Lɛta Fɔ Rom 14:2 - Krio Fɔs Oli Baybul

² Sɔm pipul biliv se dɛn kin it ɔltin, bɔt ɔda pipul de we nɔ biliv yet se dɛn kin it ɔltin, dɛn biliv se dɛn nɔ fɔ it bif.

Lɛta Fɔ Rom 14:2 Referans Kwoze

Fɔs Lɛta To Timoti 4:4

Ɔltin we Gɔd mek gud, so pɔsin nɔ fɔ luk se sɔm tin dɛn nɔ gud fɔ it, if i dɔn tɛl Gɔd tɛnki.

Lɛta Fɔ Rom 14:14

Di wanwɔd we a gɛt wit Masta Jizɔs mek a no gud gud se natin nɔ de we bad fɔ it, na bay aw pɔsin luk am nɔmɔ; bɔt if pɔsin biliv se sɔntin bad fɔ am fɔ it, dɛn di tin bad fɔ di pɔsin fɔ it.

Prɔvabs 15:17

I bɛtɛ lɛ yu de na os wit lɔv ɛn nɔ gɛt bɛtɛ tin fɔ it, pas fɔ gɛt bɔku tin fɔ it dɔn pis nɔ de.

Di Ibru Pipul Dɛn 13:9

Una nɔ gri mek dɛn nyu tin we pipul de lan una, tɔn una at. Na di gud we Gɔd gud de mek una biliv am, fɔ tru, nɔto dɛn lɔ we tɔk bɔt tin fɔ it; dɛn nɔ min natin, ɛn dɛn nɔ de ɛp dɛn pipul we de fala dɛn.

Lɛta Fɔ Galeshya 2:12

Bifo di pipul dɛn we Jems bin sɛn, rich na Antiɔk, Pita bin dɔn de it wit di Kristiɛn dɛn we nɔto bin Ju, bɔt we di pipul dɛn we Jems sɛn rich, Pita lɛf fɔ it wit dɛn, bikɔs i bin de fred dɛn pipul we bin de pin se, dɛn fɔ sakɔmsayz ɔl dɛn man we na Kristiɛn we nɔto Ju.

Jɛnɛsis 9:3

A dɔn gi dɛn to una fɔ it jɛs lɛkɛ aw a bin dɔn gi di grin plant dɛn fɔ it.

Di Ibru Pipul Dɛn 9:10

Ɔl dɛn tin ya na lɔ we tɔk bɔt tin fɔ it ɛn drink ɛn aw fɔ was dɛn tin we go mek pipul klin na Gɔd yay. Ɔl dɛn lɔ ya jɛs de fɔ dis wɔl, ɛn dɛn pawa go jɛs de sote di tɛm rich we Gɔd go chenj ɔltin.

Taytɔs 1:15

Ɔltin klin to pipul we gɛt klin at; bɔt natin nɔ klin to pipul we nɔ gɛt klin at ɛn we nɔ biliv Gɔd, bikɔs na dɔti tin dɛn de mɛmba ɛn na dat de na dɛn at.

1 Kɔrint 10:25

Una fri fɔ it ɛni bif we dɛn de sɛl na makit ɛn una nɔ gɛt fɔ aks kwɛshɔn fɔ no usay di bif kɔmɔt fɔ mek una no if i rayt fɔ it am.

Daniɛl 1:12

“tɛst wi fɔ tɛn dez; jɛs de gi wi vɛjitebul fɔ it ɛn wata fɔ drink.

Daniɛl 1:16

So, di kiŋ in wokman kɛr ɔl di gud it ɛn di wayn we dɛn bin fɔ de drink, go, ɛn gi dɛn vɛjitebul.

Jɛnɛsis 1:29

Dɛn PAPA GƆD se, “Luk ya, a dɔn gi una ɔl dɛn plant we de pul sid na di wanol wɔl, ɛn dɛn tik we de bia frut fɔ mek una go it.

Lɛta Fɔ Rom 14:1

Una fɔ trit di pɔsin we nɔ biliv gud yet lɛkɛ una brɔda, una nɔ fɔ agyu wit am bɔt wetin i tink se rayt fɔ du.

Lɛta Fɔ Rom 14:20

Una nɔ mek di tin we Gɔd dɔn du pwɛl, fɔseka it. Una kin it ɔltin, bɔt una nɔ fɔ it ɛnitin we go mek ɔda pɔsin sin.

Lɛta Fɔ Rom 15:1

Wi we biliv Gɔd gud gud fɔ ɛp dɛn wan we nɔ biliv bɛtɛ fɔ mek dɛn biliv mɔ ɛn mɔ se Gɔd go ɛp dɛn pan ɔl wetin de mɔna dɛn. Wi nɔ fɔ jɛs de du wetin wi want fɔ wisɛf.

1 Kɔrint 8:9

Bɔt una fɔ tek tɛm so dat di fri we una fri fɔ it bif nɔ go mek una kɔmpin, we nɔ shɔ yet bɔt wetin rayt, sin.

1 Kɔrint 9:22

To dɛn wan we nɔ go fa yet pan Krays in we, a kin mek lɛkɛ se misɛf no go fa yet pan Krays in we, so dat bay aw a de du, dɛn go go fa pan Krays in we: bay aw ɔlman tan na so misɛf de chenj, so a de fɛn ɔl kayn we so dat sɔm pipul mɔs sev.