Lɛta Fɔ Rom 2:1 - Krio Fɔs Oli Baybul

¹ Mi kɔmpin Kristiɛn dɛn, una we de jɔj ɔda pipul, una nɔ go se una nɔ du bad wande, ilɛk udat una bi. Wɛn una de jɔj ɔda pipul, una de kɔndɛm unasɛf, bikɔs una de du di sem tin we dɛn de du.

Lɛta Fɔ Rom 2:1 Referans Kwoze

Lyuk 6:37

“Una nɔ jɔj ɔda pipul ɛn Gɔd insɛf nɔ go jɔj una. Una nɔ kɔndɛm ɔda pipul ɛn Gɔd insɛf nɔ go kɔndɛm una. Una padin ɔda pipul ɛn Gɔd insɛf go padin una.

Lɛta Fɔ Rom 2:3

Bɔt mi kɔmpin Kristiɛn dɛn, unasɛf de du dɛn sem bad tin we una de jɔj ɔda pipul fɔ. Una tink se Gɔd nɔ go jɔj una?

Lɛta Fɔ Rom 9:20

Bɔt udat una tink se una bi we una kin agyu wit Gɔd? Kɔntri pɔt nɔ go aks di pɔsin we mek am se, “Wetin du yu mek mi so?”

Jems 4:11

Mi Kristiɛn pipul dɛn, una lɛf fɔ tɔk bad bɔt una kɔmpin mɔtalman. Ɛnibɔdi we tɔk bad bɔt in kɔmpin ɔ jɔj am, da pɔsin de de tɔk bad bɔt Gɔd in Lɔ, ɛn i de jɔj Gɔd in Lɔ. If una jɔj Gɔd in Lɔ, dat min se una nɔ de fala Gɔd in Lɔ.

Jems 2:20

Una we nɔ de gri fɔ ɔndastand! If una biliv Gɔd, bɔt una nɔ de du dɛn tin we sho se una biliv Gɔd, di biliv we una se una biliv Gɔd, nɔ min natin.

Lyuk 19:22

In masta tɛl am se, ‘Yu na bad wokman! Na wetin yu yon mɔt tɔk, nain a de tek jɔj yu! Yu bin no se a gɛt na an; a kin tek wetin nɔto mi yon ɛn a kin pik wetin a nɔ plant,

1 Kɔrint 7:16

Yu mare du man, we na Kristiɛn, aw yu go no se nɔto yu go mek yu man sev? Semwe so, yu maredman we na Kristiɛn, aw yu go no se nɔto yu go mek yu wɛf sev?

Lyuk 12:14

Jizɔs ansa di man se, “Padi, udat gi mi pawa fɔ jɔj fɔ una ɛn fɔ sheb una prɔpati?”

Lɛta Fɔ Rom 2:2

Wi no se Gɔd de du di rayt tin wɛn i kɔndɛm dɛn pipul we de du dɛn bad tin ya.

Lɛta Fɔ Rom 3:9

Wɛl, wi we na Ju bɛtɛ pas ɔl dɛn ɔda pipul na Gɔd in yay? Nɔto so i bi! A bin dɔn pruv to una se sin de rul dɛn Ju pipul ɛn dɛn wan we nɔto Ju, semwe.

Lɛta Fɔ Rom 14:22

Ɛni tin we una biliv bɔt wetin fɔ drink ɔ it fɔ lɛf bitwin una ɛn Gɔd. Wɛn pɔsin de du tin we i biliv se rayt ɛn i nɔ dawt insɛf, da pɔsin de, api.

1 Kɔrint 4:5

So una nɔ fɔ jɔj ɛnibɔdi bifo di rayt tɛm rich, dat na bifo di Masta kam. Dɛn tin we de na dak naw go kam na layt wande ɛn di Masta go mek ɔlman no wetin pipul bin de mekɔp na dɛn at fɔ du. Da tɛm de Gɔd go prez ɔl dɛn wan we fɔ gɛt prez.