Lɛta Fɔ Rom 14:1 - Krio Fɔs Oli Baybul

¹ Una fɔ trit di pɔsin we nɔ biliv gud yet lɛkɛ una brɔda, una nɔ fɔ agyu wit am bɔt wetin i tink se rayt fɔ du.

Lɛta Fɔ Rom 14:1 Referans Kwoze

Lɛta Fɔ Rom 15:1

Wi we biliv Gɔd gud gud fɔ ɛp dɛn wan we nɔ biliv bɛtɛ fɔ mek dɛn biliv mɔ ɛn mɔ se Gɔd go ɛp dɛn pan ɔl wetin de mɔna dɛn. Wi nɔ fɔ jɛs de du wetin wi want fɔ wisɛf.

1 Kɔrint 9:22

To dɛn wan we nɔ go fa yet pan Krays in we, a kin mek lɛkɛ se misɛf no go fa yet pan Krays in we, so dat bay aw a de du, dɛn go go fa pan Krays in we: bay aw ɔlman tan na so misɛf de chenj, so a de fɛn ɔl kayn we so dat sɔm pipul mɔs sev.

Lɛta Fɔ Rom 15:7

So una fɔ ol una kɔmpin lɛkɛ aw Krays ol una, so dat pipul go prez Gɔd.

Lɛta Fɔ Rom 14:21

Di rayt tin we una fɔ du, nain dis: una nɔ fɔ it bif, ɔ drink wayn, ɔ du ɛni ɔda tin we go mek una kɔmpin Kristiɛn sin.

Jɔn In Sɛkɛn Lɛta 1:10

If ɛnibɔdi we nɔ biliv wetin Krays dɔn lan wi, kam to una fɔ lan una ɛnitin, una nɔ fɔ kip am na una os; una nɔ fɔ tɛl am adu sɛf.

Lɛta Fɔ Rom 4:19

Ebraam bin dɔn ol lɛkɛ wan ɔndrɛd ia so. Pan ɔl we i bin no se in bin dɔn tu ol fɔ bɔn pikin, ɛn in wɛf Sera nɔ bin ebul bɔn pikin, i bin stil biliv se wetin Gɔd bin dɔn prɔmis, go bi.

Lyuk 17:2

I bin go bɛtɛ fɔ da pɔsin de mek dɛn ɛŋ big ston nain nɛk ɛn trowe am na big wata pas fɔ mek i mek dɛn pipul we jɛs bigin fɔ biliv Gɔd du bad.

Matyu 14:31

Jizɔs tret in an ɛn ol Pita wantɛm. I aks Pita se, “Yu nɔ biliv mi? Wetin mek yu dawt?”

Matyu 12:20

I nɔ go du tin we go mɔna dɛn pipul we nɔ ebul ɛp dɛnsɛf, ɛn i nɔ go du bad to di wan dɛn we nɔ ebul du natin. I go de du ɔl dɛn tin ya sote pipul dɛn du wetin Gɔd in Lɔ se;

Ayzaya 42:3

gras we de na watasay we dɔn wik, sɛf i nɔ go brok, wik we de bɔn lo wan na lamp, sɛf i nɔ go ɔt; i go waka tret wit PAPA GƆD fɔ mek ɔlman trit in kɔmpin di sem.

Ayzaya 40:11

I go fid in ship dɛm lɛk shɛpad, i go gɛda di ship pikin dɛn nain an, I go bɔn dɛm nain buzɔm, ɛn i go tek tɛm lid di kombra dɛn.

Job 4:3

Na tru se yu dɔn de tɛl pipul wetin fɔ du, Yu na pɔsin we gɛt ajo.

Izikɛl 34:16

A go luk fɔ di wan dɛn we lɔs, ɛn a go briŋ kam bak di wan we stre, ɛn a go mɛn dɛn wan we kripul, ɛn a go mek di wik dɛn gɛt trɛnk, ɛn a go wach gud gud wan di wan dɛm we fat ɛn di wan dɛm we gɛt trɛnk; ɛn a go fid dɛn di rayt we.

Izikɛl 34:4

Una nɔ mek di wik wan dɛn gɛt trɛnk; una nɔ mɛn di wan dɛn we sik; una nɔ bandej di wan dɛn we kripul; di wan dɛn we bin stre una nɔ briŋ dɛn bak; di wan dɛn we lɔs una nɔ fɛn dɛm, ɛn una bin rul di ship dɛm rɔf wan ɛn bay fos.

Lɛta Fɔ Filipay 2:29

Una fɔ gladi fɔ am wɛn i go to una bikɔs na una Kristiɛn brɔda; una fɔ rɛspɛkt pipul lɛkɛ dɛn wande.

Jɔn 13:20

A de tɛl una se, ɛnibɔdi we gri fɔ mek pɔsin we a sɛn, kam nain layf, dɔn gri fɔ mek misɛf kam nain layf; ɛn ɛnibɔdi we gri fɔ mek a kam nain layf, dɔn gri fɔ mek di wan we sɛn mi, kam nain layf.”

Matyu 18:10

“Una fɔ mek shɔ se una nɔ luk se ɛni wan pan dɛn lili wan ya nɔ bɛtɛ. A de tɛl una se, dɛn lili wan ya, dɛn yon enjɛl dɛn we de na ɛvin de luk mi Papa in fes ɔltɛm! [

Zɛkaraya 11:16

I se in de mek pɔsin kam we go bi lida we nɔ bisin bɔt wetin di ship de du ɛn i nɔ go bɔda fɔ go fɛn di wan we lɔs.

Mak 7:19

bikɔs di tin we pɔsin de it nɔ de go nain at, nain bɛlɛ i de go, bifo i pul am kɔmɔt na di bɔdi.” (Wɛn Jizɔs tɔk dat, i sho se wi kin it ɛnitin we fɔ it.)

Apɔsul Dɛn Wok 28:2

Di pipul dɛn we wi mit de bin gud to wi, dɛn mek faya fɔ wi bikɔs ren bin de kam ɛn di ples bin kol.

Lɛta Fɔ Rom 11:15

Di tɛm we Gɔd nɔ bin gri tek dɛn fɔ bi in yon pipul igen, i bin mek dɛn ɔda pipul na di wɔl bi in padi dɛn. Wɛn Gɔd go tek dɛn fɔ bi in yon pipul dɛn, dɛn go jɛs tan lɛkɛ dayman we gɛt layf bak.

Lɛta Fɔ Rom 14:2

Sɔm pipul biliv se dɛn kin it ɔltin, bɔt ɔda pipul de we nɔ biliv yet se dɛn kin it ɔltin, dɛn biliv se dɛn nɔ fɔ it bif.

Lɛta Fɔ Rom 14:3

Dɛn pipul we de it ɛni kayn tin nɔ fɔ tink se dɛn bɛtɛ pas dɛn pipul we nɔ de it bif; ɛn dɛn pipul we nɔ de it bif nɔ fɔ kɔndɛm dɛn pipul we de it ɔltin, bikɔs Gɔd dɔn tek dɛn pipul we de it ɔltin lɛkɛ in yon.

Fɔs Lɛta Fɔ Tɛsalonayka 5:14

Wi brɔda dɛn, wi de beg una fɔ tɛl dɛn pipul we nɔ want du natin se dat nɔ rayt, una fɔ kɔrej dɛn pipul we de fred, una fɔ ɛp dɛn pipul we nɔ ɔndastand Gɔd biznɛs gud, ɛn una fɔ bia wit ɔlman.

Di Ibru Pipul Dɛn 5:14

Bɔt pɔsin we de it tin we fɔ cham, na big pɔsin; i dɔn no wetin gud ɛn wetin bad, bikɔs i dɔn lan aw fɔ no wetin gud ɛn bad bay dɛn tin we i de du we rayt na Gɔd in yay.