Lɛta Fɔ Rom 2:3 - Krio Fɔs Oli Baybul

³ Bɔt mi kɔmpin Kristiɛn dɛn, unasɛf de du dɛn sem bad tin we una de jɔj ɔda pipul fɔ. Una tink se Gɔd nɔ go jɔj una?

Lɛta Fɔ Rom 2:3 Referans Kwoze

Prɔvabs 16:5

PAPA GƆD et pɔsin we de kak, ɛn i fɔ no se jɔjmɛnt de gɛt fɔ kam.

Lɛta Fɔ Rom 1:32

Dɛn no se Gɔd se di pɔsin we de du dɛn tin ya fɔ day. Pan ɔl dat, dɛn stil de du dɛn kayn tin ya, ɛn pantap dat, dɛn si wit ɔda pipul we de du dɛn.

Fɔs Lɛta Fɔ Tɛsalonayka 5:3

Wɛn pipul se, “Ɔltin rayt, natin nɔ de fɔ fred,” da tɛm de kwik, kwik wan so, nain trɔbul go fɔdɔm pan dɛn. I go jɛs tan lɛkɛ we pen kin krɔs uman we wan bɔn pikin, tɛm we i nɔ mɛmba. Ɔlman go sɔfa.

Lyuk 12:14

Jizɔs ansa di man se, “Padi, udat gi mi pawa fɔ jɔj fɔ una ɛn fɔ sheb una prɔpati?”

Lyuk 22:58

I nɔ te igen, ɔda pɔsin we si Pita, se, “Yusɛf na wan pan in lanin bɔy dɛn.” Bɔt Pita dinay. I se, “Padi, mi nɔto da man de in lanin bɔy.”

Matyu 26:53

Yu nɔ no se if a aks mi Papa fɔ ɛp mi, i go sɛn twɛlv bataliɔn enjɛl dɛn fɔ kam ɛp mi wantɛm?

Matyu 23:33

Una na snek! Una nɔ fɔ tink se una go ebul du ɛnitin we go mek Gɔd nɔ kɔndɛm una fɔ go ɛl.

Daniɛl 10:19

Nain i tɛl mi se, ‘Yu mɔtalman we dɛn lɛk pasmak, nɔ fred, lɛ yu gɛt kol at; gɛt maynd ɛn gɛt ay kɔrej.” Wɛn i dɔn tɔk to mi dɔn, a bin gɛt trɛnk bak. Nain a se, “Lɛ mi masta tɔk bikɔs yu dɔn gi mi trɛnk.”

Izikɛl 17:18

Bikɔs i bin luk dɔŋ pan di swɛ we i bin swɛ, ɛn brok di Kɔvinant, ɛn bikɔs i bin dɔn gri bɔt stil du ɔl dɛn tin de, i nɔ go go fri.

Izikɛl 17:15

Bɔt i tɔn agens am we i sɛn pɔsin dɛn fɔ go tinap fɔ am na Ijipt, so dat dɛn go gi am ɔs dɛn ɛn wan big ami. I go sɔksid? Ɛnibɔdi we du dɛn kayn tin ya go ebul go fri? I go ebul brok di Kɔvinant ɛn stil go fri?

Prɔvabs 11:21

Nɔn bad pɔsin nɔ de we nɔ de gɛt in pe, bɔt wan krach nɔ go tɔch gud pɔsin.

Di Sam Dɛm 50:21

We una de du ɔl dɛn tin ya, dɔn a de mek nɔ si dat mek una fil se, wi ɔl na wan. So naw a de tɔk pan una korokoro wan.

Job 35:2

“Yu tink se na rayt tin dat? Yu tink se i rayt bifo PAPA GƆD,’

2 Samiɛl 10:3

di Amonayt bigman dɛn aks Enɔn if i tink se na bikɔs Devid rɛspɛkt in papa mek i sɛn pipul fɔ kam tɛl ɔsh. Dɛn tɛl am se Devid sɛn di man dɛn fɔ kam wach aw di land tan so dat i go ovathro am.

Di Ibru Pipul Dɛn 12:25

Na dat mek una fɔ tek tɛm mek una nɔ dɛf una yes we Jizɔs de tɔk to una. Dɛn lɔntɛm pipul nɔ bin gri lisin di pɔsin we bin de tɛl dɛn Gɔd in mɛsej na dis wɔl, so di tin we bin fɔ mit dɛn, mit dɛn, dɛn nɔ ebul pul dɛn ed. If dɛn nɔ ebul pul dɛn ed, aw wi we yɛri di wan insɛf we kɔmɔt ɛvin go pul wi ed, if wi nɔ gri lisin in mɛsej? Di tin we fɔ mit wi mɔs mit wi.

Di Ibru Pipul Dɛn 2:3

Wetin mek wi fil se, wi go pul wi ed pan di pɔnish we Gɔd go pɔnish mɔtalman, if wi nɔ gri fɔ dis wɔndaful we we Gɔd de sev wi? Na Jizɔs we na di Masta, fɔs tɛl wi bɔt di wɔndaful we we Gɔd go sev wi, dɔn dɛn pipul we yɛri am, dɛnsɛf pruv to wi se na tru.

Lyuk 22:60

Bɔt Pita ala se, “Padi, na lay yu de lay pan mi, a nɔ sabi wetin yu de tɔk bɔt sɛf.” As Pita de tɔk so, fɔl kro.

Di Sam Dɛm 56:7

PAPA GƆD, nɔ mek dɛn go so; sho dɛn se yu vɛks ɛn nɔ lɛ dɛn win.

Lɛta Fɔ Rom 2:1

Mi kɔmpin Kristiɛn dɛn, una we de jɔj ɔda pipul, una nɔ go se una nɔ du bad wande, ilɛk udat una bi. Wɛn una de jɔj ɔda pipul, una de kɔndɛm unasɛf, bikɔs una de du di sem tin we dɛn de du.

Lɛta Fɔ Rom 2:2

Wi no se Gɔd de du di rayt tin wɛn i kɔndɛm dɛn pipul we de du dɛn bad tin ya.

Lɛta Fɔ Rom 9:20

Bɔt udat una tink se una bi we una kin agyu wit Gɔd? Kɔntri pɔt nɔ go aks di pɔsin we mek am se, “Wetin du yu mek mi so?”