Lɛta Fɔ Rom 13:4 - Krio Fɔs Oli Baybul

⁴ Dɛn pipul we de rul, na Gɔd in wokman dɛn we de wok fɔ ɛp una. Bɔt if una du bad, una fɔ fred dɛn, bikɔs dɛn gɛt di pawa fɔ pɔnish una ɛn dɛn go pɔnish una. Dɛn tinap fɔ Gɔd we dɛn de jɔj ɛn pɔnish dɛn pipul we de du bad.

Lɛta Fɔ Rom 13:4 Referans Kwoze

Lɛta Fɔ Rom 12:19

Mi padi dɛn, una nɔ fɔ tɔn bad gi ɛnibɔdi we du una bad, bɔt una fɔ lɛ Gɔd kɔndɛm di pɔsin. Dɛn rayt na Gɔd in Buk se, “Di Masta se, a go mek dɛn pipul we de du ɔda pipul bad, sɔfa fɔ di bad we dɛn de du.”

Prɔvabs 20:2

Wɛn kiŋ dɔn vɛks bad bad wan, i tan lɛkɛ we wayl animal de rej, udat go ambɔgin am go lɔs in layf.

Prɔvabs 16:14

If Kiŋ vɛks i kin mek dɛn kil, bɔt if sɛnsman de nia am i kin kol in tɛmpa.

2 Kronikuls 19:6

Nain i tɛl dɛn se, “Una fɔ tink gud fɔs bifo una du ɛnitin, bikɔs nɔto fɔ mɔtalman una de jɔj, bɔt na fɔ PAPA GƆD. I de wit una we una de gi jɔjmɛnt.

Fɔs Lɛta Fɔ Tɛsalonayka 4:6

Wɛn i kam pan dis kayn tin, dat na, aw man fɔ biev to uman, i nɔ fɔ du in kɔmpin Kristiɛn bad. Wi bin dɔn wɔn una traŋa wan se Gɔd go pɔnish ɛnibɔdi we de du ɔl dɛn kayn tin ya.

Lɛta Fɔ Rom 13:6

Semwe so, una fɔ de pe taks bikɔs dɛn wan we de rul, na Gɔd in wokman dɛn. Dɛn de du Gɔd in wok we dɛn de du di wok we dɛn fɔ du.

Mayka 3:9

I se ɔl di big wan dɛn na Jekɔb in jɛnareshɔn ɛn di bigman dɛn na Izrɛl fɔ lɛf fɔ de twis di lɔ ɛn gi rayt to udat rɔŋ.

Izikɛl 25:14

Ɛn a go rivɛnj pan Idɔm tru mi pipul we na Izrɛl; ɛn dɛn go dil wit dɛm bay aw a vɛks ɛn aw mi at wam. Na so Papa Gɔd we na Gɔd se.

Izikɛl 22:27

Dɛn bigman dɛn we de de, tan lɛk wulf we de chɛr di tin we i kech fɔ it, dɛn de kil pipul ɛn nyakanyaka pipul dɛn layf fɔseka jɛntri we nɔ klin na Gɔd yay;

Jɛrimaya 5:28

dɛn dɔn fat ɛn de shayn. Dɛn nɔ de fred fɔ du ɛnikayn wikɛd tin to nɔbɔdi; dɛn de gi bɛn bɛn jɔjmɛnt to dɛn wan dɛn we dɛn papa dɔn day, fɔ du mɔ wikɛdnɛs, ɛn dɛn nɔ de fɛt fɔ dɛn wan dɛm we nɔ gɛt.

Ayzaya 1:17

una lan fɔ du gud; trit ɔlman di sem, nɔ gri lɛ dɛn trit pipul dɛn du bad; tinap fɔ di wan dɛn we dɛn papa dɔn day, tɔk fɔ uman we in man dɔn day.

Prɔvabs 20:26

Kiŋ we gɛt sɛns de tek tɛm shifta bad pipul nain kindɔm, ɛn pɔnish dɛn gud fashin.

Prɔvabs 20:8

Wɛn kiŋ sidɔm nain chia fɔ jɔj, nain yay i de tek shifta ɔl dɛn lay.

1 Kiŋ 10:9

I prez PAPA GƆD se, “Lɛ wi Prez PAPA GƆD, we na yu PAPA GƆD we sho yu se i lɛk yu ɛn dɔn mek yu kiŋ fɔ Izrɛl. Bikɔs PAPA GƆD in lɔv nɔ de dɔn fɔ Izrɛl, na dat mek i mek yu bi kiŋ fɔ lɛ jɔstis, fia ple ɛn tret biznɛs go de.”

Jɔshwa 20:9

Ɛni Izrɛlayt ɔ fɔrina we mistek kil pɔsin kin go ayd na wan pan dɛn siti dɛn ya. I go de de te dɛn kɛr am go kɔt fɔ no aw dat apin ɛn di pɔsin we wan rivɛnj fɔ in pɔsin we i mistek kil, nɔ sɔpoz fɔ kil am, pas te dɛn fɛnɔt se i gilti.

Jɔshwa 20:5

I se ivin if di pɔsin we i mistek kil, in yon pipul dɛn rɔnata an go de fɔ go kil am bak, dɛn nɔ fɔ gri bikɔs nɔto bay wilful i kil in kɔmpin ɛn dɛn tu nɔ bin gɛt plaba.

Pita In Fɔs Lɛta 2:14

ɛn dɛn gɔvna we i pik fɔ de pɔnish dɛn pipul we de du bad ɛn fɔ prez dɛn wan we de du gud.