Lɛta Fɔ Rom 15:4 - Krio Fɔs Oli Baybul

⁴ Ɔltin we rayt na Gɔd in Buk na fɔ lan wi sɔntin, so dat, we di tin we rayt de, de mek wi ebul bia ɛn mek wi gɛt kɔrej, wi go no se Gɔd nɔ go lɛf wi.

Lɛta Fɔ Rom 15:4 Referans Kwoze

1 Kɔrint 10:11

Ɔl dɛn tin ya bi fɔ mek ɔda pipul si wetin go bi to dɛn, if dɛnsɛf du dɛn sem tin ya; ɛn dɛn rayt dɛn dɔŋ fɔ wi fɔ mek wi tek tɛm. Dis tɛm ya we wi dɔn liv fɔ si nɔ fa frɔm di tɛm we ɔltin na wɔl go dɔn.

Lɛta Fɔ Rom 12:12

Una fɔ gladi ɔltɛm bikɔs una abop pan Gɔd, una fɔ bia wɛn trɔbul mit una; ɛn una fɔ de pre ɔltɛm.

Pita In Fɔs Lɛta 1:13

Na dat mek una fɔ mekɔp una maynd fɔ du wetin una gɛt fɔ du, una fɔ kɔntrol unasɛf ɛn una fɔ put ɔl una at pan di blɛsin we Jizɔs Krays go gi una di tɛm we i go sho insɛf to ɔlman.

Di Sam Dɛm 102:18

Una rayt dis dɔŋ so dat di jɛnareshɔn dɛn we nɔ bɔn yet go prez PAPA GƆD.

Di Sam Dɛm 119:50

Na di prɔmis we yu mek to mi de mek a liv; nain de kɔrej mi we a de pan trɔbul.

Abakɔk 2:2

So PAPA GƆD gi am vishɔn ɛn tɛl am se i fɔ rayt ɔl wetin i si ɛn yɛri klia wan na tablɛt so ɔlman go ebul rid am..

Fɔs Lɛta Fɔ Tɛsalonayka 1:3

Ɛnitɛm we wi de pre to wi Gɔd we na wi Papa, wi kin tɛl am ɔl wetin una de du bikɔs una biliv pan Jizɔs, ɛn wi kin tɛl am aw una de wok traŋa wan bikɔs una lɛk Jizɔs Krays, ɛn aw una abop pan Masta Jizɔs Krays gud gud wan.