Lɛta Fɔ Rom 2:13 - Krio Fɔs Oli Baybul

¹³ Nɔto we pɔsin yɛri wetin di Lɔ se de mek Gɔd padin am ɛn briŋ am kam bak to insɛf, bɔt na we i du wetin di Lɔ se.

Lɛta Fɔ Rom 2:13 Referans Kwoze

Jɔn In Fɔs Lɛta 3:7

Mi pikin dɛn, mek nɔbɔdi nɔ mek una ful. Pɔsin we de waka tret, na pɔsin we de du di rayt tin, jɛs lɛkɛ aw Krays de du di rayt tin, i nɔ gɛt sin nain layf.

Lɛta Fɔ Rom 2:25

If una de du wetin di Lɔ se, di sakɔmsayz we una sakɔmsayz min sɔntin; bɔt if una nɔ de du wetin di Lɔ se, i jɛs tan lɛkɛ se una nɔ sakɔmsayz atɔl.

Lɛta Fɔ Galeshya 2:16

Wi no se nɔto bikɔs pɔsin de du wetin di Ju Lɔ se go mek ɔltin rayt bitwin in ɛn Gɔd, bɔt na we i biliv pan Jizɔs Krays. Semwe so, we wisɛf biliv pan Jizɔs Krays, Gɔd go mek ɔltin rayt bitwin wi ɛn in. Nɔto bikɔs wi de du wetin di Ju Lɔ se, go mek ɔltin rayt bitwin wi ɛn Gɔd. Gɔd nɔ go mek ɔltin rayt bitwin ɛnibɔdi ɛn insɛf bikɔs di pɔsin de du wetin di Ju Lɔ se nɔmɔ.

Jɔn In Fɔs Lɛta 2:29

Una no se Krays de du wetin rayt ɔltɛm, so una fɔ no se ɛni bɔdi we de du wetin rayt na Gɔd pikin.

Lɛta Fɔ Rom 10:5

Wɛn Mozis bin rayt bɔt dɛn pipul we tink se Gɔd de mek ɔltin rayt bitwin in ɛn dɛn pipul we de du wetin di Lɔ se, i rayt se: “Dɛn pipul we de du wetin di Lɔ se, go liv di kayn layf we di Lɔ de briŋ.”

Lyuk 8:21

Jizɔs ansa dɛn se, “Na dɛn wan we yɛri Gɔd in wɔd ɛn du wetin i tɛl dɛn fɔ du, na dɛn na mi mama ɛn mi brɔda dɛn.”

Lɛta Fɔ Rom 3:30

Na wangren Gɔd nɔmɔ de. I go mek ɔltin rayt bitwin in ɛn dɛn Ju pipul if dɛn biliv pan Krays, ɛn i go mek ɔltin rayt bitwin in ɛn dɛn pipul we nɔto Ju if dɛnsɛf biliv pan Krays.

Lyuk 18:14

A de tɛl una se, bifo dis man we de gɛda taks go bak nain os, Gɔd padin am; bɔt Gɔd nɔ padin di Faresi. Ɛnibɔdi we put insɛf ɔp, Gɔd go put am dɔŋ, bɔt pɔsin we put insɛf dɔŋ, Gɔd go es am ɔp.”

Izikɛl 20:11

A bin gi dɛm mi lɔ dɛm ɛn sho dɛm mi kɔmand dɛm, we na dɛnɔl mɔtalman we de na wɔl fɔ du.

Di Sam Dɛm 143:2

Nɔ mek a tinap bifo yu lɛk a de kot a nɔ go win, bikɔs nɔn mɔtalman nɔ de we de du ɔl wetin yu se.

Ditarɔnɔmi 5:1

Mozis kɔl ɔl di Izrɛlayt dɛn ɛn tɛl dɛn se, Lɛ ɔlman na Izrɛl yɛri o bikɔs dɛn fɔ tek tɛm lan ɛn obe di lɔ dɛn we i de gi dɛn da de de.

Ditarɔnɔmi 4:1

Mozis bin se Izrɛl fɔ de mɛmba ɛn du ɔl wetin i bin tɛl dɛn se PAPA GƆD se dɛn fɔ de du, so dat dɛn go gɛt lɔŋ layf fɔ ɛnjɔy di land we PAPA GƆD we na dɛn fɔstɛm-papa dɛn PAPA GƆD, dɔn gi dɛn.

Lɛta Fɔ Galeshya 5:4

Una we fil se na wɛn una du wetin di Ju Lɔ se, nain ɔltin go rayt bitwin una ɛn Gɔd, una dɔn lɛf fɔ mek Krays rul una. Una dɔn tɔn una bak pan di gud we Gɔd want du fɔ una.

Lɛta Fɔ Rom 3:23

Ɔlman dɔn sin, dɛn nɔ bi igen lɛkɛ aw dɛn bin fɔ bi, if dɛn bin stil de klos Gɔd.

Lɛta Fɔ Rom 3:20

If pɔsin de du wetin rayt na di Lɔ dat nɔ min se Gɔd insɛf dɔn luk se i de waka tret lɛkɛ aw in want; di Lɔ de fɔ mek mɔtalman no se in dɔn sin.

Ditarɔnɔmi 6:3

Mozis koks di Izrɛlayt dɛn fɔ obe di lɔ dɛn so dat dɛn go gɛt blɛsin jɛs lɛkɛ aw PAPA GƆD we na dɛn fɔstɛm-papa dɛn PAPA GƆD bin dɔn se, ɛn dɛn go bɔn bɔku bɔku pikin dɛn na di land we gud fɔ animal ɛn fɔ plant.

Jɛrimaya 11:6

Nain PAPA GƆD tɛl mi se, “Anawns ɔl dɛn tin ya na di siti dɛn na Juda ɛn na di trit dɛn na Jerusɛlɛm: Yɛri wetin di Kɔvinant se, dɛn du dɛm.

Jɔn 13:17

Naw we una dɔn no dat, una go gɛt big blɛsin if una du wetin a tɛl una fɔ du.

1 Kɔrint 4:4

Mi kɔnshɛns klia, bɔt dat nɔ min se a nɔ gɛt fɔlt. Na di Masta nɔmɔ go jɔj mi.

Jems 1:27

Pɔsin we de fala Gɔd fɔ de ɛp dɛn pikin we nɔ gɛt mama ɛn papa ɛn dɛn uman we dɛn man dɔn day. I fɔ tek tɛm mek dɛn bad pipul na wɔl nɔ mek insɛf bigin du bad. Na so Gɔd we na di Papa want pɔsin we de fala am fɔ tan.