Lɛta Fɔ Rom 3:10 - Krio Fɔs Oli Baybul

¹⁰ Lɛkɛ aw dɛn rayt na Gɔd in Buk se: “Nɔbɔdi nɔ de we de du ɔl wetin Gɔd want am fɔ du,

Lɛta Fɔ Rom 3:10 Referans Kwoze

Lɛta Fɔ Rom 3:23

Ɔlman dɔn sin, dɛn nɔ bi igen lɛkɛ aw dɛn bin fɔ bi, if dɛn bin stil de klos Gɔd.

Job 15:14

Udat na mɔtalman we yu go se klin na PAPA GƆD yay, ɔ udat we uman bɔn kam na dis wɔl, we yu go se nɔ de du bad?

Job 25:4

Aw naw yu go se mɔtalman gud bifo PAPA GƆD? Aw yu go se mɔtalman we uman bɔn, klin na PAPA GƆD in yay?

Matyu 15:19

Nainsay di at pɔsin de mekɔp fɔ du bad tin, fɔ kil; fɔ kip ɔda uman wɛn i dɔn mared, ɔ, if na uman, fɔ kip ɔda man, wɛn i dɔn mared; fɔ slip wit uman wɛn i nɔ mared yet, ɔ if na uman, fɔ slip wit man wɛn i nɔ mared yet; ɔ fɔ tif; fɔ lay pan pipul wɛn in na witnɛs, ɛn fɔ tɔk bad bɔt ɔda pipul.

Jɛrimaya 17:9

Mɔtalman at disitful pas ɔltin, ɛn i kɔrɔpt in kayn nɔ de; udat go ebul ɔndastand am?

Taytɔs 3:3

Tɛm bin de we wisɛf bin de pan fulish layf, wi nɔ bin de lisin to Gɔd, wi nɔ bin de lisin to mɔtalman, ɛn wi nɔ bin de du wetin rayt. Wi nɔ bin ebul kɔntrol wisɛf, ɛn na wetin wi at tɛl wi nɔmɔ wi bin de fala; wi bin de pan ɔl kayn ɛnjɔymɛnt, na bad nɔmɔ wi bin de mɛmba fɔ pipul, wi bin de jɛlɔs pipul, pipul nɔ bin lɛk wi ɛn wisɛf nɔ bin lɛk dɛn.

Mak 10:18

Jizɔs se, “Wetin du yu se a gud? Nɔbɔdi nɔ de we gud, na Gɔd in wangren gud.

Pita In Fɔs Lɛta 1:16

Dɛn rayt na Gɔd in Buk se, Gɔd se, “Una nɔ fɔ gɛt natin fɔ du wit ɛnitin we bad lɛkɛ we misɛf nɔ gɛt natin fɔ du wit ɛnitin we bad.”

Job 14:4

Udat go ebul pul klin tin kɔmɔt pan tin we nɔ klin na PAPA GƆD in yay? Nɔbɔdi nɔ go ebul

Lɛta Fɔ Rom 3:4

Dat nɔ go bi! Gɔd mɔs kip to in wɔd pan ɔl we mɔtalman de lay. Lɛkɛ aw dɛn rayt na Gɔd in Buk, we dɛn se, “Ɛnitɛm we Gɔd de tɔk, pipul mɔs si se i rayt fɔ tɔk wetin i de tɔk; ɛn i mɔs win ɛnibɔdi we tɔk se i du bad we fɔ mek dɛn jɔj am.”

Job 15:16

bifo a se di wan dɛn we dɛn no fɔ wikɛdnɛs ɛn kɔrɔpshɔn, we de du bad lɛk we pɔsin de drink wata.

Rɛvɛleshɔn 22:15

As fɔ dɛn pipul we de du dɛn dɔti tin, dɛn wich, dɛn pipul we liv fri layf dɛn pipul we de kil, dɛn wan we ol juju, ɔl dɛn pipul we de lay, ɛn dɛn wan we lɛk fɔ lay, ɔl dɛn kayn pipul ya nɔ go mas fut insay da tɔŋ de.

Rɛvɛleshɔn 21:8

Bɔt as fɔ dɛn pipul we dɛn maynd wik, dɛn wan we nɔ biliv Gɔd in mɛsej, dɛn wan we de du dɛn dɔti dɔti tin, dɛn wan we de kil dɛn kɔmpin, dɛn wan we liv fri layf, dɛn wan we de wich, dɛn wan we de fala mɛrɛsin, dɛn wan we de lay, ɔl dɛn pipul we de du dɛn kayn tin ya, dɛn go trowe dɛn ɔl insay da wata we faya de kech ɛn sɔlfa de bɔn. Na di sɛkɛn day dat.”

Ayzaya 8:20

Fɔ di wan dɛn we dɔn yɛri mi tichin ɛn mi mɛsej fɔ no wetin fɔ du! Fɔ tru, di wan dɛn we de tink fɔ tɔk to dayman, nɔ go si do klin.

Lɛta Fɔ Rom 11:8

Lɛkɛ aw dɛn rayt na Gɔd in Buk se, “Gɔd mek dɛn nɔ ebul fil ɛn tink; te tide dɛn yay nɔ de si ɛn dɛn yes nɔ de yɛri.”

Di Sam Dɛm 143:2

Nɔ mek a tinap bifo yu lɛk a de kot a nɔ go win, bikɔs nɔn mɔtalman nɔ de we de du ɔl wetin yu se.

Lɛta Fɔ Rom 3:11

nɔbɔdi nɔ de we ɔndastand wetin Gɔd want am fɔ du, ɛn nɔbɔdi nɔ de we want tray fɔ kam klos Gɔd fɔ no wetin i want.