Lɛta Fɔ Rom 2:12 - Krio Fɔs Oli Baybul

¹² Ɛnibɔdi we nɔ bin de ɔnda di Lɔ we Gɔd gi Mozis, we sin, go go ɛl, pan ɔl we i nɔ bin de ɔnda di Lɔ; ɛn ɛnibɔdi we bin de ɔnda di Lɔ we Gɔd gi Mozis, we sin, na di Lɔ Gɔd go tek jɔj am.

Lɛta Fɔ Rom 2:12 Referans Kwoze

1 Kɔrint 9:21

To dɛn pipul we nɔ de ɔnda di Lɔ, a mek lɛkɛ se misɛf nɔ de ɔnda di Lɔ (nɔto fɔ se a nɔ de du wetin Gɔd in lɔ se, bikɔs a de ɔnda Krays in lɔ), a du so, so dat a kin briŋ dɛn wan we nɔ de ɔnda di Lɔ kam to Krays.

Lɛta Fɔ Galeshya 3:10

Ɛnibɔdi we tink se na we i de du wetin di Ju Lɔ se go mek ɔltin rayt bitwin in ɛn Gɔd, da pɔsin de fɔ no se Gɔd go kɔndɛm am; bikɔs dɛn rayt na Gɔd in Buk se, “Gɔd de kɔndɛm ɛnibɔdi we nɔ de du ɔl wetin di Ju Lɔ se, ɔltɛm.”

Lɛta Fɔ Rom 8:3

Gɔd dɔn du wetin di Lɔ nɔ ebul du bikɔs mɔtalman nɔ ebul ɛp insɛf. Gɔd kɔndɛm di sin we de wok insay mɔtalman in at wɛn i sɛn in yon Pikin lɛkɛ mɔtalman kam na wɔl fɔ pul sin kɔmɔt na mɔtalman in at.

Lɛta Fɔ Rom 1:32

Dɛn no se Gɔd se di pɔsin we de du dɛn tin ya fɔ day. Pan ɔl dat, dɛn stil de du dɛn kayn tin ya, ɛn pantap dat, dɛn si wit ɔda pipul we de du dɛn.

Matyu 11:24

A de tɛl una fɔ tru se, di de we Gɔd go jɔj ɔlman na di wɔl, i go sɔri fɔ Sɔdɔm pas una.”

Jems 2:10

If pɔsin de du ɔl wetin Gɔd in Lɔ se, bɔt i brok wan pan di lɔ dɛn, i dɔn brok ɔl di ɔda lɔ dɛn na Gɔd in yay.

Lɛta Fɔ Rom 4:15

Di Lɔ de mek Gɔd jɔj mɔtalman if i brok di Lɔ. Bɔt if di Lɔ nɔ de, mɔtalman nɔ go brok di Lɔ so Gɔd nɔ go jɔj am.

Matyu 11:22

A de tɛl una fɔ tru se, di de we Gɔd go jɔj ɔlman na wɔl, i go sɔri fɔ Taya ɛn Saydɔn pas una.

Ditarɔnɔmi 27:26

“ ‘Ɛnibɔdi we nɔ du ɔl wetin PAPA GƆD in lɔ dɛn se, lɛ PAPA GƆD mek bad bad tin mit am. “Ɔlman fɔ ansa se, ‘Emɛn!’

Lɛta Fɔ Galeshya 3:22

Bɔt dɛn rayt na Gɔd in Buk se, na sin de rul di wɔl, so na we pipul biliv pan Krays go mek dɛn gɛt wetin Gɔd prɔmis fɔ gi dɛn.

Jɔn 19:11

Jizɔs se, “Yu nɔ bin fɔ gɛt pawa oba mi if Gɔd nɔ bin gi yu da pawa de. Na dat mek, da man we mek dɛn briŋ mi kam bifo yu in sin bad pas yu yon.”

Apɔsul Dɛn Wok 2:23

Una sɛl Jizɔs gi dɛn wikɛd pipul. Gɔd bin dɔn no bɔt dat ɛn i bin dɔn gri fɔ mek dat bi. Una gi dɛn wikɛd pipul pawa fɔ nel Jizɔs na di krɔs.