Lɛta Fɔ Rom 16:7 - Krio Fɔs Oli Baybul

⁷ A de tɛl Andrɔnikɔs ɛn Junias adu, dɛn na mi kɔntri man dɛn we wi ɔl bin de na jel; ɔl di apɔsul dɛn bin no dɛn gud, dɛn bin dɔn biliv pan Krays bifo mi.

Lɛta Fɔ Rom 16:7 Referans Kwoze

Lɛta Fɔ Rom 16:21

Timoti, we de wok wit mi, de tɛl una adu; ɛn Lushyɔs, Jesɔn, Sosipata dɛnsɛf de tɛl una adu, dɛn na mi Ju kɔntriman dɛm.

Lɛta Fɔ Rom 16:11

A de tɛl mi Ju kɔntri man, Ɛrodiɔn, ɛn ɔl dɛn Kristiɛn we de na Nasisɔs in os, adu.

Faylimɔn 1:23

Ɛpafras, we wi ɔl tu de jel fɔseka Jizɔs Krays, tɛl una adu.

Lɛta Fɔ Kɔlɔse 4:10

Aristakɔs, we de na jel wit mi, ɛn Mak, we na Banabas in kɔzin tɛl una adu. (A bin dɔn sɛn tɛl una se, wɛn Mak go to una, una fɔ mek i tap to una).

Lɛta Fɔ Ɛfisɔs 2:10

Na Gɔd mek wi ɛn bikɔs wi gɛt wanwɔd wit Jizɔs Krays, Gɔd dɔn gi wi nyu layf. Gɔd bin dɔn plan lɔntɛm se we wi dɔn gɛt dis nyu layf, wi go de ɛp ɔda pipul.

Lɛta Fɔ Galeshya 1:22

Da tɛm de di Kristiɛn dɛn we bin de na di chɔch dɛn na Judia nɔ bin no mi yet.

2 Kɔrint 5:17

Ɛnibɔdi we gɛt wanwɔd wit Krays, dɔn bi nyu pɔsin, di layf we i bin liv fɔstɛm dɔn dɔn, na nyu layf i liv naw.

Rɛvɛleshɔn 1:9

Mi we de rayt dis buk na Jɔn, una brɔda, we wi ɔl de fala Jizɔs. Wi ɔl tinap traŋa pan ɔl di sɔfa we wi de sɔfa bikɔs wi tek Jizɔs Krays fɔ wi Kiŋ. Dɛn bin kɛr mi go lɛf mi na wan ples we dɛn kɔl Patmɔs we de midul wata, bikɔs a bin de tɛl pipul di mɛsej we Gɔd sɛn, we Jizɔs insɛf se na tru.

Jɔn In Fɔs Lɛta 5:20

Wi no se Gɔd in Pikin dɔn kam ɛn i dɔn gi wi di pawa fɔ no di tru Gɔd. Wi layf de wit di tru Gɔd ɛn wi layf de wit Gɔd in Pikin, Jizɔs Krays. Jizɔs Krays na di tru Gɔd ɛn di tru layf we go de sote go.

Jɔn In Fɔs Lɛta 4:13

Di tin we mek wi no gud wan se wi de waka wit Gɔd ɛn Gɔd de insay wi, na bikɔs i dɔn put in Spirit insay wi.

Lɛta Fɔ Galeshya 6:15

If pɔsin sakɔmsayz ɔ i nɔ sakɔmsayz, dat nɔ min natin; di tin we gud pas ɔl na fɔ mek Gɔd chenj pɔsin in layf.

Lɛta Fɔ Galeshya 5:6

Wans wi gɛt wanwɔd wit Krays, if wi sakɔmsayz ɔ wi nɔ sakɔmsayz, dat nɔ min natin. Bɔt di tin we gud pas ɔl nain dis: pipul fɔ no se wi biliv pan Krays bay aw wi lɛk wi kɔmpin mɔtalman.

Lɛta Fɔ Galeshya 2:6

Dɛn pipul na Jerusɛlɛm we dɛn se na bigman na di chɔch nɔ bin tɛl wi fɔ chenj di Gud Nyuz we a bin de tɛl dɛn pipul we nɔto Ju. A nɔ bisin udat dɛn bi, bikɔs Gɔd nɔ de luk aw pɔsin tan ɔ udat i bi bifo i gri fɔ am.

2 Kɔrint 11:23

Dɛn na Krays in savant? I tan lɛkɛ se na kresman de tɔk, bɔt mi na bɛtɛ savant pas dɛn! A de wok pas dɛn fawe, a dɔn go jel plɛnti tɛm pas dɛn, dɛn dɔn bit mi pas dɛn, day dɔn mis mi plɛnti tɛm pas dɛn.

2 Kɔrint 5:21

Krays nɔ bin gɛt sin, bɔt fɔ sev wi, Gɔd put wi sin dɛn pan am, so dat we wi gɛt wanwɔd wit am, ɔltin go rayt bitwin wi ɛn Gɔd.

1 Kɔrint 1:30

Bɔt Gɔd dɔn mek una gɛt wanwɔd wit Jizɔs Krays; Gɔd dɔn mek Krays bi di sɛns we wi fɔ gɛt. Krays dɔn mek ɔltin rayt bitwin wi ɛn Gɔd, i dɔn mek wi bi Gɔd yon pipul ɛn i dɔn mek wi fri; na Gɔd mek Krays du ɔl dat.

Lɛta Fɔ Rom 8:1

Gɔd nɔ de kɔndɛm dɛn pipul we gɛt wanwɔd wit Jizɔs Krays.

Jɔn 15:2

Ɛni an we de pan mi we nɔ de bia, i de kɔt am kɔmɔt, ɛn ɛni an we de bia, i de trim am, so dat i kin bia mɔ.

Jɔn 14:20

Wɛn da tɛm de rich, una go no se a de insay mi Papa ɛn una de insay mi lɛkɛ aw a de insay una.

Jɔn 6:56

Ɛnibɔdi we it mi bɔdi ɛn drink mi blɔd, di pɔsin go de na mi at ɛn misɛf go liv insay di pɔsin in at.

Ayzaya 45:25

Ɔl Izrɛl in pikin dɛn go gɛt viktri ɛn mek nem insay PAPA GƆD.

Ayzaya 45:17

Bɔt PAPA GƆD sev Izrɛl wit salveshɔn we de so te go, dɛn nɔ go mek una shem ɔ kɔnfyus una fɔ ɛva ɛn ɛva.

Lɛta Fɔ Galeshya 2:2

A go bak na Jerusɛlɛm, bikɔs Gɔd tɛl mi fɔ go de. A bin gɛt mitin wit di bigman dɛn na di chɔch nɔmɔ. Na de a tɛl dɛn di Gud Nyuz we a bin de tɛl dɛn pipul we nɔto Ju, bikɔs a nɔ bin want mek di wok we a bin dɔn du, ɛn di wok we a bin de du, go fɔ natin.

Lɛta Fɔ Rom 8:11

If Gɔd, we mek Jizɔs rayz frɔm di grev, in Spirit de insay una, Gɔd insɛf go mek in Spirit we de insay una mek una bɔdi we go day gɛt di tru layf.

Lɛta Fɔ Rom 9:3

a de tɔk bɔt dɛn pipul we wi ɔl na Ju. If a bin go ɛp dɛn, a bin fɔ wish mek Gɔd kɔndɛm misɛf ɛn mek a nɔ bi Krays yon pɔsin igen.

Lɛta Fɔ Rom 16:3

A de tɛl Prisila ɛn Akwila adu, dɛnsɛf bin de wok fɔ Jizɔs Krays wit mi;

Lɛta Fɔ Rom 16:6

A de tɛl Meri, we dɔn wok traŋa wan fɔ una, adu.

Lɛta Fɔ Rom 16:8

A de tɛl Amplietɔs adu, na mi gud padi we gɛt wanwɔd wit di Masta.

Lɛta Fɔ Rom 16:9

A de tɛl Ɔbanɔs adu, insɛf na man we de wok fɔ Krays; ɛn a de tɛl mi gud padi, Stakis, adu.

Lɛta Fɔ Rom 16:10

A de tɛl Apɛliz adu, na pɔsin we dɔn sho gud gud wan se in tru to Krays. A de tɛl Aristobulɔs in fambul dɛn adu.

2 Kɔrint 12:2

A no wan Kristiɛn man we bin fɛn insɛf ɔp ɔp insay ɛvin kwik wan so wande, fotin ia dɔn pas naw frɔm we dat bi (a nɔ no if nain bɔdi i go wit na ɛvin ɔ nain spirit nɔmɔ; na Gɔd wangren no).