Lɛta Fɔ Rom 15:1 - Krio Fɔs Oli Baybul

¹ Wi we biliv Gɔd gud gud fɔ ɛp dɛn wan we nɔ biliv bɛtɛ fɔ mek dɛn biliv mɔ ɛn mɔ se Gɔd go ɛp dɛn pan ɔl wetin de mɔna dɛn. Wi nɔ fɔ jɛs de du wetin wi want fɔ wisɛf.

Lɛta Fɔ Rom 15:1 Referans Kwoze

Fɔs Lɛta Fɔ Tɛsalonayka 5:14

Wi brɔda dɛn, wi de beg una fɔ tɛl dɛn pipul we nɔ want du natin se dat nɔ rayt, una fɔ kɔrej dɛn pipul we de fred, una fɔ ɛp dɛn pipul we nɔ ɔndastand Gɔd biznɛs gud, ɛn una fɔ bia wit ɔlman.

Lɛta Fɔ Rom 14:1

Una fɔ trit di pɔsin we nɔ biliv gud yet lɛkɛ una brɔda, una nɔ fɔ agyu wit am bɔt wetin i tink se rayt fɔ du.

1 Kɔrint 9:22

To dɛn wan we nɔ go fa yet pan Krays in we, a kin mek lɛkɛ se misɛf no go fa yet pan Krays in we, so dat bay aw a de du, dɛn go go fa pan Krays in we: bay aw ɔlman tan na so misɛf de chenj, so a de fɛn ɔl kayn we so dat sɔm pipul mɔs sev.

Jɔn In Fɔs Lɛta 2:14

Mi pikin dɛn, a de rayt una bikɔs una no di Papa. Mi papa dɛn, a de rayt una bikɔs una no di wan we bin dɔn de frɔm we di wɔl bigin. Yɔŋ man dɛn, a de rayt una bikɔs natin nɔ ebul una. Gɔd in wɔd de insay una at ɛn una dɔn win Setan.

Sɛkɛn Lɛta To Timoti 2:1

Yu, mi pikin, lɛ di gud we Gɔd de du fɔ wi, bikɔs wi gɛt wanwɔd wit Jizɔs Krays, mek yu tinap traŋa.

Lɛta Fɔ Rom 4:20

Natin nɔ mek i dawt wetin Gɔd bin dɔn prɔmis am, i nɔ tap fɔ biliv, bifo dat di biliv we i biliv bin mek i gɛt pawa ɛn mek i prez Gɔd mɔ ɛn mɔ.

Lɛta Fɔ Ɛfisɔs 6:10

Mek a tɛl una dis las wɔd bifo a dɔn wetin a de tɔk: Di wanwɔd we una gɛt wit Krays fɔ mek una abop pan di Masta in trɛnk ɛn di pawa we i gɛt.

2 Kɔrint 12:10

Fɔseka Krays, a satisfay wit di sik we de pan mi, dɛn kɔs we pipul kɔs mi, waala, di fɛt we pipul fɛt mi, ɛn traŋa layf, bikɔs di tɛm we a nɔ ebul fɔ ɛp misɛf, na da tɛm de a gɛt Gɔd in pawa.

1 Kɔrint 4:10

Fɔseka Krays wi na fulman, bɔt Krays dɔn mek una gɛt sɛns! Wi nɔ gɛt pawa, bɔt una gɛt pawa! Nɔbɔdi nɔ de luk wi, bɔt pipul rɛspɛkt una!

Lɛta Fɔ Rom 14:2

Sɔm pipul biliv se dɛn kin it ɔltin, bɔt ɔda pipul de we nɔ biliv yet se dɛn kin it ɔltin, dɛn biliv se dɛn nɔ fɔ it bif.

Lɛta Fɔ Filipay 2:4

Una nɔ fɔ jɛs de mɛmba unasɛf nɔmɔ, una fɔ de mɛmba ɔda pipul.