Lɛta Fɔ Rom 15:12 - Krio Fɔs Oli Baybul

¹² Ayzaya tɔk igen se, “Wan pɔsin we go kɔmɔt na Jɛsi in fambul layn, go kam; Gɔd go mek i rul dɛn pipul we nɔto Ju, ɛn dɛn go abop pan am.”

Lɛta Fɔ Rom 15:12 Referans Kwoze

Ayzaya 11:10

Da de de, Jɛsi in rut go bi sayn to di neshɔn dɛn; naim di neshɔn dɛn go luk fɔ, ɛn ɔlman go kɔle pan di say dɛn we i go tap.

Ayzaya 11:1

Smɔl plant go bɔs kɔmɔt na Jɛsi in af tik we lɛf na grɔn, ɛn branch go gro kɔmɔt nain rut.

Matyu 12:21

ɛn ɔlman go abop pan am.”

Rɛvɛleshɔn 22:16

“Mi, Jizɔs dɔn sɛn mi enjɛl go tɛl una dɛn tin ya fɔ mek una tɛl dɛn Kristiɛn na dɛn chɔch. Mi na wan pan Devid in grampikin pikin dɛm ɛn mi na di mɔnin sta we de shayn brayt.”

Rɛvɛleshɔn 5:5

Wɛn wan pan di bigman dɛn si se a de kray, i se, “Lɛf fɔ kray; luk, da pɔsin we dɛn kɔl di Layɔn we kɔmɔt na Juda trayb, di wan we na wan pan Devid in grampikin pikin dɛm, dɔn win ɔlsay. I kin pul di tin dɛn we dɛn tek fasin di pepa sɛvin say ɛn opin am.”

1 Kɔrint 15:19

If di abop we wi abop pan Krays na fɔ dis wɔl nɔmɔ, pipul fɔ sɔri fɔ wi pas ɛni ɔda pipul na wɔl.

Daniɛl 7:14

Ɛn dɛn bin gi di mɔtalman pawa ɛn gud nem ɛn kindɔm, so dat ɔl kayn pipul, neshɔn ɛn dɛn wan we de tɔk difrɛn difrɛn laŋwej fɔ wok fɔ am; in pawa na pawa we go de sote go, i nɔ go ɛva dɔn, ɛn in kindɔm na wan kindɔm we nɔ go fɔdɔm.

Jɛnɛsis 49:10

Juda, kiŋ wok nɔ go kɔmɔt biɛn yu, yu jɛnareshɔn dɛn go rul te rich to di wan we mek dɛn bi kiŋ. Ɔl di ɔda neshɔn dɛn go obe am.

Pita In Fɔs Lɛta 1:21

Krays dɔn mek una biliv pan Gɔd, we mek i rayz frɔm di grev ɛn ɔna am; na dat mek una trɔs Gɔd ɛn abop se i go du wetin i dɔn prɔmis se in go du.

Sɛkɛn Lɛta To Timoti 1:12

ɛn na di rizin dis we mek a de sɔfa ɔl dɛn tin ya. Bɔt a nɔ de dawt at ɔl, bikɔs a no di wan we a abop pan; a no fɔ tru se i ebul kip ɔl wetin i dɔn gi mi fɔ du sote di de we Krays go kam bak.

Mayka 5:4

Da pɔsin de go tan lɛk man we de mɛn ship, i go tinap ɛn fid di ship dɛn ɛn na PAPA GƆD go gi am pawa fɔ du dat. Na PAPA GƆD, we nain GƆD, in nem i go tek du am. In pipul dɛn nɔ go gɛt ɛni yagba ɛn ɔlman go no se na man da wande.

Jɛrimaya 16:19

E PAPA GƆD, we de gi mi trɛnk ɛn we de protɛkt mi, yu we de kɔba mi we a gɛt trɔbul, na to yu di neshɔn dɛn go kam we go kɔmɔt ɔlsay kan tɔk se: “Dɛn nɔ lɛf natin gi wi fɔstɛmpapa dɛm pas lay lay, wɔtlɛs tin dɛm we nɔ go min natin to dɛm.

Ayzaya 49:6

I se: “Na smɔl tin fɔ mek yu bi mi wokman fɔ gɛda Jekɔb in difrɛn fambul dɛn ɛn fɔ briŋ di wan dɛn pan Izrɛl we a kip, kam bak; A go mek yu lɛk layt to di neshɔn dɛm, lɛ mi salveshɔn go rich usay di wɔl tap.”

Di Sam Dɛm 72:17

Mek in nem nɔ day; mek i de lɛk di san we de de sote go. Ɔlman na wɔl go pre fɔ gɛt blɛsin lɛk am ɛn tɔk bɔt in yon blɛsin.

Daniɛl 2:44

Ɛn dɛn tɛm dɛn de we di kiŋ dɛn go de rul, PAPA GƆD na ɛvin go briŋ in yon kindɔm we nɔ go ɛva fɔdɔm, ɛn in pawa nɔ go go na ɔda pipul an; ɛn I go brok ɔl dɛn kindɔm we bin dɔn de bifo am pyɛt pyɛt, ɛn dɔn dɛn kpatakpata wan; in go tinap sote go;

Jɔn In Fɔs Lɛta 3:3

Ɛni bɔdi we abop pan Krays go klin bikɔs Krays klin, i nɔ go gɛt bɔt nain layf.

1 Kronikuls 2:12

Boaz na Obɛd in yon papa. Obɛd na Jɛsi yon papa.