Lɛta Fɔ Rom 2:9 - Krio Fɔs Oli Baybul

⁹ Gɔd go mek ɔlman we de du bad, sɔfa ɔl kayn sɔfa, di Ju pipul ɛn dɛn pipul we nɔto Ju, dɛn ɔl go sɔfa if dɛn du bad.

Lɛta Fɔ Rom 2:9 Referans Kwoze

Pita In Fɔs Lɛta 4:17

Di tɛm we Gɔd go jɔj di wɔl nɔ fa igen, ɛn nain yon pipul dɛn fɔs i go jɔj. If Gɔd bigin wit wi we nain yon, aw tin go tan fɔ dɛn wan we nɔ biliv di Gud Nyuz we Gɔd sɛn to mɔtalman?

Lɛta Fɔ Rom 1:16

A abop pan di Gud Nyuz wit ɔl mi at. Di Gud Nyuz na di pawa we Gɔd de tek sev ɔl dɛn pipul we biliv pan Jizɔs Krays. Dɛn Ju pipul we dɛn bin dɔn tɛl di Gud Nyuz fɔs ɛn dɛn pipul we nɔto Ju, dɛn ɔl go sev if dɛn biliv pan Jizɔs Krays.

Izikɛl 18:4

Una lisin, ɔl dɛn sol na mi yon; di dadi in sol ɛn di bɔypikin in sol sɛf na mi yon; di sol we de kɔmit sin go day.

Sɛkɛn Lɛta Fɔ Tɛsalonayka 1:6

Gɔd go du wetin rayt: dɛn pipul we de mek una sɔfa, Gɔd go mek dɛnsɛf sɔfa,

Lɛta Fɔ Rom 9:24

Na wi na di pipul dɛn we i kɔl, sɔm pan wi na Ju ɛn sɔm nɔto Ju.

Lɛta Fɔ Rom 2:10

Bɔt Gɔd go mek dɛn pipul we de du gud, dɛn Ju pipul ɛn dɛn wan we nɔto Ju, gɛt prez, ɔna, ɛn kol at.

Apɔsul Dɛn Wok 3:26

Wɛn Gɔd sɛn Jizɔs lɛkɛ savant kam na wɔl, Gɔd mek i kam to una we na Izrɛl pipul fɔs, kam tɔk bɔt Gɔd fɔ mek bɛtɛ go fala una ɛn mek una go lɛf fɔ du bad.”

Lyuk 24:47

Fɔseka di tin we i du ɛn se, una fɔ go na Jerusɛlɛm fɔs, dɛn ɔlɔbɔt na wɔl, go tɛl pipul fɔ lɛf fɔ sin ɛn da tɛm de Gɔd go padin dɛn sin.

Lɛta Fɔ Kɔlɔse 3:11

Fɔseka wetin Gɔd dɔn du so, dɛn Ju pipul ɛn dɛn pipul we nɔto Ju, dɛn pipul we sakɔmsayz ɛn dɛn wan we nɔ sakɔmsayz, dɛn pipul we na trenja, dɛn pipul we nɔ sivilayz, dɛn pipul we na slev ɛn dɛn wan we nɔto slev, dɛn ɔl na wan na Gɔd in yay, bɔt na Krays nɔmɔ impɔtant ɛn i de insay ɔlman we biliv pan am.

Lɛta Fɔ Galeshya 3:28

Una ɔl we gɛt wanwɔd wit Jizɔs Krays dɔn bi wan: Ju pɔsin, pɔsin we nɔto Ju, slev, fribɔn, man ɛn uman; ɔl na wan bikɔs dɛn ɔl gɛt wanwɔd wit Krays.

Lɛta Fɔ Rom 10:12

Gɔd de sev dɛn Ju pipul ɛn dɛn pipul we nɔto Ju, bikɔs dɛn ɔl na wan, Gɔd na di wangren Masta fɔ ɔlman ɛn i de gi ɔl dɛn wan we de pre to am plɛnti plɛnti blɛsin.

Apɔsul Dɛn Wok 28:28

Pɔl tɔk igen se, “A want mek una no se, Gɔd dɔn sɛn pipul fɔ tɛl dɛn pipul we nɔto Ju bɔt di sev we i de sev pipul, ɛn dɛn go lisin!” [

Apɔsul Dɛn Wok 28:17

We Pɔl dɔn de tri de na Rom, i kɔl di Ju bigman dɛn we de na Rom kam na wan mitin. Wɛn dɛn ɔl dɔn gɛda, i se, “Mi brɔda dɛn, a nɔ du mi Ju pipul dɛn natin ɛn a nɔ brok di Ju Lɔ we wi grampapa papa dɛn bin gi wi. Bɔt di Ju pipul dɛn put mi insay jel na Jerusɛlɛm, dɔn dɛn an mi oba gi dɛn Roman pipul.

Apɔsul Dɛn Wok 26:20

Fɔs a go tɛl dɛn pipul na Damaskɔs, Jerusɛlɛm, ɛn ɔlɔbɔt na Judia, bɔt Gɔd; dɔn a tɛl dɛn pipul we nɔto Ju bɔt Gɔd. A tɛl dɛn fɔ lɛf fɔ du dɛn bad tin we dɛn de du ɛn kam to Gɔd, ɛn fɔ de du dɛn tin we sho se dɛn dɔn kam to Gɔd.

Apɔsul Dɛn Wok 20:21

Una no se a bin de tɛl dɛn Ju pipul ɛn dɛn Grik pipul fɔ lɛf fɔ du dɛn bad tin we dɛn bin de du ɛn kam to Gɔd ɛn biliv pan wi Masta Jizɔs.

Apɔsul Dɛn Wok 13:26

“Mi pipul dɛn we de wɔship Gɔd, una we na Ebraam in grampikin pikin dɛm ɛn una we nɔto Ju; Gɔd mek dɛn kam tɛl wi bɔt aw i de sev pipul.

Apɔsul Dɛn Wok 11:18

Wɛn dɛn yɛri wetin Pita tɔk, dɛn lɛf fɔ grɔmbul. Dɛn bigin prez Gɔd, dɛn se, “Gɔd dɔn gi dɛn pipul we nɔto Ju chans fɔ mek dɛn lɛf fɔ du dɛn bad tin we dɛn bin de du, so dat dɛn kin gɛt layf we go de sote go.”

Matyu 16:26

Wetin pɔsin go gen if i gɛt di ol wɔl, ɛn day go ɛl ɛn lɔs di tru layf? Natin! Natin nɔ de we pɔsin go gi fɔ gɛt in layf bak.

Emɔs 3:2

“Na una a pik pan ɔl dɛn pipul na di wɔl, so a go pɔnish una gud fashin fɔ wetin una du.”

2 Kronikuls 6:23

duya PAPA GƆD, ansa di prea na ɛvin ɛn gi jɔjmɛnt. Pɔnish di wan we rɔŋ ɛn fri di wan we nɔ gilti lɛ ɔlman no se i inosɛnt.

Di Sam Dɛm 32:10

Udat nɔ bisin bɔt PAPA GƆD gɛt bɔku waala, bɔt PAPA GƆD nɔ go ɛva kɔmɔt biɛn udat trɔs am.

Prɔvabs 11:23

Ɛnitin we gud pɔsin de mekɔp kin kɔmɔt fayn bɔt wɛn bad pɔsin mekɔp sɔntin, ɔlman kin vɛks.

Izikɛl 22:31

Fɔseka dat, a dɔn put mi vɛksteshɔn pan dɛm; a dɔn kil dɛm wit mi wamat in faya; a dɔn pe dɛn bak bay aw dɛn biev. Na dis Papa Gɔd we na Gɔd tɔk se.”

Lɛta Fɔ Rom 8:35

Udat ɔ wetin go mek di lɛk we Krays lɛk wi tap fɔ rich wi? Natin: trɔbul, traŋa layf, di sɔfa we pipul de mek wi sɔfa, aŋri, po, denja, ɔ day sɛf nɔ go ebul mek di lɛk we Krays lɛk wi tap fɔ rich wi.