Lɛta Fɔ Rom 15:3 - Krio Fɔs Oli Baybul

³ Krays nɔ bin du ɔl wetin i du fɔ pliz insɛf, bɔt dɛn rayt na Gɔd in Buk se, i se, “Wɛn pipul kɔs yu, na mi dɛn kɔs.”

Lɛta Fɔ Rom 15:3 Referans Kwoze

Di Sam Dɛm 69:9

Di lɛk we a lɛk yu os dɔn tɔn bon na mi trot ɛn ɔl di kɔs we dɛn de kɔs yu de tɔn pan mi.

Lɛta Fɔ Filipay 2:8

I nɔ luk se in ɛn Gɔd na wan, bɔt i gri fɔ du ɔl wetin Gɔd tɛl am fɔ du, fɔ day sɛf. I gri fɔ day na di krɔs.

Jɔn 4:34

Jizɔs se, “Mi yon it na fɔ dɔn di wok we di wan we sɛn mi gi mi fɔ du, ɛn fɔ du ɔl wetin i want.

Jɔn 6:38

bikɔs a nɔ kɔmɔt na ɛvin kam fɔ du wetin a want, a kam fɔ du wetin di wan we sɛn mi want mi fɔ du.

Jɔn 5:30

“A nɔ gɛt di pawa fɔ du ɛnitin bay misɛf; a jɛs de jɔj pipul lɛkɛ aw Gɔd tɛl mi fɔ jɔj dɛn, so na di rayt we a de jɔj pipul bikɔs a nɔ de tray fɔ du wetin a want, na wetin di wan we sɛn mi want, na dat nɔmɔ a de du.

2 Kɔrint 8:9

Unasɛf no aw Masta Jizɔs gud; pan ɔl di jɛntri we i bin jɛntri na ɛvin, i kam tɔn po man fɔseka una, so dat bay di po we i po i go mek una jɛntri na ɛvin.

Jɔn 8:29

Ɛn di wan we sɛn mi de wit mi, i nɔ lɛf mi to misɛf bikɔs ɔltɛm a de du dɛn tin we i lɛk.”

Matyu 26:42

Jizɔs go pre bak, i se, “Mi Papa, if we nɔ de fɔ pul dis sɔfa we a gɛt fɔ sɔfa kɔmɔt, mek wetin yu want bi.”

Matyu 10:25

Pɔsin we de lan fɔ no se wetin go bi to di wan we lan am, nain go bi to insɛf; ɛn slev fɔ no se wetin go bi to in masta, nain go bi to insɛf. If pipul dɔn kɔl di edman na os Biɛlzibɔb, dɛn go gi di ɔda pipul dɛn na di os nem we bad pas dat.

Di Sam Dɛm 69:20

Dɛn dɔn provok mi te, a dɔn brok at ɛn giv ɔp. A luk fɔ udat a go go kray to, bɔt nɔbɔdi nɔ de, pɔsin nɔ de sɛf fɔ tɛl mi “Ɔsh.”

Jɔn 15:24

Dɛn nɔ bin fɔ no se Gɔd go mak dɛn fɔ dɛn sin if, di tɛm we a bin de wit dɛn, a nɔ bin du ɔl dɛn tin we nɔbɔdi nɔ du wande; bɔt dɛnsɛf dɔn si wetin a du, ɛn pan ɔl dat, dɛn nɔ lɛk mi ɛn mi Papa.

Jɔn 15:10

If una du wetin a tɛl una fɔ du, una go stil de ɛnjɔy di gud tin dɛn we a de du fɔ una bikɔs a lɛk una, jɛs lɛkɛ aw misɛf du wetin mi Papa tɛl mi fɔ du so a stil de ɛnjɔy di gud we i de du fɔ mi bikɔs i lɛk mi.

Matyu 26:39

I lɛf dɛn ɛn go bifo say lili bit, i ledɔm flat wit in fes na grɔn, ɛn pre se, “Mi Papa, if we de, pul dis sɔfa we a fɔ sɔfa kɔmɔt, ɛniwe, nɔto wetin mi want, na wetin yu want.”

Matyu 27:44

Di tu tifman dɛnsɛf we bin nel pan dɛn yon krɔs, dɛnsɛf tɔk dɛn sem wɔd ya.

Lɛta Fɔ Filipay 2:5

Una fɔ de tink ɛn du lɛkɛ Jizɔs Krays: