Lɛta Fɔ Rom 16:5 - Krio Fɔs Oli Baybul

⁵ A de tɛl dɛn Kristiɛn we de kip mitin na Prisila ɛn Akwila dɛn os, adu. A de tɛl mi gud padi, Ipinitɔs, adu, nain na di fɔs pɔsin we biliv pan Krays na wan pat na Eshya.

Lɛta Fɔ Rom 16:5 Referans Kwoze

Lɛta Fɔ Kɔlɔse 4:15

Una tɛl di chɔch pipul dɛn na Laodisya, wit Nimfa ɛn dɛn chɔch pipul we de mit nain os, adu.

Faylimɔn 1:2

Dis lɛta ya na fɔ Apfia insɛf we na wi Kristiɛn sista, ɛn Akipɔs we de wok traŋa wan fɔ Krays pan ɔl we pipul de fɛt am, ɛn fɔ dɛn Kristiɛn pipul we de mit na una os.

1 Kɔrint 16:19

Dɛn chɔch na Eshya de tɛl una adu; Akwila ɛn Prisila ɛn dɛn Kristiɛn we de gɛda na dɛn os, de tɛl una plɛnti plɛnti adu wit ɔl dɛn at.

1 Kɔrint 16:15

Una dɔn yɛri bɔt Stɛfanas ɛn in fambul dɛn; na dɛn fɔs biliv pan Krays na Gris, ɛn dɛn dɔn gi ɔl dɛn layf fɔ wok fɔ Gɔd in pipul dɛn. Mi kɔmpin Kristiɛn dɛn, a de beg una

Matyu 18:20

Bikɔs ɛni say we tu ɔ tri Kristiɛn gɛda fɔ pre to mi ɛn ɔna mi, a go de wit dɛn.”

Rɛvɛleshɔn 14:4

Dɛn na man dɛn we nɔ bin miks pan uman biznɛs; dɛn bin de fala di Ship ɛni say i go. Na di Ship bin pik dɛn kɔmɔt to dɛn ɔda mɔtalman wɛn i bay dɛn, ɛn na dɛn fɔs i put wansay fɔ insɛf nɔmɔ ɛn fɔ Gɔd.

Jɔn In Tɔd Lɛta 1:1

Mi Jɔn, we na bigman na chɔch de rayt to Geyɔs we a lɛk fɔ tru.

Jems 1:18

Gɔd mek in wɔd we tru gi wi dis nyu layf lɛkɛ aw i want, so dat wi kin pas ɔl dɛn ɔda pipul we i mek we wi dɔn bi in yon pikin dɛn.

2 Kɔrint 9:2

Bikɔs a no se una want ɛp, ɛn a dɔn tɔk to di pipul dɛn na Masidonia, se, “Di Kristiɛn brɔda dɛn na Gris dɔn rɛdi fɔ ɛp una sins las ia.” Plɛnti pan dɛn dɔn bigin ɛp we dɛn yɛri aw una want ɛp bad bad.

2 Kɔrint 1:1

Mi, Pɔl, we bi Krays Jizɔs in apɔsul bikɔs na dat Gɔd want, ɛn wi Kristiɛn brɔda Timoti, de rayt to una ɔl we na Gɔd in pipul dɛn na Kɔrint, ɛn dɛn wan we de ɔlɔbɔt na Gris.

Lɛta Fɔ Rom 16:12

A de tɛl Trayfina ɛn Trayfosa, we de wok fɔ di Masta, adu; ɛn mi gud padi Pasis, we dɔn wok plɛnti fɔ di Masta.

Lɛta Fɔ Rom 16:8

A de tɛl Amplietɔs adu, na mi gud padi we gɛt wanwɔd wit di Masta.

Lɛta Fɔ Rom 15:26

Bikɔs di chɔch mɛmba dɛn na Masidonia ɛn Gris dɔn mekɔp fɔ gi dɛn Kristiɛn we nɔ gɛt natin na Jerusɛlɛm sɔm mɔni.

Lɛta Fɔ Rom 11:16

If ɛnibɔdi gi Gɔd di fɔs af bred we i kɔt, dat min se di wan ol bred blant Gɔd; ɛn if ɛnibɔdi gi Gɔd tik in rut, dat min se ɔl di an dɛn pan di tik blant Gɔd.

Apɔsul Dɛn Wok 18:27

Wɛn Apɔlɔs bin want fɔ go Gris, di Kristiɛn dɛn na Ɛfisɔs kɔrej am ɛn dɛn rayt lɛta to di Kristiɛn dɛn na Gris se, “Duya, una mek Apɔlɔs no se una gladi fɔ mit am wɛn i kam.” Wɛn Apɔlɔs rich Gris, i mit pipul we biliv pan Jizɔs fɔ we Gɔd gud to dɛn ɛn Apɔlɔs ɛp dɛn fɔ no mɔ bɔt Gɔd.

Apɔsul Dɛn Wok 18:12

Di tɛm we Galio na bin di Roman gɔvna na Gris, ɔl di Ju pipul dɛn gɛda, dɛn ol Pɔl ɛn kɛr am go kot fɔ mek di gɔvna jɔj am.

Apɔsul Dɛn Wok 2:9

Sɔm pan wi kɔmɔt Patia, Mɛdia, Ilam, Mɛsopotemia, Judia, Kapadoshia, Pɔnchɔs, ɛn Eshya.

Apɔsul Dɛn Wok 16:6

Pɔl ɛn in kɔmpin dɛn go ɔlsay na Fri jya ɛn Galeshya bikɔs Gɔd in Spirit nɔ gri mek dɛn tɔk Gɔd in mɛsej na wan smɔl ples we dɛn kɔl Eshya.

Lɛta Fɔ Rom 16:4

dɛn bin rɛdi fɔ day fɔseka mi. Mi ɛn ɔl dɛn Kristiɛn we nɔto Ju de tɛl dɛn plɛnti tɛnki.

Lɛta Fɔ Rom 16:6

A de tɛl Meri, we dɔn wok traŋa wan fɔ una, adu.