Lɛta Fɔ Rom 13:9 - Krio Fɔs Oli Baybul

⁹ Di lɔ dɛn we Gɔd gi Mozis se, “Man nɔ fɔ lɛf in wɛf go kip ɔda uman ɛn uman nɔ fɔ lɛf in man go kip ɔda man; nɔ fɔ kil; nɔ fɔ tif; ɛn nɔ fɔ gɛt tifyay” ɔl dɛn lɔ ya ɛn ɛni ɔda wan dɛn de insay wan lɔ we se, “Una fɔ lɛk una kɔmpin mɔtalman lɛkɛ aw una lɛk unasɛf.”

Lɛta Fɔ Rom 13:9 Referans Kwoze

Matyu 22:39

Di ɔda lɔ we impɔtant nain dis: ‘Yu fɔ lɛk yu kɔmpin mɔtalman lɛkɛ aw yu lɛk yusɛf.’

Lyuk 10:27

Di Ju Lɔ ticha ansa Jizɔs se, “Di Lɔ se, ‘Una fɔ lɛk di Masta we na una Gɔd wit ɔl una at, wit ɔl una layf, wit ɔl una pawa, ɛn wit ɔl una maynd’ ɛn ‘Una fɔ lɛk una neba lɛkɛ aw una lɛk unasɛf.’”

Mak 12:31

Di ɔda lɔ we impɔtant nain dis, ‘Una fɔ lɛk una kɔmpin mɔtalman lɛkɛ aw una lɛk unasɛf.’ Ɔda lɔ nɔ de we pas dɛn tu ya.”

Lɛvitikɔs 19:18

Pɔsin nɔ fɔ du bad to udat du am bad ɛn i nɔ fɔ kip in kɔmpin na at bɔt i fɔ lɛk in kɔmpin lɛk aw i lɛk insɛf: i se nain na PAPA GƆD.

Lɛta Fɔ Galeshya 5:13

Mi kɔmpin Kristiɛn dɛn, Krays dɔn kɔl una fɔ mek una fri. Una tek tɛm mek una nɔ bigin du wetin una at tɛl una fɔ du, bikɔs una dɔn fri naw. Bifo dat, una fɔ de ɛp una kɔmpin bikɔs una lɛk dɛn.

Lɛvitikɔs 19:34

Dɛn fɔ trit di trenja we tap wit dɛn lɛk wan pan dɛn; fɔ lɛk am lɛk aw dɛn lɛk dɛnsɛf bikɔs dɛnsɛf na bin trenja na Ijipt; I se nain na PAPA GƆD we na dɛn GƆD.

Lyuk 18:20

Yu sabi di Lɔ we se, ‘maredman nɔ fɔ lɛf in wɛf ɛn kip ɔda uman ɛn mare du man nɔ fɔ lɛf in man ɛn kip ɔda man, yu nɔ fɔ kil yu kɔmpin mɔtalman, yu nɔ fɔ tif, yu nɔ fɔ lay pan yu kɔmpin ɛn yu fɔ rɛspɛkt yu papa ɛn yu mama.’”

Mak 10:19

Yu no dɛn lɔ we se: ‘Yu nɔ fɔ kil yu kɔmpin mɔtalman; mared man nɔ fɔ lɛf in wɛf ɛn kip ɔda uman ɛn mared uman nɔ fɔ lɛf in man go kip ɔda man; yu nɔ fɔ tif; yu nɔ fɔ lay pan yu kɔmpin; yu nɔ fɔ rog; yu fɔ rɛspɛkt yu papa ɛn mama.’”