Lɛta Fɔ Rom 12:3 - Krio Fɔs Oli Baybul

³ Ɛn fɔseka wetin Gɔd dɔn gi mi bikɔs i gud, a de tɛl una ɔl se: Una nɔ tink se una bɛtɛ pas aw una tan, bɔt una fɔ tink lɛkɛ aw soba pipul de tink bɔt dɛnsɛf, ɛn una ɔl fɔ jɔj unasɛf bay aw Gɔd mek una ebul biliv am.

Lɛta Fɔ Rom 12:3 Referans Kwoze

Lɛta Fɔ Galeshya 6:3

If pɔsin tink se in bɛtɛ pas in kɔmpin dɛn, ɛn nɔto so i bi, na ful i jɛs de mek insɛf.

Prɔvabs 26:12

Man we no se in na fulman, bɛtɛ pas di man we tink se in no pas aw i no.

Pita In Fɔs Lɛta 5:5

Semwe so, una we smɔl fɔ de du wetin dɛn bigman tɛl una fɔ du. Nɔbɔdi nɔ fɔ mek prawd pan in kɔmpin, bɔt una fɔ de ɛp una kɔmpin; lɛkɛ aw dɛn rayt na Gɔd in Buk, we dɛn se, “Gɔd go tɔn in bak pan dɛn pipul we prawd ɛn i go sho dɛn wan we nɔ prawd aw i gud.”

Lɛta Fɔ Rom 12:16

Una fɔ kia fɔ ɔlman lɛkɛ aw una kia fɔ unasɛf. Una nɔ fɔ prawd, bɔt una fɔ gri fɔ du dɛn wok we savant sɛf kin du. Una nɔ fɔ tink se una gɛt plɛnti sɛns.

Pita In Fɔs Lɛta 5:8

Una fɔ rɛdi ɔltɛm, ɛn ɔltɛm una fɔ de wach, bikɔs Setan we de fɛt una, de go ɔlɔbɔt lɛkɛ aŋri layɔn, fɔ fɛn udat in go fɔdɔm pan.

Ɛkliziastis 7:16

Nɔ waka tret tumɔs ɛn nɔ fɔ mek se yu gɛt sɛns tumɔs. Wetin mek yu de kil yusɛf?

Pita In Fɔs Lɛta 4:7

Di tɛm we di wɔl go dɔn nɔ fa igen, so una ed fɔ stɛdi ɛn una fɔ waydawek fɔ de pre ɔltɛm.

Jems 4:6

Bɔt di blɛsin we Gɔd gi wi pas di bad we de na wi at. Dɛn rayt na Gɔd in Buk se, “Gɔd nɔ de gri mek dɛn prawd pipul gɛt dɛn yon we, bɔt i de blɛs dɛn wan we nɔ prawd.”

Pita In Fɔs Lɛta 4:11

Ɛnibɔdi we de tɛl pipul bɔt Gɔd, fɔ tɔk di mɛsej we Gɔd gi am; ɛn ɛnibɔdi we de ɛp fɔ du ɛni kayn wok, fɔ ɛp fɔ du da wok de wit ɔl di trɛnk we Gɔd gi am, so dat, pan ɔl wetin una de du, Gɔd go gɛt prez bikɔs una de waka wit Krays we wɔndaful ɛn we gɛt pawa sote go! Emɛn.

Mayka 6:8

Bɔt i dɔn sho una wetin gud ɛn wetin i want. Dat na fɔ lɛ una trit una kɔmpin fia wan, ɛn lɛk fɔ du gud, gɛt lɔv we nɔ de ɛva chenj ɛn put unasɛf dɔŋ fɔ du wetin PAPA GƆD want una fɔ du.

1 Kɔrint 7:17

Ɔlman fɔ liv in layf bay di patan we Gɔd mek fɔ am. Dɛn fɔ stil liv lɛkɛ aw dɛn bin liv di tɛm we Gɔd kɔl dɛn fɔ kam bi in yon pipul. Na dis rul ya a se ɔlman mɔs fala na ɔl dɛn chɔch.

Taytɔs 2:12

We i gud, i de sho wi se wi fɔ lɛf fɔ liv lɛkɛ pipul we nɔ no am, wi fɔ lɛf dɛn bad tin we wi want du na di wɔl, ɛn lan fɔ kɔntrol wisɛf, fɔ waka tret, ɛn fɔ waka wit am na dis wɔl,

Taytɔs 2:2

Tɛl di bigman dɛn se dɛn fɔ soba, dɛn fɔ gɛt sɛns, ɛn dɛn fɔ de kɔntrol dɛnsɛf; dɛn fɔ ol Gɔd traŋa wan, dɛn fɔ lɛk fɔ du gud ɛn dɛn fɔ ebul bia wɛn dɛn de sɔfa.

2 Kɔrint 12:7

Bɔt fɔ mek dɛn plɛnti wɔndaful tin we a si nɔ mek a prawd, Gɔd put sik pan mi we de mek mi bɔdi at mi bad; da sik de tan lɛkɛ sik we Setan sɛn pan mi fɔ ambɔg mi, mek a nɔ go prawd.

Lɛta Fɔ Rom 11:20

Dat na tru! Gɔd brok dɛn kɔmɔt bikɔs dɛn nɔ bin biliv, ɛn i lɛf una na di ples we dɛn bin de, bikɔs una biliv. Bɔt una nɔ fɔ prawd bikɔs una dɔn tek di ples we dɛn bin de, una fɔ fred Gɔd.

Lɛta Fɔ Rom 1:5

Tru Krays ɛn fɔseka am, Gɔd gi mi di chans ɛn blɛsin fɔ bi apɔsul, so dat a kin go ɛp pipul ɔlɔbɔt na wɔl fɔ biliv Gɔd ɛn du wetin i tɛl dɛn.

Pita In Fɔs Lɛta 1:13

Na dat mek una fɔ mekɔp una maynd fɔ du wetin una gɛt fɔ du, una fɔ kɔntrol unasɛf ɛn una fɔ put ɔl una at pan di blɛsin we Jizɔs Krays go gi una di tɛm we i go sho insɛf to ɔlman.

Taytɔs 2:4

so dat di yɔŋ uman dɛn go no se dɛn fɔ lɛk dɛn man ɛn dɛn pikin,

1 Kɔrint 15:10

Bɔt we Gɔd gud nɔmɔ, tide mi na apɔsul, ɛn di gud we i du fɔ mi mek a du plɛnti tin fɔ am na mi layf. A dɔn wok pas ɔl dɛn ɔda apɔsul dɛn, bɔt nɔto bay misɛf a bin de wok; we Gɔd gud, in pawa bin de ɛp mi.

Jɔn 3:34

Di wan we Gɔd dɔn sɛn de tɛl pipul di mɛsej we Gɔd gi am, bikɔs Gɔd mek ɔl di pawa we in Spirit gɛt de wit am.

Lɛta Fɔ Ɛfisɔs 4:16

Na Krays mek ɔl dɛn difrɛn pat pan di bɔdi jɔyn wan ples ɛn nain de rul dɛn. Na dɛn difrɛn, difrɛn jɔynt na di bɔdi lɛkɛ di ni ɛn di ɛlbo ol ɔl di bɔdi wan ples. If ɔl di pat dɛn pan di bɔdi de du dɛn wok gud, dat go mek ɔl di bɔdi gro lɛkɛ aw Gɔd want am fɔ gro, so ɔl di pat dɛn pan di bɔdi, dat na di pipul dɛn, go lɛk dɛn kɔmpin.

Lyuk 18:11

“Di Faresi tinap ɛn pre kwayɛt wan se, ‘Gɔd, a tɛl yu tɛnki bikɔs a nɔ tan lɛkɛ dɛn ɔda pipul; dɛn de rog, dɛn nɔ de du rayt, ɛn dɛn de lɛf dɛn mared wɛf ɔ man go fɛn ɔda pɔsin na trit. A tɛl yu tɛnki we a nɔ tan lɛkɛ dis man ya sɛf we de gɛda taks.

Taytɔs 2:6

Semwe so, yu fɔ wɔn di yɔŋ man dɛn fɔ de kɔntrol dɛnsɛf.

Fɔs Lɛta To Timoti 2:15

Bɔt uman go sev wɛn i de bɔn pikin, if i biliv Krays, if i lɛk pipul, if i de fɔ Gɔd ɛn if i de kɔntrol insɛf pan ɔltin.

Fɔs Lɛta To Timoti 2:9

A nɔ want mek di uman dɛn de kɔl atɛnshɔn bay di we we dɛn drɛs, dɛn fɔ tek tɛm pik di klos we dɛn de wɛr, ɛn dɛn fɔ drɛs gud, dɛn nɔ fɔ de wɛr dɛn dia klos; dɛn nɔ fɔ de plant dɛn ia fayn tumɔs; dɛn nɔ fɔ wɛr gold ɔ pal.

Fɔs Lɛta To Timoti 1:14

ɛn Gɔd we na wi Masta bin so gud to mi we i mek a biliv Krays ɛn we i mek a lɛk mi kɔmpin mɔtalman bikɔs a gɛt wanwɔd wit Krays.

Lɛta Fɔ Ɛfisɔs 3:4

Ɛn if una rid wetin a bin rayt, una go no se a dɔn sabi di sikrit bɔt Krays, gud.

2 Kɔrint 12:13

Aw a nɔ trit una di sem we lɛkɛ aw a de trit dɛn ɔda chɔch pipul, pas nɔmɔ we a nɔ wɔri una fɔ ɛp mi? Una padin mi, wetin a du so nɔ fayn.

1 Kɔrint 3:10

Gɔd gi mi wok fɔ du, dat na fɔ bi masta man fɔ bil. We na so i bi, a dɔn le di fawndeshɔn na una at, ɔda pɔsin de bil pantap am. Bɔt lɛ ɔlman tek tɛm wetin i de tek bil pantap.

Lɛta Fɔ Rom 11:25

Mi kɔmpin Kristiɛn dɛn, wan tru tin de we a want mek una no, we na sikrit. I go mek una nɔ tink se una gɛt sɛns tumɔs. Na di sikrit dis: Nɔto fɔɛva di pipul dɛn na Izrɛl nɔ go gri fɔ biliv, na sote di tɛm nɔmɔ we ɔl dɛn pipul we nɔto Ju we Gɔd dɔn mak, go kam ɔnda in rul.

Prɔvabs 25:27

Aw i nɔ fayn fɔ lik tumɔs ɔni, na so i nɔ fayn fɔ de fɛn tumɔs prez.

Jɔn In Tɔd Lɛta 1:9

A bin dɔn rayt lɛta to di chɔch, bɔt Dayɔtrɛfes we want put insɛf bifo na di chɔch, nɔ lisin wetin a tɛl am.

Lɛta Fɔ Kɔlɔse 2:13

Tɛm bin de we i bin tan lɛkɛ se una bin dɔn day, bikɔs una bin de pan sin ɛn una bin tan lɛkɛ dɛn pipul we nɔto Ju we nɔ gɛt di Lɔ we Gɔd gi Mozis. Bɔt naw we una dɔn gɛt wanwɔd wit Krays, Gɔd dɔn gi una di tru layf. Gɔd dɔn padin ɔl wi sin dɛn.

Lɛta Fɔ Kɔlɔse 1:29

Na di tin dis we a de swɛt fɔ du, ɛn a de yus di pawa we de insay mi, we Krays gi mi, we mek a ebul du wetin a de du so.

Lɛta Fɔ Ɛfisɔs 3:2

A no se una dɔn yɛri se Gɔd dɔn blɛs mi fɔ du di wok we go ɛp una.

2 Kɔrint 10:13

Bɔt wi nɔ go bost bɔt ɛni ɔda tin pas wetin wi fɔ bost bɔt; dat na di wok we Gɔd gi wi fɔ du, ɛn di wok we wi de du fɔ una miks de.

Lɛta Fɔ Filipay 2:13

Gɔd de wok insay una at so dat una go want du wetin in want una fɔ du ɛn fɔ mek una go ebul du am.