Lɛta Fɔ Rom 15:8 - Krio Fɔs Oli Baybul

⁸ A de tɛl una se Krays kam fɔ ɛp di Ju pipul dɛn fɔ sho se Gɔd go du wetin i bin dɔn prɔmis Ebraam, Ayzak ɛn Jekɔb,

Lɛta Fɔ Rom 15:8 Referans Kwoze

Matyu 15:24

Jizɔs ansa se, “Na to dɛn pipul na Izrɛl we tan lɛkɛ dɛn ship we lɔs, na to dɛn nɔmɔ Gɔd sɛn mi.”

Jɔn 1:11

I go to in yon pipul dɛn, bɔt ivin dɛnsɛf nɔ bin want gɛt ɛnitin fɔ du wit am.

2 Kɔrint 1:20

bikɔs in na di ansa, “Yɛs,” fɔ ɔl dɛn prɔmis we Gɔd dɔn prɔmis wi. Na dat mek wɛn wi se “Emɛn,” na bay Jizɔs Krays wi de tɔk so, fɔ mek Gɔd gɛt di prez.

Jɔn 10:16

Ɔda ship dɛn de we blant mi, bɔt dɛn nɔ de wit dɛn wan ya, a fɔ briŋ dɛnsɛf kam; dɛnsɛf go lisin wɛn a de tɔk, dɛn go miks wit dɛn wan ya, so dɛn go gɛt wan shɛpad fɔ mɛn dɛn ɔl.

Lɛta Fɔ Rom 3:3

Sɔm pipul go aks se, wetin go bi if sɔm pan dɛn pipul ya nɔ du wetin Gɔd want dɛn fɔ du? Fɔseka dat, Gɔd nɔ go kip to in wɔd?

Lɛta Fɔ Ɛfisɔs 2:12

Fɔstɛm una nɔ bin gɛt wanwɔd wit Krays. Una nɔ bin kɔnt pan dɛn pipul we Gɔd dɔn pik; una bin de lɛkɛ trenja. Una nɔ bin gɛt pan wetin Gɔd prɔmis in pipul dɛn. Una bin jɛs de na di wɔl; una nɔ bin biliv pan Gɔd ɛn una nɔ bin gɛt say fɔ abop.

Lɛta Fɔ Rom 11:30

Fɔs tɛm una we nɔto Ju nɔ bin de du wetin Gɔd tɛl una fɔ du, bɔt naw Gɔd dɔn sɔri fɔ una bikɔs di Ju dɛn nɔ du wetin i tɛl dɛn fɔ du.

Lɛta Fɔ Rom 11:22

Dat fɔ mek una si aw Gɔd gud, bɔt igen aw i kin ol pɔsin wit traŋa an. Gɔd kin ol dɛn pipul we bin biliv bɔt we dɔn tap fɔ biliv ɛn bigin du bad, wit traŋa an, bɔt i go gud to una if una stil de du dɛn tin we go mek i sho una aw i gud; bɔt if una nɔ du dɛn tin de, Gɔd go kɔt unasɛf kɔmɔt pan insɛf.

Lɛta Fɔ Rom 4:16

So na di biliv we Ebraam bin biliv Gɔd mek Gɔd gi am di tin we i bin dɔn prɔmis se in go gi am. Dat na fɔ sho wi se di tin we Gɔd prɔmis fɔ gi ɔl Ebraam in grampikin pikin dɛm na fri, ɛn nɔto fɔ dɛn wan nɔmɔ we de du wetin di Lɔ se, bɔt na fɔ dɛn wan sɛf we biliv Gɔd lɛkɛ aw Ebraam bin biliv am. Ebraam na di papa wɛn i kam pan Gɔd biznɛs fɔ wi ɔl we de na wɔl.

Lɛta Fɔ Rom 3:26

bɔt naw fɔ sho se in de du wetin rayt ɔltɛm, i de pɔnish mɔtalman fɔ in sin dɛn ɛn i de mek ɔltin rayt bitwin in ɛn ɔlman we biliv pan Krays.

Apɔsul Dɛn Wok 13:46

Pɔl ɛn Banabas nɔ fred fɔ tɔk; dɛn se, “Wi bin gɛt fɔ tɛl una dɛn Ju pipul bɔt Gɔd bifo wi tɛl dɛn pipul we nɔto Ju. We una nɔ gri biliv pan am, una dɔn kɔndɛm unasɛf se una nɔ fit fɔ gɛt layf sote go. Na dat mek wi de tɛl dɛn pipul we nɔto Ju bɔt Gɔd naw.

Mayka 7:20

PAPA GƆD go biev lɛk aw i bin de biev to Jekɔb, sho in lɔv we nɔ de dɔn to Ebram, jɛs lɛk aw i bin dɔn prɔmis dɛn fɔstɛm-papa dɛn se i go du.

1 Kɔrint 15:50

Na di tin dis we a min: Dis wɔl yon bɔdi nɔ go go insay di ples we Gɔd de rul, ɛn ɛnitin we de day nɔ go gɛt di pawa fɔ tɔn to tin we nɔ de day.

1 Kɔrint 10:29

Sɔmbɔdi kin aks se, “If pɔsin fil bad, dat fɔ tap mi mek a nɔ du wetin a want du, a nɔ fri fɔ du wetin a lɛk?

Matyu 20:28

una fɔ tan lɛkɛ Mɔtalman Pikin, we nɔ kam fɔ mek mɔtalman bi in savant, bɔt i kam fɔ bi dɛn savant ɛn fɔ gi in layf fɔ sev plɛnti plɛnti pipul.”

1 Kɔrint 10:19

Wetin a min bay dat? Dɛn tin we mɔtalman de pre to ɛn di it we dɛn de gi dɛn, na ɛni bɛtɛ tin?

1 Kɔrint 1:12

Mek a ɛksplen wetin a min: sɔm pan una de se, “Na Pɔl a de fɔ;” sɔm de se, “Na Apɔlɔs a de fɔ;” sɔm ɔda wan dɛn de se, “Na Pita a de fɔ;” ɛn sɔm de se, “Na Krays a de fɔ.”

Prɔvabs 8:7

Na di tru a de tɔk mi na pɔsin we et lay bad, bad.