Lɛta Fɔ Rom 2:4 - Krio Fɔs Oli Baybul

⁴ Ɔ sɔntɛm una nɔ luk di gud we Gɔd gud, di bia we i de bia wit una, ɛn we i nɔ de pɔnish una naw, lɛkɛ ɛnitin. Di tin we mek Gɔd gud to una na bikɔs i de tray fɔ mek una lɛf fɔ du bad ɛn kam to am.

Lɛta Fɔ Rom 2:4 Referans Kwoze

Pita In Sɛkɛn Lɛta 3:9

Di Masta nɔ de wes tɛm fɔ du wetin i dɔn se in go du, lɛkɛ aw sɔm pipul tink, bɔt i de bia wit una bikɔs i nɔ want mek ɛnibɔdi go ɛl, bɔt i want mek ɔlman sɔri fɔ dɛn sin ɛn lɛf dɛn.

Ayzaya 30:18

Fɔseka dat, PAPA GƆD de wet fɔ sho una gres, fɔseka dat, i es insɛf ɔp fɔ sho una masi. Bikɔs PAPA GƆD na Gɔd we de jɔj rayt; ɛnibɔdi we wet fɔ am, go gɛt blɛsin.

Ɛksodɔs 34:6

PAPA GƆD pas bifo Mozis ɛn bigin tɔk se, “Mi, GƆD, di PAPA GƆD we gud ɛn de sho masi, we nɔ gɛt shɔtat, we in lɔv nɔ de fel, ɛn PAPA GƆD we pɔsin kin put in op ɛn trɔs pan.

Lɛta Fɔ Ɛfisɔs 1:18

A de beg Gɔd igen fɔ mek i opin una at so dat una go no se Gɔd dɔn kɔl una fɔ kam to insɛf, ɛn una go abop fɔ gɛt layf we go de sote go, ɛn fɔ mek una go no di big blɛsin we Gɔd dɔn prɔmis una we nain yon pipul,

Lɛta Fɔ Ɛfisɔs 2:7

Gɔd du ɔl dis fɔ sho wi frɔm naw sote go aw i lɛk wi bikɔs wi gɛt wanwɔd wit Jizɔs Krays.

Lɛta Fɔ Ɛfisɔs 1:7

Bikɔs Krays day na di krɔs fɔ sev wi, wi dɔn fri ɛn Gɔd dɔn padin wi sin. Gɔd gud to wi, mɔt sɛf nɔ ebul tɔk am. Gɔd tek sɛns ɛn sabi

Lɛta Fɔ Rom 3:25

Gɔd sakrifays Jizɔs Krays fɔ padin mɔtalman sin bay di day we Jizɔs Krays day, ɛn if mɔtalman biliv pan am. Gɔd du dat fɔ sho se in de du rayt ɔltɛm. Fɔs tɛm, i bin de bia wit mɔtalman ɛn i nɔ bin de pɔnish dɛn fɔ ɛni bad we dɛn du;

Di Sam Dɛm 86:15

Bɔt yu PAPA GƆD, na PAPA GƆD we nays ɛn gɛt sɔri-at, yu nɔ gɛt wamat ɛn di beberebe lɔv we yu gɛt fɔ wi nɔ de chenj, dɔn bak, yu nɔ de kɔmɔt biɛn wi.

Pita In Sɛkɛn Lɛta 3:15

Una fɔ luk se di bia we di Masta de bia wit una na fɔ mek una go gɛt chans fɔ chenj mek una layf go sev. Wi brɔda Pɔl, we wi lɛk, insɛf bin rayt bɔt dis sem tin ya wit di sɛns we Gɔd gi am,

Lɛta Fɔ Rom 11:33

Gɔd de sho se in sɔri bad fɔ ɔlman! Gɔd gɛt bɔku bɔku sɛns we nɔn mɔtalman nɔ gɛt ɛn i sabi ɔltin! Udat ebul ɛksplen wetindu Gɔd mekɔp fɔ du dɛn tin we i de du, ɔ ɔndastand wetin i de du?

Lɛta Fɔ Rom 11:22

Dat fɔ mek una si aw Gɔd gud, bɔt igen aw i kin ol pɔsin wit traŋa an. Gɔd kin ol dɛn pipul we bin biliv bɔt we dɔn tap fɔ biliv ɛn bigin du bad, wit traŋa an, bɔt i go gud to una if una stil de du dɛn tin we go mek i sho una aw i gud; bɔt if una nɔ du dɛn tin de, Gɔd go kɔt unasɛf kɔmɔt pan insɛf.

Di Sam Dɛm 86:5

Yu na gud PAPA GƆD ɛn yu de fɔgiv yu de sho yu lɔv we nɔ de chenj to ɔl udat lɛk fɔ pre to yu.

Di Sam Dɛm 78:38

Pan ɔl dat, PAPA GƆD sho dɛn masi; i fɔgiv dɛn fɔ dɛn sin ɛn nɔ fala dɛn fɔ pwɛl dɛn. Ɔl di tɛm i de bia wit dɛn ɛn nɔ de gri mek i vɛks pan dɛn pasmak.

Lɛta Fɔ Ɛfisɔs 2:4

Bɔt Gɔd sɔri fɔ wi ɛn bikɔs i lɛk wi bad wan, i gi wi layf wit Krays, pan ɔl we in Spirit bin dɔn lɛf wi we wi nɔ bin gri fɔ du wetin i tɛl wi fɔ du. Na di lɛk we Gɔd lɛk wi we wi nɔ fit fɔ gɛt dɔn sev wi.

Ɛkliziastis 8:11

Na bikɔs we pɔsin du bad, dɛn nɔ de gi jɔjmɛnt kwik, na dat mek pipul de kɔntinyu fɔ du bad.

Pita In Sɛkɛn Lɛta 3:3

Di fɔs tin we a want tɛl una nain dis: wɛn di wɔl want dɔn, pipul go kam we go de laf una ɛn mek una ful. Dɛn go de du wetin dɛn at gi dɛn fɔ du.

Pita In Fɔs Lɛta 3:20

Dɛn spirit ya na dɛn pipul we nɔ bin de yɛri Gɔd in wɔd di tɛm we Gɔd bin de bia, we Noa bin de bil in bot. Di pipul dɛn we bin go insay di bot nɔ bin plɛnti; na bin et pipul nɔmɔ. Gɔd bin mek di bot flot pan di wata ɛn na so i sev dɛn et pipul ya.

Fɔs Lɛta To Timoti 6:17

As fɔ dɛn wan we jɛntri na dis wɔl, tɛl dɛn mek dɛn nɔ prawd, ɛn mek dɛn nɔ abop pan dɛn jɛntri, we sɔntɛm nɔ go de tumara; mek dɛn abop pan Gɔd we de gi wi ɔltin plɛnti plɛnti fɔ mek wi at gladi.

Lɛta Fɔ Filipay 4:19

Mi Gɔd we a de pre to, go gi una ɔl wetin una fɔ gɛt bikɔs nain gɛt ɔltin, ɛn na Jizɔs Krays, Gɔd go mek gi una ɔl wetin una fɔ gɛt.

Di Sam Dɛm 10:11

Di bad man fil se, PAPA GƆD nɔ de si wetin i de du. I dɔn kɔba in fes dat i nɔ de si sɛf.

Rɛvɛleshɔn 3:20

Una lisin, a tinap nia di do, a de nak pan am; if ɛnibɔdi we yɛri mi vɔys opin di do, a go kam insay in os, mi ɛn in go sidɔm ɛn it togɛda.

Fɔs Lɛta To Timoti 1:16

Bɔt we Gɔd sɔri fɔ mi, i bin want fɔ sho aw Jizɔs Krays go bia wit mi fɔ mek ɔda pipul si se, if i ebul bia wit mi we dɔn sin pas ɔlman, i go ebul bia wit ɔda pipul we go kam biliv pan am fɔseka dat ɛn gɛt layf we go de sote go.

Lɛta Fɔ Kɔlɔse 1:27

Gɔd mekɔp fɔ mek in yon pipul dɛn no dis wɔndaful, wɔndaful mɛsej we nɔbɔdi nɔ bin no fɔs tɛm, ɛn i mekɔp fɔ mek ɔlman yɛri am. Dis wɔndaful tin ya na we Krays de insay una at ɛn dat go mek una de wit Gɔd di say we i de rul.

Lɛta Fɔ Rom 6:15

We i bi so, wetin wi fɔ se? Wi fɔ stil de sin bikɔs di lɛk we Gɔd lɛk wi, pan ɔl we wi nɔ fit fɔ mek yu lɛk wi, nain de rul wi naw, ɛn di Lɔ nɔ de rul wi igen? Dat nɔ fɔ bi!

Lɛta Fɔ Rom 6:1

So wetin wi go se? Wi fɔ jɛs de sin de go so dat Gɔd go sɔri fɔ wi ɛn sho wi se in lɛk wi mɔ ɛn mɔ pan ɔl we wi nɔ fit fɔ mek i lɛk wi?

Di Sam Dɛm 104:24

PAPA GƆD, yu de du bɔku tin! Bikɔs yu gɛt sɛns yu mek ɔltin ɔl wetin de na wɔl, na yu mek am.

Lɛta Fɔ Kɔlɔse 2:2

Di tin we mek a want du so na fɔ mek dɛn gɛt kɔrej ɛn mek dɛn ɔl gɛt wan at ɛn lɛk dɛn kɔmpin mɔ ɛn mɔ. Dat go mek dɛn ɔndastand wetin tru gud gud ɛn dɛn go biliv fɔ shɔ, dɛn nɔ go dawt igen. Na so dɛn go tek no wetin Gɔd bin ayd frɔm dɛn, dat na Krays insɛf.

Lɛta Fɔ Ɛfisɔs 3:16

A de pre mek Gɔd we gɛt ɔltin ɛn we gɛt wɔndaful pawa fɔ tek ɛp ɔlman, mek in Spirit gi una pawa fɔ mek una gɛt wanwɔd.

Lɛta Fɔ Ɛfisɔs 3:8

A nɔ gud rich ɛnibɔdi we na Kristiɛn, bɔt Gɔd dɔn pik mi ɛn i dɔn gi mi di chans fɔ go tɛl ɔda pipul we nɔto Ju bɔt di big big blɛsin dɛn we Krays gɛt we mɔtalman nɔ ebul ɔndastand.

Lɛta Fɔ Rom 10:12

Gɔd de sev dɛn Ju pipul ɛn dɛn pipul we nɔto Ju, bikɔs dɛn ɔl na wan, Gɔd na di wangren Masta fɔ ɔlman ɛn i de gi ɔl dɛn wan we de pre to am plɛnti plɛnti blɛsin.

Izikɛl 16:63

so dat una go mɛmba ɛn kɔle, ɛn nɔ ɛva ebul se natin igen, bikɔs una go shem, we a go fɔgiv una fɔ ɔl wetin una bin dɔn du, na so Papa Gɔd we na Gɔd se.”

Jɛrimaya 7:10

ɛn kam bak kam tinap bifo mi insay dis os, we na mi os, ɛn se ‘wi dɔn fri!’– Pas nɔmɔ fɔ mek una stil de du dɛn bad bad tin dɛn ya we a nɔ lɛk?

Di Nɔmba Dɛm 14:18

yu PAPA GƆD nɔ de vɛks kwik, yu gɛt beberebe lɔv ɛn yu rɛdi fɔ fɔgiv sin ɛn ɔda kayn rebɛl wok. Yu se yu PAPA GƆD nɔ de lɛf di pɔsin we du bad fɔ go skɔchfri, yu de pɔnish pikin dɛnsɛf fɔ dɛn papa dɛn sin te rich di gret gret grampikin dɛn.

Jona 4:2

I tɛl PAPA GƆD se i bin no se na dat PAPA GƆD go du so na dat bin mek in rɔnawe fɔ go Tashish. I se in no se PAPA GƆD gɛt sɔri-at bad, i nɔ de vɛks so, ɛn in lɔv nɔ de ɛva chenj ɛn so i nɔ lɛk fɔ du bad.

Ozie 3:5

Tɛm go kam we di Izrɛlayt dɛn go tɔn bak to PAPA GƆD we na dɛn Gɔd, ɛn Devid go bi dɛn kiŋ; dɔn dɛn go gɛt fred fɔ PAPA GƆD ɛn ɔl di gud we i go du fɔ dɛn bambay.

Di Sam Dɛm 31:19

Noto kɔmɔn gud tin, yu dɔn kip fɔ udat gɛt fred fɔ yu we de wɔship yu. Usay pipul bɔku, na de yu de gi gud tin to udat go to yu fɔ kɔba am.

Izikɛl 11:19

Ɛn a go gi dɛm ɔl di sem maynd, ɛn put nyu spirit insay dɛm; ɛn a go pul di at we tan lɛk ston kɔmɔt insay dɛm, ɛn gi dɛm at we na flɛsh,

2 Kɔrint 8:2

Pan ɔl we big big waala bin mit di Kristiɛn dɛn ɛn dɛn na bin po po pipul, dɛn bin gladi fɔ ɛp ɔda pipul ɛn giwe plɛnti plɛnti tin.

Pita In Sɛkɛn Lɛta 1:11

Ɛn na di we dis we una fɔ pas fɔ mek una go go tret na di say we wi Masta Jizɔs, we dɔn sev wi, de rul sote go.

Rɛvɛleshɔn 2:21

A bin lɛf am lili bit mek i go gɛt chans fɔ lɛf fɔ sin, bɔt i nɔ gri lɛf.