Lɛta Fɔ Rom 12:5 - Krio Fɔs Oli Baybul

⁵ Semwe so, pan ɔl we wi plɛnti, wi jɛs tan lɛkɛ wan bɔdi bikɔs wi gɛt wanwɔd wit Krays, ɛn wi ɔl jɔyn lɛkɛ aw di difrɛn pat dɛn pan di bɔdi jɔyn.

Lɛta Fɔ Rom 12:5 Referans Kwoze

1 Kɔrint 12:20

Naw i bi se di bɔdi gɛt plɛnti pat.

1 Kɔrint 10:17

Bikɔs na wan bred de, wi ɔl dɔn bi wan bɔdi pan ɔl we wi plɛnti, bikɔs wi ɔl dɔn it pan di wan bred.

Lɛta Fɔ Ɛfisɔs 4:25

Frɔm naw sote go, una nɔ fɔ lay igen. Ɔlman fɔ de tɔk tru to in kɔmpin, bikɔs wi ɔl na pat pan Krays in bɔdi.

Lɛta Fɔ Kɔlɔse 2:19

Pipul lɛkɛ dɛn wan ya dɔn tap fɔ biliv pan Krays we na di ed fɔ di bɔdi, dat na di chɔch. Na Krays de kɔntrol di bɔdi. I de fid am fɔ mek i gro, i mek ɔl di difrɛn pat dɛn jɔyn to dɛn kɔmpin ɛn fasin gud, ɛn di bɔdi de gro lɛkɛ aw Gɔd want mek i gro.

Lɛta Fɔ Ɛfisɔs 5:30

bikɔs wisɛf na pat pan Krays in bɔdi.

Lɛta Fɔ Kɔlɔse 1:24

A gladi naw we a de sɔfa fɔ una, bikɔs di pen we a de sɔfa naw na pat pan di sɔfa we Krays bin sɔfa fɔseka in bɔdi we na di chɔch, ɛn we pipul stil gɛt fɔ sɔfa.

1 Kɔrint 10:33

Na so misɛf de du; ɛnitin we a de du, a de tray fɔ mek ɔlman satisfay, a nɔ de tray fɔ gen ɛnitin fɔ misɛf, a de wok fɔ ɛp mek plɛnti pipul sev.

Lɛta Fɔ Rom 12:4

Wi bɔdi gɛt plɛnti difrɛn difrɛn pat, ɛn ɔl di pat dɛn gɛt difrɛn difrɛn wok.

Lɛta Fɔ Ɛfisɔs 5:23

Wetin mek a tɔk dat, na we di man gɛt pawa oba in wɛf lɛkɛ aw Krays gɛt pawa oba di chɔch, ɛn Krays insɛf sev di chɔch, we nain bɔdi.

Jɔn 17:11

Ɛn naw a de kam bak to yu; a nɔ go de na di wɔl igen, bɔt dɛn go stil de na di wɔl. Duya, Papa, yu we na Gɔd ɛn yu we nɔ gɛt natin fɔ du wit sin, kip dɛn mek natin nɔ du dɛn, bay di pawa we de na yu nem, di nem we yu gi mi, so dat dɛn ɔl go bi wan ɛn gɛt wan at lɛkɛ aw mi ɛn yu gɛt wan at.

1 Kɔrint 6:15

Una no se una bɔdi dɛn na difrɛn difrɛn pat pan Krays in bɔdi. A go tek ɛni pat pan Krays in bɔdi put am pan wan rare gyal? Dat nɔ pɔsibul!

Lɛta Fɔ Ɛfisɔs 4:12

I du ɔl dis fɔ mek Gɔd in pipul dɛn rɛdi ɛn ebul fɔ du dɛn wok, so dat dɛn go bil Krays in bɔdi we na di chɔch.