd fɔ no wetin i want.

Lɛta Fɔ Rom 3:13

Di wɔd dɛn we de kɔmɔt na dɛn mɔt de kil; na bad bad lay ful dɛn mɔt, di wɔd dɛn we dɛn de tɔk de kil lɛkɛ snek pɔyzin;