Lɛta Fɔ Rom 2:10 - Krio Fɔs Oli Baybul

¹⁰ Bɔt Gɔd go mek dɛn pipul we de du gud, dɛn Ju pipul ɛn dɛn wan we nɔto Ju, gɛt prez, ɔna, ɛn kol at.

Lɛta Fɔ Rom 2:10 Referans Kwoze

Ayzaya 32:17

Ɛn fɔseka we pipul de waka tret na PAPA GƆD in yay, kolat go de, ɛn fɔseka we pipul de waka tret na PAPA GƆD in yay, kwayɛtnɛs ɛn trɔst de sote go.

Ayzaya 26:12

PAPA GƆD, yu go mek wi gɛt pis, yu dɔn wok ɔl wi wok fɔ we.

Di Nɔmba Dɛm 6:26

Mek PAPA GƆD in an de pan una ɔltɛm ɛn gi una kolat.”

Pita In Fɔs Lɛta 1:7

Dɛn waala ya na fɔ tray una fɔ si if una biliv Gɔd gud wan, lɛkɛ we dɛn kin put gold na faya fɔ tray am fɔ si if i gud, ɛn gold na tin we de pwɛl. Di biliv we una biliv Gɔd bɛtɛ fawe pas gold, so Gɔd go tray una fɔ si if una biliv pan am gud, ɛn una nɔ go tap fɔ biliv pan am. If una biliv Gɔd gud gud, di de we Jizɔs go kam mek ɔlman si am, Gɔd go prez una, i go mek una gɛt rɛspɛkt ɛn i go mek una de wit am sote go.

Jems 3:13

Uswan pan una de we gɛt sɛns ɛn we ɔndastand plɛnti tin? Mek i waka tret ɛn du gud ɛn wɛn i de du gud, mek i nɔ prawd ɛn mek i du ɔltin wit sɛns; na dat go sho se in na pɔsin we gɛt sɛns ɛn i de ɔndastand.

Lɛta Fɔ Rom 8:6

If una jɛs de mɛmba wetin una at want nɔmɔ, dat go mek una day; bɔt if una jɛs de mɛmba wetin Gɔd in Spirit want nɔmɔ, una go gɛt di tru layf ɛn kol at.

Lɛta Fɔ Rom 2:7

Sɔm pipul de du gud ɔltɛm, dɛn want mek Gɔd prez dɛn, gi dɛn ɔna, ɛn layf we nɔ go dɔn. Gɔd go gi dɛn layf we go de sote go.

Lyuk 1:79

Da san de go shayn pan dɛn pipul we de na dak ɛn we want day, ɛn i go mek wi gɛt kol at.”

Job 22:21

Gri wit PAPA GƆD mek yu at kol; yu go si di gud tin dɛn we go bi to yu.

Jems 2:22

Una nɔ si se wetin Ebraam du sho se i bin biliv Gɔd? Una nɔ si se Ebraam bin biliv Gɔd bikɔs i du wetin Gɔd tɛl am fɔ du?

Lɛta Fɔ Galeshya 5:6

Wans wi gɛt wanwɔd wit Krays, if wi sakɔmsayz ɔ wi nɔ sakɔmsayz, dat nɔ min natin. Bɔt di tin we gud pas ɔl nain dis: pipul fɔ no se wi biliv pan Krays bay aw wi lɛk wi kɔmpin mɔtalman.

Lɛta Fɔ Rom 5:1

We Gɔd dɔn mek ɔltin rayt bitwin wi ɛn insɛf, bikɔs wi biliv pan am, wi gladi we wi de waka klos am; na wi Masta Jizɔs Krays du dat fɔ wi.

Lɛta Fɔ Rom 2:9

Gɔd go mek ɔlman we de du bad, sɔfa ɔl kayn sɔfa, di Ju pipul ɛn dɛn pipul we nɔto Ju, dɛn ɔl go sɔfa if dɛn du bad.

Jɔn 16:33

A de tɛl una ɔl dɛn tin ya so dat una we gɛt wanwɔd wit mi go gɛt kol at. Mɔtalman go mek una sɔfa, bɔt una nɔ fred! A dɔn win di wɔl!”

Lɛta Fɔ Filipay 4:7

Gɔd go gi una kol at, we mɔtalman nɔ ebul ɔndastand, we nɔ go mek ɛnitin wɔri una, bikɔs una gɛt wanwɔd wit Jizɔs Krays.

Lɛta Fɔ Galeshya 5:22

Bɔt Gɔd in Spirit go mek pipul lɛk dɛn kɔmpin, i go mek dɛn gladi, i go mek dɛn nɔ de mek plaba, i go mek dɛn ebul bia trɔbul, ɛn i go mek dɛn de ɛp dɛn kɔmpin mɔtalman, i go mek dɛn de du gud to ɔda pipul, i go mek dɛn tru to dɛn kɔmpin,

Lɛta Fɔ Rom 15:13

Lɛ Gɔd we de mek wi abop, mek una gladi bad ɛn gi una kol at bikɔs una biliv pan am, so dat in Spirit go mek una abop pan am mɔ ɛn mɔ.

Lɛta Fɔ Rom 14:17

Wɛn pɔsin de tɔk bɔt di rul we Gɔd de rul, i nɔ de tɔk bɔt tin fɔ it ɛn tin fɔ drink, bɔt i de tɔk bɔt aw Gɔd de mek ɔltin rayt bitwin in ɛn mɔtalman, di kol at we Gɔd de gi, ɛn di gladi we Gɔd in Spirit de put na pɔsin in at.

Lɛta Fɔ Rom 9:23

Ɛn igen, i bin want sho mɔtalman aw I wɔndaful, so I dɔn mek wi we I sɔri fɔ no aw I wɔndaful, dat na dɛn wan pan wi we I bin dɔn du ɔltin fɔ lɔntɛm fɔ mek wi rɛdi fɔ gɛt pan di big pawa ɛn ɔna we insɛf gɛt.

Lɛta Fɔ Rom 9:21

Afta ɔl, di pɔsin we de mek di kɔntri pɔt gɛt di rayt fɔ tek di kle mek wetin i want mek. I gɛt di rayt fɔ tek di sem kle fɔ mek flawa pɔt ɔ fɔ mek pɔt fɔ tek kuk.

Apɔsul Dɛn Wok 10:35

Gɔd go mek ɛnibɔdi we rɛspɛkt am ɛn du wetin i want, bi in yon.

Jɔn 12:26

Ɛnibɔdi we want wok fɔ mi, fɔ du wetin a tɛl am fɔ du, so dat i go de wit mi ɛni say we a de. Pantap dat mi Papa go mek ɛnibɔdi we de wok fɔ mi gɛt ɔna.

Lyuk 22:14

Wɛn di tɛm rich, Jizɔs ɛn in apɔsul dɛn sidɔm fɔ it.

Lyuk 19:42

I se, “Aya, if una we de na Jerusɛlɛm bin sabi naw sɛf dɛn tin we go gi una kol at bɔt una yay nɔ go si dɛn tin de naw.

Lyuk 12:37

If di bɔy dɛn nɔ slip yet wɛn dɛn masta kam bak, dɛn go gɛt blɛsin. A de tɛl una fɔ tru se, di masta go drɛs ɛn i go kɔl in bɔy dɛn mek dɛn kam sidɔm, dɔn i go gi dɛn it.

Lyuk 9:48

I tɛl in lanin bɔy dɛn se, “Ɛnibɔdi we tɛl lili pikin lɛkɛ dis wan ya fɔ kam nain os fɔseka mi, na mi da pɔsin de dɔn tɛl fɔ kam nain os; ɛnibɔdi we tɛl mi fɔ kam nain os, dɔn tɛl di Wan we sɛn mi fɔ kam nain os. Di pɔsin we una nɔ tek bɛtɛ yay luk, nain go bi impɔtant pas una ɔl.”

Matyu 10:13

If di pipul dɛn na di os gladi fɔ una, di wɔd dɛn we una blɛs dɛn wit, go tap na di os; bɔt if dɛn nɔ gladi fɔ una, di blɛsin we una gi dɛn go kam bak to una.

Jɛrimaya 33:6

A de tɛl yu, a go briŋ wɛlbɔdi ɛn mɛrɛsin, ɛn a go mɛn dɛm ɛn gi dɛm plɛnti plɛnti jɛntri ɛn sikiɔriti.

Ayzaya 57:19

PAPA GƆD se, pis, yɛs, lɛ di wan we de fa ɛn di wan we de nia gɛt pis; ɛn a go mɛn am.

Ayzaya 48:22

PAPA GƆD se, “kolat nɔ de fɔ wikɛd pɔsin.”

Ayzaya 48:18

A wish yu bin de obe mi lɔ dɛn! Datɛnde yu kolat bin fɔ tan lɛk riva, ɛn di waka we yu de waka tret na mi yay, go tan lɛk swɛlin na si;

Prɔvabs 11:18

Bad nɔ de pe ɛnibɔdi gud tin bɔt yu du gud de gɛt gud pe.

Prɔvabs 8:18

A kin gi pɔsin bɔku jɛntri ɛn ɔna, a de mek dɛn mɔni nɔ dɔn ɛn bɛtɛ go fala dɛn.

Di Sam Dɛm 37:37

Wach di man we gud ɛn we de du wetin rayt; na pɔsin we gɛt kol at ɛn bɛtɛ go fala am ɔltɛm.

Di Sam Dɛm 29:11

PAPA GƆD de gi trɛnk to in pipul; lɛ PAPA GƆD blɛs in pipul ɛn gi dɛn ɔl wetin dɛn want fɔ ɛnjɔy layf.

Di Sam Dɛm 15:2

Na di pɔsin we de waka tret, we nɔ de miks pan bɛnbɛn, ɛn we nɔ de lay,

1 Samiɛl 2:30

Di man we de tɔk fɔ PAPA GƆD se, na dat mek PAPA GƆD we na di PAPA GƆD we Izrɛl de wɔship se in bin dɔn se na Ilaɛl in famili ɛn dɛn jɛnareshɔn go bi di man dɛn we de mek sakrifays fɔ pipul sin te go, bɔt in de se i nɔ gɛt fɔ bi so igen, bikɔs na udat sho rɛspɛkt fɔ am, i go rɛspɛkt, bɔt udat de lili am, insɛf nɔ go bisin bɔt am.

Pita In Fɔs Lɛta 5:4

If una du so, wɛn dɛn shɛpad dɛn edman we na Krays, kam, una go gɛt wɔndaful krawn we nɔ de pwɛl ɛn we de shayn ɔltɛm.

Jɔn 14:27

“A nɔ de gi una di kayn kol at we di pipul dɛn ɛn di tin dɛn na dis wɔl ya de gi, bɔt a de gi una mi yon kol at. A nɔ de gi mi yon kol at lɛkɛ aw di pipul dɛn na wɔl de gi kol at. Una nɔ ɛŋ at fɔ ɛnitin, una nɔ mek ɛnitin wɔri una.

Ayzaya 55:12

“Bikɔs una go wit gladi, ɛn dɛn go lid una go wit kolat; di mawnten dɛn ɛn di il dɛn we de bifo yu go bɔsawt de siŋ, ɛn ɔl di tik dɛn na di fil go klap dɛn an.

Fɔs Lɛta To Timoti 1:17

Frɔm naw sote go mek wi ɔna ɛn prez di Kiŋ we bin de, we de naw ɛn we go de sote go, we nɔ de day, ɛn we pɔsin nɔ de si; nain wangren na Gɔd. Emɛn.

Di Ibru Pipul Dɛn 2:7

Yu mek enjɛl pas mɔtalman fɔ shɔt tɛm, dɛn yu gi mɔtalman pawa ɛn ɔna.