Lɛta Fɔ Rom 2:16 - Krio Fɔs Oli Baybul

¹⁶ So, lɛkɛ aw di Gud Nyuz we a de tɛl pipul se, ɔl dɛn tin ya go bi di De we Gɔd go mek Jizɔs Krays jɔj dɛn sikrit tin we mɔtalman de tink.

Lɛta Fɔ Rom 2:16 Referans Kwoze

Ɛkliziastis 12:14

PAPA GƆD go jɔj ɔltin we pipul du, we insay de yu gɛt di sikrit tin dɛn we pipul ayd du; di gud wan dɛn ɛn di bad wan dɛn.

1 Kɔrint 4:5

So una nɔ fɔ jɔj ɛnibɔdi bifo di rayt tɛm rich, dat na bifo di Masta kam. Dɛn tin we de na dak naw go kam na layt wande ɛn di Masta go mek ɔlman no wetin pipul bin de mekɔp na dɛn at fɔ du. Da tɛm de Gɔd go prez ɔl dɛn wan we fɔ gɛt prez.

Apɔsul Dɛn Wok 17:31

Gɔd dɔn put tɛm we i go jɔj ɔlman ɛn nɔbɔdi nɔ go kɔmplen se Gɔd nɔ jɔj am tret. Gɔd dɔn pik di wan we go jɔj ɔlman. Gɔd dɔn mek wi shɔ bɔt dis tin, we i mek di wan we i pik, rayz frɔm di grev, fɔ mek nɔbɔdi nɔ go dawt.”

Apɔsul Dɛn Wok 10:42

I tɛl wi fɔ tɛl ɔlman di Gud Nyuz. I tɛl wi igen fɔ tɛl ɔlman se Gɔd dɔn pik am fɔ jɔj ɔl dɛn pipul we dɔn day ɛn ɔl dɛn wan we nɔ day yet.

Lyuk 8:17

“Natin nɔ de we ayd we pɔsin nɔ go no bɔt ɛn natin nɔ de we pɔsin du na dak, we nɔ go kɔmɔt na layt.

Pita In Fɔs Lɛta 4:5

Bɔt dɛn go gɛt fɔ ansa to Gɔd, we go jɔj dɛn wan we nɔ day yet ɛn dɛn wan we dɔn day, i nɔ go te igen.

Lɛta Fɔ Rom 3:6

Dat nɔto tru! If Gɔd nɔ de du rayt, aw i go jɔj mɔtalman?

Di Sam Dɛm 98:9

Lɛ dɛn ɔl siŋ ɛn go to PAPA GƆD bikɔs i de kam fɔ jɔj di wɔl. I go jɔj di wɔl tret wan, ɛn i go trit ɔlman ikwal.

Pita In Sɛkɛn Lɛta 2:9

Ɔl dis sho se di Masta de pul gud pɔsin pan waala ɛn i de pɔnish dɛn bad pɔsin te di de we i go jɔj dɛn, rich,

Sɛkɛn Lɛta To Timoti 4:1

A de wɔn yu siriɔs wan bifo Gɔd ɛn bifo Krays Jizɔs we go jɔj dɛn wan we nɔ day yet ɛn dɛn wan we dɔn day: bikɔs Krays gɛt fɔ kam bak na wɔl ɛn rul lɛkɛ Kiŋ, a de tɛl yu,

Sɛkɛn Lɛta To Timoti 2:8

Mɛmba Jizɔs Krays, we Gɔd mek rayz frɔm di grev, we kɔmɔt na Devid in fambul layn, ɛn we a de tɔk bɔt wɛn a de tɛl pipul di Gud Nyuz.

Fɔs Lɛta To Timoti 1:11

Di tru tin we a lan una de pan di Gud Nyuz bɔt di wɔndaful Gɔd we wi de prez, we tɛl mi di Gud Nyuz fɔ tɛl pipul.

Lɛta Fɔ Rom 16:25

Una lɛ wi prez Gɔd! Gɔd ebul mek una stil biliv traŋa wan lɛkɛ aw di Gud Nyuz bɔt Jizɔs Krays we a bin dɔn tɛl una mek una biliv; ɛn di Gud Nyuz bɔt Jizɔs Krays na di tru tin we Gɔd bin ayd frɔm we di wɔl bigin.

Jɔn 12:48

Jɔj de we go jɔj ɛnibɔdi we tɔn in bak pan mi ɛn we nɔ gri biliv di wɔd dɛn we a de tɔk. Di wɔd dɛn we a dɔn tɔk go kɔndɛm di pɔsin di las de.

Di Ibru Pipul Dɛn 9:27

Na wan tɛm ɔlman gɛt fɔ day, ɛn afta dɛn dɔn day Gɔd go jɔj dɛn fɔ ɔl wetin dɛn bin du.

Sɛkɛn Lɛta To Timoti 4:8

Bikɔs a dɔn rich di say we a fɔ tap, di prayz we a wok fɔ de wet mi, na di prayz dat we ɛnibɔdi we de waka tret wit Gɔd go gɛt, di Masta we de jɔj rayt go gi mi di prayz di de we i go kam bak; ɛn nɔto mi nɔmɔ i go gi, i go gi ɔl dɛn wan we go gladi fɔ si am wɛn i kam.

2 Kɔrint 5:10

Wi ɔl gɛt fɔ tinap bifo Krays fɔ mek i jɔj wi. Ɔlman go gɛt wetin i wok fɔ wɛn i bin de na dis layf, if na gud i wok fɔ, i go gɛt gud; if na bad igen, i go gɛt bad.

Lɛta Fɔ Rom 2:5

Bɔt una traŋayes ɛn una at traŋa, na dat mek Gɔd go pɔnish una mɔ di de we i go sho aw i vɛks pan mɔtalman ɛn we i go jɔj dɛn lɛkɛ aw i fɔ jɔj dɛn.

Matyu 16:27

Mɔtalman Pikin go kam wit Gɔd in enjɛl dɛn ɛn i go kam wit in Papa in wɔndaful pawa; i go gi ɔlman dɛn pe fɔ wetin dɛn du.

Ɛkliziastis 11:9

Ɛnjɔy yusɛf, yɔŋman, we yu yɔŋ, ɛn lɛ yu at mek yu gladi we yu yɔŋ. Du wetin yu at tɛl yu ɛn tek wetin yu si we yu lɛk, bɔt no se fɔ ɔl dɛn tin dɛn de, PAPA GƆD go jɔj yu.

Ɛkliziastis 3:17

A tɛl misɛf se PAPA GƆD go jɔj di raychɔs man ɛn di wikɛd man di tɛm we i dɔn pik fɔ ɔltin.

Di Sam Dɛm 96:13

Dɛn ɔl di pipul go gladi bikɔs PAPA GƆD de kam fɔ jɔj di wɔl. We i de jɔj di wɔl, i go jɔj tret wan dɔn ɔl wetin na tru go kɔmɔt na do.

Di Sam Dɛm 50:6

Di tin dɛn na ɛvin sɛf de sho se PAPA GƆD raychɔs ɛn nainsɛf de jɔj di pipul.

Jɛnɛsis 18:25

A no se yu nɔ go du dat. Yu nɔ tan so! Yu nɔ go mek udat du rɔŋ ɛn udat du rayt gɛt di sem pɔnishmɛnt. Yu we na jɔj fɔ di wanol wɔl go jɔj tret wan.”

Lɛta Fɔ Galeshya 1:11

Mi kɔmpin Kristiɛn dɛn, a want mek una no se nɔto mɔtalman fɔs tɔk di Gud Nyuz we a de tɛl pipul.

1 Kɔrint 15:1

Mi kɔmpin Kristiɛn dɛn, a de kam mɛmba una bɔt di Gud Nyuz we a bin tɛl una. Una bin tek wetin a se ɛn na dat mek una biliv Gɔd traŋa wan naw.