Lɛta Fɔ Rom 12:7 - Krio Fɔs Oli Baybul

⁷ If Gɔd mek wi want fɔ ɛp di Kristiɛn dɛn ɔltɛm ɛn mek wi sabi wetin fɔ du, wi fɔ ɛp dɛn. If i mek wi sabi fɔ lan pipul, wi fɔ lan pipul.

Lɛta Fɔ Rom 12:7 Referans Kwoze

Lɛta Fɔ Ɛfisɔs 4:11

Nain bin mek wi sabi fɔ du difrɛn difrɛn wok. Sɔm pan di wok dɛn we i gi wi fɔ du na dɛn dɛn wan ya: I mek sɔm pan wi bi apɔsul; sɔm bi prɔfɛt; sɔm bi ivanjɛlist, dat na dɛn pipul we de tɛl ɔda pipul di Gud Nyuz bɔt Jizɔs Krays; sɔm bi pastɔ; ɛn sɔm bi ticha.

Sɛkɛn Lɛta To Timoti 4:2

fɔ de tɛl pipul di mɛsej we Gɔd gi yu ɔltɛm, wɛn dɛn de lisin ɔ wɛn dɛn nɔ want lisin; yu fɔ sho pipul wetin rayt fɔ du; yu fɔ tɛl dɛn wan we no se wetin dɛn de du nɔ rayt, fɔ tap; yu fɔ tɔk to dɛn mek dɛn waka tret; ɛn bia wit dɛn ɔltɛm wɛn yu de lan dɛn dɛn tin ya.

Fɔs Lɛta To Timoti 5:17

Dɛn bigman we de du dɛn chɔch lida wok gud, pati kla di wan dɛn we de wok traŋa wan fɔ tɛl pipul bɔt Gɔd ɛn tich, fɔ gɛt gud pe ɛn rɛspɛkt.

Apɔsul Dɛn Wok 13:1

Di chɔch na Antiɔk bin gɛt sɔm prɔfɛt dɛn ɛn sɔm ticha dɛn. Dɛn na bin Banabas, Simiɔn we dɛn bin de kɔl Blak Pɔsin, Lushyɔs we bin kɔmɔt Sayrini, Manɛn we nain ɛn di gɔvna Ɛrɔd gro, ɛn Sɔl.

Sɛkɛn Lɛta To Timoti 2:24

Di pɔsin we de du Gɔd wok nɔ fɔ mek plaba, i fɔ gud to ɔlman; i fɔ bi gud ticha we de bia,

Sɛkɛn Lɛta To Timoti 2:2

Dɛn wɔd we yu kin yɛri a de tɛl plɛnti pipul, yusɛf fɔ tɛl dɛn pipul we yu kin abop pan, we go kip dɛn na dɛn at, so dat dɛnsɛf go ebul lan ɔda pipul dɛn sem tin ya.

Fɔs Lɛta To Timoti 4:16

Yu fɔ bikyaful wetin yu de du ɛn wetin yu de lan pipul. Nɔ fɔ lɛf fɔ du dɛn tin ya; if yu de du dɛn ɔltɛm yu go sev yusɛf ɛn ɔl dɛn wan we de lisin to yu.

Fɔs Lɛta To Timoti 3:2

Ovasia nɔ fɔ gɛt bɔt nain layf; na wan wɛf nɔmɔ i fɔ gɛt, i fɔ bi siriɔs pɔsin, i fɔ ebul kɔntrol insɛf, i fɔ de biev lɛkɛ pɔsin wit sɛns; i fɔ opin in os to trenja; i fɔ ebul tich pipul;

Fɔs Lɛta To Timoti 2:7

Na dat mek Gɔd pik mi fɔ bi in apɔsul, ɛn fɔ lan dɛn wan we nɔto Ju aw fɔ biliv pan Krays ɛn fɔ mek dɛn no wetin tru. Na tru a de tɔk, a nɔ de lay.

Lɛta Fɔ Kɔlɔse 4:17

Una tɛl Akipɔs se i fɔ si dat i du ɔl di wok we di Masta dɔn gi am fɔ du.

Lɛta Fɔ Galeshya 6:6

Di pɔsin we dɛn de lan Gɔd in wɔd, fɔ gi di pɔsin we de lan am sɔntin we go ɛp am.

1 Kɔrint 12:28

Na so i bi na di chɔch: fɔs, Gɔd put dɛn apɔsul; sɛkɛn, dɛn prɔfɛt; tɔd, dɛn ticha; dɛn i put dɛn wan we de du wɔndaful wok bay in pawa; afta dɛn i put dɛn wan we i gi pawa fɔ mɛn sik pipul; dɛn i put dɛn wan we i gi pawa fɔ ɛp ɔda pipul; dɛn wan we i gi pawa fɔ tɛl pipul wetin dɛn fɔ du; ɛn dɛn wan we i gi pawa fɔ tɔk dɛn laŋwej we dɛnsɛf nɔ ɔndastand.

Apɔsul Dɛn Wok 20:28

Una tek tɛm aw una liv ɛn una kia fɔ Gɔd In pipul dɛn na di chɔch lɛkɛ aw pipul we de mɛn ship kin kia fɔ dɛn ship, bikɔs Gɔd in Pikin day fɔ mek dɛn bi Gɔd yon pipul.

Apɔsul Dɛn Wok 20:20

Una no se a dɔn tɛl una ɔltin we fɔ ɛp una. A bin de lan una na di ples we ɔlman kin gɛda, ɛn a bin de lan una na una yon os.

Apɔsul Dɛn Wok 6:1

Da tɛm de, as mɔ ɛn mɔ pipul de biliv pan Jizɔs Krays, sɔm cham-mɔt bin kam. Dɛn Ju pipul we kɔmɔt Gris bin de grɔmbul se dɛn Ju pipul we bɔn na Jerusɛlɛm nɔ de gi dɛn Ju uman we kɔmɔt Gris we dɛn man dɔn day, wetin dɛn fɔ gi dɛn ɛvri de.

Jɔn 3:2

Wan nɛt, Nikodimɔs go fɛn Jizɔs. I se, “Ticha, wi no se yu na ticha we Gɔd sɛn. Nɔbɔdi nɔ go ebul du dɛn wɔndaful wok we yu de du, pas Gɔd de wit di pɔsin.”

Matyu 28:19

Una go ɔlɔbɔt na di wɔl ɛn mek di pipul dɛn bi mi lanin bɔy dɛn; una baptayz dɛn wit di pawa we Papa Gɔd ɛn in Pikin ɛn in Spirit gi una.

Ayzaya 21:8

Nain di wan we si ala se, “Na pan wachman tawa a de tinap o, PAPA GƆD, ol de, ɛvri de, ɛn a de na mi post ol nɛt, ɛvride.

Ɛkliziastis 12:9

Apat frɔm we di pricha gɛt sɛns, i bin de tich pipul dɛn, ɛn de luk tin dɛn minin, ɛn de stɔdi ɛn de rayt plɛnti prɔvab dɛn.

Di Sam Dɛm 51:13

Da tɛm de, a go ebul fɔ tich ɔda sina dɛn ɛn dɛnsɛf go kam bak to yu.

Di Sam Dɛm 34:11

Mi pikin dɛn, una kam yɛri wetin a de tɛl una; a go tich una aw fɔ fred PAPA GƆD.

1 Samiɛl 12:23

As fɔ mi, mek PAPA GƆD nɔ gri mek a lɛf fɔ pre fɔ una. A go tɛl una wetin gud ɛn rayt.

Ditarɔnɔmi 33:10

Dɛn tich yu pipul dɛn fɔ obe yu lɔ dɛn; Dɛn mek sakrifays na yu ɔlta.

1 Kɔrint 12:5

Plɛnti difrɛn we de fɔ sav Gɔd, bɔt na di sem Masta wi de sav.

1 Kɔrint 14:26

Mi Kristiɛn brɔda dɛn, na di tin dis we a min: wɛn una gɛda fɔ pre, wan man go gɛt siŋ fɔ siŋ; ɔda wan go gɛt sɔntin we i fɔ lan in kɔmpin dɛn; Gɔd go sho ɔda wan sɔntin fɔ tɛl in kɔmpin dɛn; ɔda wan go tɔk wɔd na laŋwej we insɛf nɔ ɔndastand; ɔda pɔsin go ɛksplen wetin i se. Ɔl dɛn tin ya na fɔ ɛp di chɔch.