Lɛta Fɔ Rom 15:5 - Krio Fɔs Oli Baybul

⁵ Ɛn lɛ Gɔd we de mek pipul ebul bia ɛn gɛt kɔrej, mek una ɔl gri, bikɔs una de fala Jizɔs Krays in yon we,

Lɛta Fɔ Rom 15:5 Referans Kwoze

Pita In Fɔs Lɛta 3:8

Di las tin we a gɛt fɔ tɛl una, na fɔ lɛ una ɔl gɛt wanwɔd, ɛn wan at; una fɔ lɛk unasɛf lɛkɛ brɔda ɛn sista, una fɔ gɛt sɔri at fɔ una kɔmpin ɛn una nɔ fɔ de mek prawd pan una kɔmpin.

Lɛta Fɔ Rom 12:16

Una fɔ kia fɔ ɔlman lɛkɛ aw una kia fɔ unasɛf. Una nɔ fɔ prawd, bɔt una fɔ gri fɔ du dɛn wok we savant sɛf kin du. Una nɔ fɔ tink se una gɛt plɛnti sɛns.

Lɛta Fɔ Ɛfisɔs 5:2

Una fɔ gɛt lɛk na una at, jɛs lɛkɛ aw Krays lɛk wi, dɔn i gi in layf lɛkɛ sakrifays we gɛt swit sɛnt we mek Gɔd satisfay.

2 Kɔrint 13:11

Mi brɔda dɛn, na di wɔd dat o! Una fɔ tray fɔ de du wetin rayt ɔltɛm; una fɔ lisin wɛn a de tɔk to una fɔ mek una de du gud, una fɔ gɛt wanwɔd wit una kɔmpin, ɛn una nɔ fɔ de mek plaba. So Gɔd we lɛk ɔlman ɛn we de gi kol at go de wit una.

Lɛta Fɔ Rom 15:13

Lɛ Gɔd we de mek wi abop, mek una gladi bad ɛn gi una kol at bikɔs una biliv pan am, so dat in Spirit go mek una abop pan am mɔ ɛn mɔ.

Di Sam Dɛm 86:5

Yu na gud PAPA GƆD ɛn yu de fɔgiv yu de sho yu lɔv we nɔ de chenj to ɔl udat lɛk fɔ pre to yu.

1 Kɔrint 1:10

Mi Kristiɛn brɔda dɛn, a tek Jizɔs Krays, wi Masta, in nem, beg una mek una ɔl gɛt wanwɔd, mek una nɔ sheb sheb; una ɔl fɔ biliv di sem tin ɛn mekɔp fɔ du di sem tin.

Ɛksodɔs 34:6

PAPA GƆD pas bifo Mozis ɛn bigin tɔk se, “Mi, GƆD, di PAPA GƆD we gud ɛn de sho masi, we nɔ gɛt shɔtat, we in lɔv nɔ de fel, ɛn PAPA GƆD we pɔsin kin put in op ɛn trɔs pan.

Lɛta Fɔ Filipay 4:2

Yuodia ɛn Sintiche, a de beg una, duya, una fɔ gɛt wanwɔd lɛkɛ sista. Wetin du? Bikɔs una gɛt wanwɔd wit di Masta.

Lɛta Fɔ Filipay 2:2

If na so i bi, una fɔ mek a gladi pas aw a gladi naw fɔ we una gɛt wanwɔd, we una lɛk una kɔmpin, ɛn we una ɔl gɛt wan at ɛn wan maynd fɔ du di wok.

Lɛta Fɔ Filipay 1:27

Bɔt na wan tin nɔmɔ, una fɔ liv lɛkɛ pipul we dɔn biliv di Gud Nyuz bɔt Krays. So if a de wit una, ɔ if a nɔ de wit una, a want fɔ yɛri se una stil biliv pan Jizɔs, una gɛt wanwɔd, ɛn una ɔl want fɔ du di sem tin, dat na fɔ tɛl pipul di Gud Nyuz.

Pita In Sɛkɛn Lɛta 3:15

Una fɔ luk se di bia we di Masta de bia wit una na fɔ mek una go gɛt chans fɔ chenj mek una layf go sev. Wi brɔda Pɔl, we wi lɛk, insɛf bin rayt bɔt dis sem tin ya wit di sɛns we Gɔd gi am,

Lɛta Fɔ Filipay 3:16

Na wan tin nɔmɔ a gɛt fɔ se, lɛ wi nɔn nɔ lɛf fɔ fala di sem lɔ dɛn we wi dɔn de fala ɔl dis tɛm.

Apɔsul Dɛn Wok 4:32

Ɔl dɛn wan we bin biliv Jizɔs bin gɛt wanwɔd ɛn wan at. Nɔbɔdi nɔ bin de se, “Na mi wangren gɛt mi prɔpati”, bɔt ɔlman bin de sheb wetin i gɛt wit di ɔda pipul dɛn.

Izikɛl 11:19

Ɛn a go gi dɛm ɔl di sem maynd, ɛn put nyu spirit insay dɛm; ɛn a go pul di at we tan lɛk ston kɔmɔt insay dɛm, ɛn gi dɛm at we na flɛsh,

2 Kronikuls 30:12

PAPA GƆD sɛf in an bin de pan Juda fɔ gi, dɛn wan at fɔ du wetin di kiŋ ɛn di prins dɛn kɔmand akɔdin to PAPA GƆD in wɔd.

Pita In Sɛkɛn Lɛta 3:9

Di Masta nɔ de wes tɛm fɔ du wetin i dɔn se in go du, lɛkɛ aw sɔm pipul tink, bɔt i de bia wit una bikɔs i nɔ want mek ɛnibɔdi go ɛl, bɔt i want mek ɔlman sɔri fɔ dɛn sin ɛn lɛf dɛn.

Lɛta Fɔ Rom 15:3

Krays nɔ bin du ɔl wetin i du fɔ pliz insɛf, bɔt dɛn rayt na Gɔd in Buk se, i se, “Wɛn pipul kɔs yu, na mi dɛn kɔs.”

Pita In Fɔs Lɛta 3:20

Dɛn spirit ya na dɛn pipul we nɔ bin de yɛri Gɔd in wɔd di tɛm we Gɔd bin de bia, we Noa bin de bil in bot. Di pipul dɛn we bin go insay di bot nɔ bin plɛnti; na bin et pipul nɔmɔ. Gɔd bin mek di bot flot pan di wata ɛn na so i sev dɛn et pipul ya.

2 Kɔrint 7:6

Bɔt Gɔd we de kɔrej dɛn wan we dɛn at pwɛl, kɔrej wi wɛn Taytɔs kam.

Jɛrimaya 32:39

A go gi dɛm wan at ɛn wan we, so dat dɛn go fred mi sote go fɔ dɛn yon gud, ɛn fɔ dɛn pikin dɛn gud.