Lɛta Fɔ Rom 12:9 - Krio Fɔs Oli Baybul

⁹ If una se una lɛk pipul una fɔ lɛk dɛn wit ɔl una at. Una nɔ fɔ lɛk ɛnitin we bad, una fɔ lɛk ɛnitin we gud ɛn kip am na una at.

Lɛta Fɔ Rom 12:9 Referans Kwoze

Di Sam Dɛm 34:14

I fɔ lɛf fɔ du bad ɔltogɛda ɛn bigin du gud; Du ɔl wetin yu ebul fɔ mek ɔlman gɛt kolat

Pita In Fɔs Lɛta 4:8

Bɔt di tin we pas ɔl, na fɔ mek una lɛk una kɔmpin wit ɔl una at, bikɔs dɛn pipul we lɛk dɛnsɛf kin rɛdi ɔltɛm fɔ padin dɛn kɔmpin wɛn dɛn kɔmpin du dɛn bad.

Fɔs Lɛta To Timoti 1:5

Gɔd sɛn wi fɔ ɛp pipul mek dɛn gɛt da lɛk we kɔmɔt insay klin at, ɛn we pɔsin we de tray fɔ du ɔl wetin rayt, gɛt, ɛn we pɔsin we biliv Gɔd fɔ tru, gɛt.

Pita In Fɔs Lɛta 1:22

Naw we una de fala dɛn tru tin we dɛn lan una bɔt Jizɔs Krays, we mek una dɔn lɛf fɔ du bad, ɛn mek una layf dɔn klin, ɛn mek una lɛk una kɔmpin Kristiɛn dɛn fɔ tru, una fɔ lɛk dɛn naw wit ɔl una at.

Fɔs Lɛta Fɔ Tɛsalonayka 5:21

Una fɔ tray ɔl di mɛsej dɛn fɔ no uswan na Gɔd yon. Una fɔ tek di wan we gud.

Di Sam Dɛm 101:3

bikɔs a nɔ go du ɛnitin bad, we go mek a fil gilti. A et pipul we de tɔn dɛn bak pan PAPA GƆD; a nɔ ebul fɔ tɔlaret dɛn.

Di Sam Dɛm 97:10

Lɛ ɔl udat se i lɛk PAPA GƆD, et bad i de sev udat lɛk am ɛn pul am nain ɛnimi dɛn an.

Emɔs 5:15

Una lɛf fɔ du bad, una du gud; una mek fia ple na kot, sɔntɛm da tɛm de PAPA GƆD, PAPA GƆD Ɔlmayti go sɔri fɔ di wan dɛn we lɛf pan di Izrɛlayt dɛn.

Di Ibru Pipul Dɛn 12:14

Una tray mek una nɔ mek plaba wit ɛnibɔdi, ɛn una tray fɔ liv klin layf ɔltɛm, bikɔs nɔbɔdi nɔ go si Gɔd na ɛvin pas in layf klin.

2 Kɔrint 8:8

A nɔ de gi una lɔ. Bɔt we a de tɛl una aw ɔda pipul want ɛp fɔ du dis wok bad bad, a de tray fɔ si if di lɛk we una lɛk fɔ gi, kɔmɔt na una at.

Fɔs Lɛta Fɔ Tɛsalonayka 5:15

Una nɔ fɔ gri mek ɛnibɔdi tɔn bad gi pɔsin we bin dɔn du am bad, bɔt una fɔ de tray ɔltɛm fɔ du gud to una kɔmpin Kristiɛn dɛn ɛn to ɔlman.

2 Kɔrint 6:6

Wi nɔ de du ɛnitin we go mek wi shem, wi no Gɔd, wi ebul bia wit wi kɔmpin ɛn wi gɛt gud at fɔ wi kɔmpin; ɔl dɛn tin ya sho se na Gɔd wi de wok fɔ; we wi gɛt Gɔd in Spirit ɛn we wi ebul lɛk fɔ tru,

Di Ibru Pipul Dɛn 1:9

Yu lɛk wetin rayt, yu nɔ lɛk wetin nɔ rayt. Na dat mek Gɔd we na yu Gɔd pik yu fɔ mek yu gɛt ɔna ɛn jɔy pas ɔl yu kɔmpin dɛn.”

Di Sam Dɛm 119:104

Na yu lɔ dɛn dɔn mek a gɛt sɛns, naw, a et ɛnitin we bad.

Izikɛl 33:31

Ɛn dɛn kam to yu lɛk aw pipul dɛn kin kam, ɛn dɛn sidɔm bifo yu lɛk mi yon pipul, ɛn dɛn yɛri wetin yu se bɔt dɛn nɔ go du am; fɔ dɛn de sho bɔku lɔv wit dɛn mɔt bɔt dɛn at fasin pan dɛn prɔfit.

Prɔvabs 8:13

Fɔ fred PAPA GƆD na fɔ et fɔ du bad. A et yu de kak ɛn tink tumɔs ɔf insɛf ɛn lɛk fɔ du bad dɔn i gɛt tu siti.

Di Sam Dɛm 119:163

A nɔ ebul tɔlaret fɔls layf bɔt a so lɛk yu lɔ dɛn.

Prɔvabs 26:25

Wɛn i opin in mɔt, nɔ biliv am o, bikɔs na ɔlkayn bad tin kin de nain at.

Di Sam Dɛm 55:21

I gɛt swit mɔt bad, bɔt i gɛt bad at bak; I go de sɛl yu so, i de tɔk fayn to yu.

Di Sam Dɛm 36:4

We i de slip sɛf, na bad i de mɛmba; if yu kɔl am ɛnitɛm fɔ du bad, i rɛdi i nɔ de se “nɔ” wɛn tɛm rich fɔ du bad.

Fɔs Lɛta Fɔ Tɛsalonayka 2:3

Di Gud Nyuz we wi tɛl una nɔto bay mistek, ɛn nɔto bad wi mɛmba wɛn wi tɛl una, wi nɔ bin jɛs want mek una ful nɔmɔ.

Apɔsul Dɛn Wok 11:23

Wɛn Banabas rich Antiɔk ɛn si aw Gɔd de blɛs di pipul dɛn, insɛf gladi. I tɛl dɛn mek dɛn fala di Masta wit ɔl dɛn at.

Jɔn 12:6

Judas nɔ tɔk dat bikɔs i bin want ɛp di pipul dɛn we nɔ gɛt natin, i tɔk dat bikɔs na bin tifman. Nain bin de kip di kɔpɔ fɔ Jizɔs ɛn in lanin bɔy dɛn, ɛn i kin de tek pan di kɔpɔ.

Di Sam Dɛm 45:7

Yu lɛk udat de du rayt ɛn et udat de du bad; na dat mek PAPA GƆD insɛf dɔn pik yu ɛn mek yu de ɔp pas ɔl yu ɔda kɔmpin kiŋ dɛn i dɔn mek yu gladi pasmak.

Matyu 26:49

Wɛn dɛn rich, Judas go tret to Jizɔs ɛn se, “Masta, gud ivin,” dɔn i kis am.

Jems 3:17

Di sɛns we Gɔd de gi, na pɔsin wit klin at i de gi, na di fɔs tin dat. Pɔsin we gɛt da kayn sɛns de nɔ de mek plaba, i nɔ de ambɔg, i de du tin saful saful, ɛn i lɛk fɔ ɛp pipul; i gɛt sɔri at ɛn i de du plɛnti plɛnti gud; ɔl in at de fɔ Gɔd, i nɔ ipokrit.