Lɛta Fɔ Rom 16:10 - Krio Fɔs Oli Baybul

¹⁰ A de tɛl Apɛliz adu, na pɔsin we dɔn sho gud gud wan se in tru to Krays. A de tɛl Aristobulɔs in fambul dɛn adu.

Lɛta Fɔ Rom 16:10 Referans Kwoze

Lɛta Fɔ Rom 14:18

Ɛnibɔdi we de sav Krays lɛkɛ dis go mek Gɔd gladi ɛn i go mek mɔtalman sɛf lɛk wetin i de du.

Pita In Fɔs Lɛta 1:7

Dɛn waala ya na fɔ tray una fɔ si if una biliv Gɔd gud wan, lɛkɛ we dɛn kin put gold na faya fɔ tray am fɔ si if i gud, ɛn gold na tin we de pwɛl. Di biliv we una biliv Gɔd bɛtɛ fawe pas gold, so Gɔd go tray una fɔ si if una biliv pan am gud, ɛn una nɔ go tap fɔ biliv pan am. If una biliv Gɔd gud gud, di de we Jizɔs go kam mek ɔlman si am, Gɔd go prez una, i go mek una gɛt rɛspɛkt ɛn i go mek una de wit am sote go.

Ditarɔnɔmi 8:2

I se dɛn nɔ fɔ fɔgɛt ɔl usay PAPA GƆD we na dɛn PAPA GƆD dɔn waka wit dɛn na di ɛmti ples we pɔsin nɔ go ebul tap, fɔ fɔti ia, jɛs fɔ brok dɛn fɛda dɔŋ lilibit, fɔ fɛnɔt wetin de insay dɛn at, ɛn fɔ no if dɛn go du ɔl wetin i se.

Fɔs Lɛta To Timoti 3:10

Na fɔ tray dɛn fɔs, if dɛn du wɛl, una kin mek dɛn bigin ɛp fɔ du Gɔd wok na chɔch.

Lɛta Fɔ Filipay 2:22

Bɔt una no se Timoti dɔn pruv insɛf se in de du di wok gud. I de wok wit mi, lɛkɛ se in na mi pikin ɛn mi nain papa, fɔ mek mɔ ɛn mɔ pipul biliv di Gud Nyuz.

2 Kɔrint 8:22

So wi de sɛn wi brɔda fɔ go wit dɛn; wi dɔn tray am plɛnti tɛm ɛn wi dɔn si se i want fɔ ɛp bad bad ɔltɛm. Ɛn naw we i trɔs una gud fashin, i want fɔ ɛp una mɔ.

2 Kɔrint 2:9

Na dat mek a bin rayt da fɔs lɛta we a bin sɛn to una. A bin want no if una pas una ɛgzam gud; dat na fɔ si if una kin rɛdi ɔltɛm fɔ du wetin a tɛl una fɔ du.

1 Kɔrint 11:19

I mɔs bi se una nɔ fɔ gɛt wanwɔd fɔ mek ɔda pipul no dɛn wan we de du wetin Gɔd want.

Sɛkɛn Lɛta To Timoti 4:19

A de sɛn adu fɔ Prisila ɛn Akwila ɛn fɔ Onɛsifɔrɔs wit in wɛf ɛn pikin dɛn.

Lɛta Fɔ Rom 8:11

If Gɔd, we mek Jizɔs rayz frɔm di grev, in Spirit de insay una, Gɔd insɛf go mek in Spirit we de insay una mek una bɔdi we go day gɛt di tru layf.

Lɛta Fɔ Rom 16:3

A de tɛl Prisila ɛn Akwila adu, dɛnsɛf bin de wok fɔ Jizɔs Krays wit mi;

Lɛta Fɔ Rom 16:7

A de tɛl Andrɔnikɔs ɛn Junias adu, dɛn na mi kɔntri man dɛn we wi ɔl bin de na jel; ɔl di apɔsul dɛn bin no dɛn gud, dɛn bin dɔn biliv pan Krays bifo mi.

2 Kɔrint 5:17

Ɛnibɔdi we gɛt wanwɔd wit Krays, dɔn bi nyu pɔsin, di layf we i bin liv fɔstɛm dɔn dɔn, na nyu layf i liv naw.

2 Kɔrint 12:2

A no wan Kristiɛn man we bin fɛn insɛf ɔp ɔp insay ɛvin kwik wan so wande, fotin ia dɔn pas naw frɔm we dat bi (a nɔ no if nain bɔdi i go wit na ɛvin ɔ nain spirit nɔmɔ; na Gɔd wangren no).

Lɛta Fɔ Galeshya 1:22

Da tɛm de di Kristiɛn dɛn we bin de na di chɔch dɛn na Judia nɔ bin no mi yet.