Lɛta Fɔ Rom 12:8 - Krio Fɔs Oli Baybul

⁸ If i mek wi sabi fɔ kɔrej pipul, wi fɔ kɔrej pipul. If Gɔd gi ɛnibɔdi gudat fɔ sheb wetin i gɛt wit ɔda pipul, di pɔsin fɔ de du dat wit ɔl in at; ɛnibɔdi we Gɔd gi pawa fɔ rul, fɔ rul lɛkɛ soba pɔsin; ɛnibɔdi we Gɔd gi ajo, fɔ gladi fɔ sho am.

Lɛta Fɔ Rom 12:8 Referans Kwoze

2 Kɔrint 9:7

So ɔlman fɔ gi wetin i mekɔp fɔ gi, i nɔ fɔ sɔri ɛn i nɔ fɔ jɛs gi nɔmɔ bikɔs dɛn fos am fɔ gi; Gɔd lɛk pɔsin we gladi fɔ gi wetin i de gi.

Fɔs Lɛta To Timoti 5:17

Dɛn bigman we de du dɛn chɔch lida wok gud, pati kla di wan dɛn we de wok traŋa wan fɔ tɛl pipul bɔt Gɔd ɛn tich, fɔ gɛt gud pe ɛn rɛspɛkt.

1 Kɔrint 12:28

Na so i bi na di chɔch: fɔs, Gɔd put dɛn apɔsul; sɛkɛn, dɛn prɔfɛt; tɔd, dɛn ticha; dɛn i put dɛn wan we de du wɔndaful wok bay in pawa; afta dɛn i put dɛn wan we i gi pawa fɔ mɛn sik pipul; dɛn i put dɛn wan we i gi pawa fɔ ɛp ɔda pipul; dɛn wan we i gi pawa fɔ tɛl pipul wetin dɛn fɔ du; ɛn dɛn wan we i gi pawa fɔ tɔk dɛn laŋwej we dɛnsɛf nɔ ɔndastand.

Di Ibru Pipul Dɛn 13:17

Una du wetin una lida dɛn tɛl una fɔ du ɛn put unasɛf ɔnda dɛn. Dɛn yay de pan una ɔltɛm ɛn dɛn gɛt fɔ tinap bifo Gɔd fɔ tɛl am bɔt dis wok we dɛn de du fɔ una. If una du wetin dɛn tɛl una fɔ du, dɛnsɛf go gladi fɔ du dɛn wok. Bɔt if una nɔ du am, dɛn nɔ go gladi fɔ du di wok, ɛn dat nɔ go ɛp una.

Apɔsul Dɛn Wok 15:32

Judas ɛn Saylas dɛnsɛf na bin prɔfɛt; dɛn tek plɛnti tɛm fɔ tɔk to di pipul dɛn ɛn dɛn kɔrej dɛn fɔ biliv mɔ.

Apɔsul Dɛn Wok 13:15

Wɛn di pipul dɛn dɔn rid di Lɔ we Gɔd bin gi Mozis ɛn wetin dɛn prɔfɛt bin rayt, di bigman dɛn na di Ju mitin os sɛn pɔsin fɔ go tɛl Pɔl ɛn Banabas dis mɛsej ya: “Wi brɔda dɛn, wi want mek una tɔk to di pipul dɛn if una gɛt ɛni wɔd fɔ kɔrej dɛn.”

Di Ibru Pipul Dɛn 13:24

Una tɛl ɔl una bigman dɛn na di chɔch ɛn ɔl Gɔd in pipul dɛn de, adu fɔ mi. Wi Kristiɛn brɔda dɛn we kɔmɔt Itali, dɛnsɛf de tɛl una adu.

Di Ibru Pipul Dɛn 13:22

Mi brɔda dɛn, a de beg una, mek una put una at dɔŋ fɔ lisin to wetin a de tɛl una fɔ du; na dat mek dis lɛta we a rayt una nɔ lɔŋ.

Di Ibru Pipul Dɛn 13:7

Una fɔ mɛmba dɛn fɔstɛm pipul we na bin una lida we tɛl una Gɔd in mɛsej. Una fɔ tink bɔt wetin bi na dɛn layf, ɛn unasɛf fɔ biliv Gɔd lɛkɛ aw dɛn bin biliv am.

Di Ibru Pipul Dɛn 10:25

Una lɛ wi nɔ tap fɔ de mit, lɛ wi nɔ fala dɛn pipul we nɔ de gri fɔ go mitin. Bɔt una lɛ wi de kɔrej wi kɔmpin dɛn, mɔ igen we wi no se di De we wi Masta go kam bak de kam jisnɔ.

2 Kɔrint 8:12

If una gɛt tin we una want gi bad bad, Gɔd go gri fɔ wetin una gi bay wetin una gɛt, nɔto bay wetin una nɔ gɛt.

1 Kɔrint 14:3

Bɔt di pɔsin we de tɔk wɔd we Gɔd tɛl am fɔ tɔk, de tɔk to in kɔmpin mɔtalman ɛn i de ɛp dɛn, i de kɔrej dɛn, i de mek dɛn at nɔ pwɛl.

Apɔsul Dɛn Wok 20:28

Una tek tɛm aw una liv ɛn una kia fɔ Gɔd In pipul dɛn na di chɔch lɛkɛ aw pipul we de mɛn ship kin kia fɔ dɛn ship, bikɔs Gɔd in Pikin day fɔ mek dɛn bi Gɔd yon pipul.

Apɔsul Dɛn Wok 20:2

I go ɔlsay na Masidonia de tɔk plɛnti fɔ kɔrej di Kristiɛn dɛn, dɔn i go Gris.

Fɔs Lɛta To Timoti 4:13

Te a kam, yu fɔ de tray ɔltɛm fɔ rid dɛn tin we rayt na Gɔd in Buk bifo ɔlman, fɔ tɔk to pipul bɔt dɛn tin ya ɛn fɔ lan dɛn dɛn tru tin we dɛn fɔ no bɔt Gɔd.

Fɔs Lɛta Fɔ Tɛsalonayka 2:8

Bikɔs wi lɛk una bad, wi bin rɛdi fɔ tɛl una di Gud Nyuz we Gɔd tɛl wi fɔ tɛl una ɛn fɔ day sɛf fɔ una. Wi bin lɛk una bad bad!

Fɔs Lɛta Fɔ Tɛsalonayka 2:3

Di Gud Nyuz we wi tɛl una nɔto bay mistek, ɛn nɔto bad wi mɛmba wɛn wi tɛl una, wi nɔ bin jɛs want mek una ful nɔmɔ.

Lɛta Fɔ Kɔlɔse 3:22

Una we de wok fɔ ɔda pipul, una fɔ de du ɔl wetin di pipul dɛn we una de wok fɔ tɛl una fɔ du, una nɔ fɔ wok nɔmɔ wɛn una masta de, bikɔs una want mek i prez una, bɔt una fɔ wok wit ɔl una at bikɔs una rɛspɛkt Jizɔs Krays we na wi Masta.

Lɛta Fɔ Ɛfisɔs 6:5

Una we de wok, una fɔ de du wetin una masta tɛl una fɔ du, ɛn una fɔ rɛspɛkt dɛn. Una fɔ du di wok wit ɔl una at lɛkɛ se na Krays una de du am fɔ.

2 Kɔrint 11:3

A de fred mek sɔm ɔda tin dɛn nɔ go na una ed we go mek una nɔ de fɔ Krays in wangren, jɛs lɛkɛ aw di snek bin tek kɔni sɛns mek Iv ful.

2 Kɔrint 9:13

Dis wok we una de du, de sho se una biliv Gɔd fɔ tru. Dat go mek di pipul dɛn we wi de gi dɛn tin ya, prez Gɔd, bikɔs una de fala di Gud Nyuz we una de tɛl pipul bɔt, ɛn bikɔs una de gi dɛn ɛn ɔda pipul dɛn plɛnti tin.

2 Kɔrint 9:11

So aw Gɔd go de gi una mɔ ɛn mɔ, na so unasɛf go ebul gi mɔ ɛn mɔ, ɛn di pipul dɛn go tɛl Gɔd tɛnki fɔ di tin dɛn we una gi wi fɔ gi dɛn.

2 Kɔrint 1:12

Wetin mek wi fil prawd, na we wi no insay wi at fɔ tru se nɔto bay mɔtalman sɛns wi liv na dis wɔl, ɛn nɔto bay mɔtalman sɛns wi de du ɔl dɛn tin we wi de du fɔ una, bɔt na bikɔs Gɔd gud, mek wi rɛspɛkt una ɛn wi de waka tret wit una.

Lɛta Fɔ Rom 13:6

Semwe so, una fɔ de pe taks bikɔs dɛn wan we de rul, na Gɔd in wokman dɛn. Dɛn de du Gɔd in wok we dɛn de du di wok we dɛn fɔ du.

Lɛta Fɔ Rom 12:13

Una fɔ tek pan una yon tin dɛn gi una kɔmpin Kristiɛn dɛn tin we dɛn nɔ gɛt we dɛn fɔ gɛt, ɛn una fɔ du gud to dɛn Kristiɛn trenja dɛn we kam na una os.

Matyu 25:40

Di Kiŋ go se, ‘Ɛnitɛm we una bin du dɛn tin ya fɔ ɛni wan pan dɛn pipul ya we pipul nɔ tek mek natin, we tan lɛkɛ brɔda to mi, na fɔ mi una bin du dɛn.’

Ayzaya 64:5

Yu de tɛl di wan dɛn we de waka tret na yu yay, kɔba, dɛm wan dɛm we de mɛmba yu bay we dɛn de du wetin yu se dɛn fɔ de du. Wan tɛm, yu bin vɛks, ɛn wi bin kɔmit sin; wi dɔn de insay wi sin fɔ lɔng, ɛn ɛnibɔdi go sev wi?

Ayzaya 32:8

Bɔt di man we nobul kin plan gud tin dɛn ɛn na fɔ wetin rayt i kin tinap.

Ayzaya 32:5

Dɛn nɔ go kɔl pɔsin we na fulman, aristo pɔsin, igen, ɛn dɛn nɔ go kɔl man we nɔ tret, ɔnarebul.

Ɛkliziastis 11:6

Na mɔnin, yu de plant yu sid, ivintɛm, yu stil de fɛn tin fɔ du; bikɔs yu nɔ no uswan go bɛnifit yu, di mɔnin yon ɔ di ivintɛm yon, ɔ sɔntɛnde, dɛn ɔltu.

Ɛkliziastis 9:10

Mek shɔ se we yu de du ɛnitin, yu du am gud wit ɔl yu at; bikɔs we yu day, yu nɔ go gɛt fɔ wok yanda. Yu nɔ gɛt fɔ tink ɔ sabi ɛnitin, ɛn sɛns biznɛs nɔ de usay yu de go.

Prɔvabs 22:9

Udat gɛt frian ɛn de fid poman de gɛt blɛsin.

Di Sam Dɛm 112:9

I bin dɔn sheb sheb ɔl wetin i gɛt, gi poman. Da gud at de go de wit am te go; dɔn PAPA GƆD go gi am mɔ pawa ɛn fem.

Di Sam Dɛm 37:21

Pan ɔl we dɛn de mek so, dɛn nɔba ebul pe dɛt bikɔs ɔf dɛn badlɔk, bɔt di wan dɛn we de du wetin PAPA GƆD want, i de blɛs dɛn ɛn so dɛn frian;

Ditarɔnɔmi 16:11

ɛn dɛn fɔ sɛlibret na di ples we PAPA GƆD we na dɛn PAPA GƆD go pik fɔ de wɔship am ɛn mek sakrifays to am; ɔlman we de na dɛn siti dɛn fɔ ɛnjɔy. Dɛm ɛn dɛn bɔy ɛn gyal pikin dɛn, wokman ɛn wokuman, di Livayt dɛn we de na dɛn siti, di trenja dɛn, pikin dɛn we dɛn mami ɛn dadi dɛn dɔn day, ɛn uman dɛn we dɛn man dɛn dɔn day, sɛf fɔ ɛnjɔy.

Ditarɔnɔmi 15:14

Dɛm fɔ gi am pan dɛn ship dɛn, di tin dɛn we dɛn avɛst na dɛn fam ɛn pan dɛn wayn sɛf. Dɛn fɔ mek shɔ se wetin dɛn gi am, ful yay; di we we PAPA GƆD we na dɛn PAPA GƆD blɛs dɛn, na so dɛnsɛf fɔ frian to am.

Jɛnɛsis 18:19

A dɔn pik am fɔ tɛl in jɛnareshɔn dɛn fɔ obe mi ɛn du wetin rayt ɛn tret wit mi. Dat go mek misɛf du ɔl wetin a bin prɔmis am.”

Apɔsul Dɛn Wok 13:12

Di gɔvna biliv pan Jizɔs gud wan wɛn i si wetin bi. Ɔl di tin we dɛn lan am bɔt di Masta mek i wɔnda.

Apɔsul Dɛn Wok 4:36

Na so Josɛf, da Livayt we kɔmɔt Sayprɔs, bin du. Di apɔsul dɛn bin de kɔl am Banabas, dat min “Pɔsin we de kɔrej ɔda pipul”.

Apɔsul Dɛn Wok 11:23

Wɛn Banabas rich Antiɔk ɛn si aw Gɔd de blɛs di pipul dɛn, insɛf gladi. I tɛl dɛn mek dɛn fala di Masta wit ɔl dɛn at.

Fɔs Lɛta To Timoti 6:18

Dɛn yon jɛntri fɔ bi di plɛnti plɛnti gud wok we dɛn de du, dɛn fɔ fri an ɛn dɛn fɔ lɛk fɔ sheb wetin dɛn gɛt.