Lɛta Fɔ Rom 12:6 - Krio Fɔs Oli Baybul

⁶ So ɔlman fɔ wok lɛkɛ aw Gɔd mek i ebul wok wit di pawa ɔ sɛns we Gɔd gi am. If Gɔd mek wi ebul fɔ tɛl ɔda pipul bɔt am, wi fɔ du am bay aw wi biliv.

Lɛta Fɔ Rom 12:6 Referans Kwoze

1 Kɔrint 7:7

Fɔ tɔk tru, a bin fɔ lɛk lɛ una ɔl tan lɛkɛ mi we nɔ mared, bɔt Gɔd mek wan pɔsin ebul du tin we in kɔmpin nɔ ebul du. I mek wan pɔsin sabi fɔ du sɔntin, i mek ɔda pɔsin sabi fɔ du ɔda tin.

Lɛta Fɔ Rom 12:3

Ɛn fɔseka wetin Gɔd dɔn gi mi bikɔs i gud, a de tɛl una ɔl se: Una nɔ tink se una bɛtɛ pas aw una tan, bɔt una fɔ tink lɛkɛ aw soba pipul de tink bɔt dɛnsɛf, ɛn una ɔl fɔ jɔj unasɛf bay aw Gɔd mek una ebul biliv am.

Lɛta Fɔ Rom 1:11

A want si una bad bad fɔ mek unasɛf gɛt pan di blɛsin we Gɔd in Spirit de gi, so dat go mek natin nɔ shek di biliv we una biliv pan Jizɔs Krays.

1 Kɔrint 13:2

Ɔ if a gɛt di pawa fɔ tɔk wɔd we Gɔd tɛl mi fɔ tɔk; if a sabi ɔltin; ɔ if a kin ɔndastand ɔltin; if a ebul muf ay ay il bikɔs a biliv Gɔd lɛkɛ aw a fɔ biliv am, ɛn a nɔ lɛk mi kɔmpin mɔtalman, ɔl dɛn tin ya we a ebul du nɔ min natin.

Lɛta Fɔ Ɛfisɔs 4:11

Nain bin mek wi sabi fɔ du difrɛn difrɛn wok. Sɔm pan di wok dɛn we i gi wi fɔ du na dɛn dɛn wan ya: I mek sɔm pan wi bi apɔsul; sɔm bi prɔfɛt; sɔm bi ivanjɛlist, dat na dɛn pipul we de tɛl ɔda pipul di Gud Nyuz bɔt Jizɔs Krays; sɔm bi pastɔ; ɛn sɔm bi ticha.

1 Kɔrint 14:1

So una fɔ tray fɔ lɛk una kɔmpin mɔtalman pas ɛni ɔda tin. Una fɔ tray mek una gɛt dɛn tin we Gɔd de gi pɔsin fɔ mek di pɔsin ebul du in wok; di wan we una fɔ tray fɔ pas ɔl na fɔ mek una ebul tɔk wɔd we Gɔd insɛf tɛl una fɔ tɔk.

2 Kɔrint 8:12

If una gɛt tin we una want gi bad bad, Gɔd go gri fɔ wetin una gi bay wetin una gɛt, nɔto bay wetin una nɔ gɛt.

Fɔs Lɛta Fɔ Tɛsalonayka 5:20

wɛn pipul de tɔk dɛn wɔd we Gɔd in Spirit put na dɛn at, una nɔ fɔ tek dɛn mek ple.

1 Kɔrint 14:29

Tu ɔ tri pipul we Gɔd gi mɛsej fɔ tɔk di mɛsej, ɛn ɔda pipul fɔ lisin fɔ no if na Gɔd in mɛsej fɔ tru dɛn de tɔk.

Apɔsul Dɛn Wok 15:32

Judas ɛn Saylas dɛnsɛf na bin prɔfɛt; dɛn tek plɛnti tɛm fɔ tɔk to di pipul dɛn ɛn dɛn kɔrej dɛn fɔ biliv mɔ.

Apɔsul Dɛn Wok 2:17

‘Gɔd se, “Na di tin dis we a go du wɛn di wɔl want dɔn, a go gi ɔlman mi Spirit. Una gyal pikin ɛn una bɔy pikin dɛn go tɛl pipul mi mɛsej; una yɔŋ man dɛn go si tin we a sho dɛn, ɛn una ol man dɛn go drim plɛnti tin.

Lɛta Fɔ Filipay 3:15

Wi ɔl we dɔn biliv Krays gud gud ɛn we dɔn no ɔl wetin Gɔd want wi fɔ du, fɔ put wi at pan ɔl wetin a dɔn tɔk bɔt so, bɔt if una nɔ gri wit wetin a dɔn tɔk, Gɔd insɛf go sho una se wetin a tɔk na tru.

Lɛta Fɔ Ɛfisɔs 3:5

Gɔd nɔ bin tɛl wi lɔntɛm pipul dɛn dis sikrit ya, bɔt naw Gɔd dɔn mek in Spirit sho di apɔsul ɛn di prɔfɛt dɛn dis sikrit.

Apɔsul Dɛn Wok 13:1

Di chɔch na Antiɔk bin gɛt sɔm prɔfɛt dɛn ɛn sɔm ticha dɛn. Dɛn na bin Banabas, Simiɔn we dɛn bin de kɔl Blak Pɔsin, Lushyɔs we bin kɔmɔt Sayrini, Manɛn we nain ɛn di gɔvna Ɛrɔd gro, ɛn Sɔl.

Lyuk 11:49

Na dat mek di wan we dɛn kɔl ‘Gɔd in Sɛns’ se, ‘A go sɛn mi prɔfɛt dɛn ɛn mi mɛsenja dɛn to dɛn, bɔt dɛn go kil sɔm ɛn dɛn go mek di ɔda wan dɛn sɔfa.’

Matyu 23:34

Na dat mek a go sɛn prɔfɛt, sɛnsman, ɛn ticha dɛn kam to una. Una go kil sɔm, nel sɔm pan krɔs, bit sɔm na di Ju mitin os dɛn, ɛn mek sɔm sɔfa frɔm wan tɔŋ to ɔda tɔŋ.

1 Kɔrint 14:24

Bɔt if ɔlman de tɔk di mɛsej we Gɔd gi am fɔ tɔk, wɛn dɛn pipul we nɔ no bɔt dɛn kayn tin ya ɔ dɛn wan we nɔ biliv Gɔd kam insay di chɔch, wɛn dɛn yɛri wetin una de tɔk, dɛn go biliv fɔ tru se dɛn de pan sin. Ɔl wetin dɛn yɛri go mek dɛn jɔj dɛnsɛf.

Apɔsul Dɛn Wok 21:9

I bin gɛt fo gyal pikin we nɔ bin mared yet. Dɛn pikin ya na bin prɔfɛt.

1 Kɔrint 3:5

Afta ɔl, udat na Apɔlɔs? Udat na Pɔl? Wi na Gɔd in savant dɛn we de tɔk bɔt Gɔd to una mek una biliv pan Jizɔs, na di wok we Gɔd gi Apɔlɔs, ɛn na di wok we Gɔd gi misɛf fɔ du, nain wi de du.

1 Kɔrint 12:18

Bɔt Gɔd put dɛn difrɛn difrɛn pat ya na di bɔdi lɛkɛ aw i want dɛn fɔ de.

Pita In Sɛkɛn Lɛta 1:20

Ɛn una nɔ fɔ fɔgɛt se mɔtalman, bay insɛf, nɔ ebul ɔndastand ɛn ɛksplen dɛn wɔd we dɛn prɔfɛt dɛn bin tɔk,

Matyu 25:22

“Nain di bɔy we di man bin gi di tu tawzin gold kɔpɔ kam tɛl am se, ‘Yu bin gi mi tu tawzin gold kɔpɔ, bɔt luk, a dɔn gen tu tawzin gold kɔpɔ mɔ pantap am, sa!’