Lɛta Fɔ Rom 2:6 - Krio Fɔs Oli Baybul

⁶ Gɔd go gi ɔlman di pe fɔ wetin i du.

Lɛta Fɔ Rom 2:6 Referans Kwoze

Di Sam Dɛm 62:12

In lɔv fɔ wi nɔ go ɛva chenj. PAPA GƆD yu go mɔs gi ɔlman di pe we i fɔ gɛt.

Jɛrimaya 32:19

we sabi plan wit sɛns ɛn kin du wɔndaful tin: I de si ɔl mɔtalman in we, ɛn de pe ɔlman bay in we ɛn bay wetin dɛn mek bi.

2 Kɔrint 5:10

Wi ɔl gɛt fɔ tinap bifo Krays fɔ mek i jɔj wi. Ɔlman go gɛt wetin i wok fɔ wɛn i bin de na dis layf, if na gud i wok fɔ, i go gɛt gud; if na bad igen, i go gɛt bad.

Matyu 16:27

Mɔtalman Pikin go kam wit Gɔd in enjɛl dɛn ɛn i go kam wit in Papa in wɔndaful pawa; i go gi ɔlman dɛn pe fɔ wetin dɛn du.

Jɛrimaya 17:10

“Mi PAPA GƆD, sach mɔtalman maynd ɛn tɛst mɔtalman at, fɔ pe ɔlman bay wetin i du, di pe we i fɔ gɛt fɔ di kayn wok we i wok.”

Rɛvɛleshɔn 22:12

Jizɔs se, “Lisin, di tɛm we a go kam nɔ fa igen. A go kam fɔ gi ɔlman di pe we dɛn wok fɔ.

Rɛvɛleshɔn 20:12

Dɛn a si dɛn pipul we bin dɔn day, dɛn bigman ɛn dɛn ɔdinari pipul, dɛn ɔl tinap bifo di chia. Sɔmbɔdi opin sɔm buk dɛn, dɔn i opin wan ɔda buk we dɛn pipul we gɛt layf sote go dɛn nem bin rayt. Ɔl wetin dɛn pipul we bin dɔn day bin du bifo dɛn day, bin rayt insay di fɔs buk dɛn, ɛn nain Gɔd tek jɔj dɛn.

1 Kɔrint 3:8

Nɔbɔdi nɔ bɛtɛ pas in kɔmpin, di wan we plant ɔ di wan we wata; ɔlman go gɛt di pe fɔ di wok we i du.

Job 34:11

Bikɔs na bay di wok we mɔtalman du PAPA GƆD de pe am, ɛn na bay mɔtalman in we, PAPA GƆD go trit am.

Izikɛl 18:30

Papa Gɔd we na Gɔd se, “Fɔseka dat, a go jɔj una, una Izrɛl. A go jɔj una ɔl bay una we. So una ripɛnt ɛn lɛf ɔl una bad bad tin dɛn we una de du, if nɔto so, una sin dɛn go ruin una na wɔl.

Rɛvɛleshɔn 2:23

A go mek ɔl dɛn wan we de fala am sik ɛn day. Dat go mek ɔl dɛn Kristiɛn ɔlɔbɔt no se a no wetin ɔlman na wɔl de tink ɛn a de si insay dɛn at. A go mek ɔlman gɛt di pe fɔ wetin i du.

1 Kɔrint 4:5

So una nɔ fɔ jɔj ɛnibɔdi bifo di rayt tɛm rich, dat na bifo di Masta kam. Dɛn tin we de na dak naw go kam na layt wande ɛn di Masta go mek ɔlman no wetin pipul bin de mekɔp na dɛn at fɔ du. Da tɛm de Gɔd go prez ɔl dɛn wan we fɔ gɛt prez.

Prɔvabs 24:12

If yu se nɔto yu biznɛs, yu nɔ tink se PAPA GƆD de si yu? In we de kɔba yu ɛvride ɛn no wetin yu de tink, i nɔ go pe yu fɔ wetin yu du?

Lɛta Fɔ Rom 14:22

Ɛni tin we una biliv bɔt wetin fɔ drink ɔ it fɔ lɛf bitwin una ɛn Gɔd. Wɛn pɔsin de du tin we i biliv se rayt ɛn i nɔ dawt insɛf, da pɔsin de, api.

Prɔvabs 24:2

Wetin i sidɔm fɔ gbɛt na fɔ du bad, ɛn ɛnitɛm we i opin in mɔt, na trɔbul.

Ɛksodɔs 32:34

PAPA GƆD tɛl am se lɛ i lid di pipul dɛn go na di ples we i dɔn tɛl am fɔ go. I se in enjɛl go de bifo am fɔ de gayd am. I se di tɛm we in go rɛdi fɔ dɛn i go pɔnish dɛn fɔ dɛn sin.

Ɛkliziastis 3:17

A tɛl misɛf se PAPA GƆD go jɔj di raychɔs man ɛn di wikɛd man di tɛm we i dɔn pik fɔ ɔltin.

Izikɛl 18:20

Di sol we de du bad tin dɛn, go day. Di bɔypikin nɔ go sɔfa fɔ in papa in sin, ɛn di papa sɛf nɔ go sɔfa fɔ in bɔypikin in sin; di wan we de waka tret wit PAPA GƆD go gɛt in blɛsin, ɛn di wan we de du bad, in wikɛdnɛs go de pan am.

Izikɛl 36:19

A bin skata skata dɛn pan di neshɔn dɛm, ɛn dɛn bin sheb sheb pan di difrɛn difrɛn kɔntri dɛm; a bin jɔj dɛm bay aw dɛn bin de biev ɛn wetin dɛn bin de du.

2 Kɔrint 11:15

So una nɔ fɔ wɔnda if Setan in savant dɛn de mek lɛkɛ se dɛn na Gɔd in tru savant dɛn. Wɛn dɛn yon tɛm dɔn na dis wɔl, dɛn go gɛt di pe fɔ di tin dɛn we dɛn de du.

Sɛkɛn Lɛta To Timoti 4:14

Alɛgzanda we na blaksmit du mi bad bad tin. Gɔd go pe am fɔ wetin i du.

Prɔvabs 26:10

Ɛnibɔdi we de aya fulman fɔ wok jɛs de ambɔg di ɔda pipul we de wok.