Lɛta Fɔ Rom 12:16 - Krio Fɔs Oli Baybul

¹⁶ Una fɔ kia fɔ ɔlman lɛkɛ aw una kia fɔ unasɛf. Una nɔ fɔ prawd, bɔt una fɔ gri fɔ du dɛn wok we savant sɛf kin du. Una nɔ fɔ tink se una gɛt plɛnti sɛns.

Lɛta Fɔ Rom 12:16 Referans Kwoze

Pita In Fɔs Lɛta 3:8

Di las tin we a gɛt fɔ tɛl una, na fɔ lɛ una ɔl gɛt wanwɔd, ɛn wan at; una fɔ lɛk unasɛf lɛkɛ brɔda ɛn sista, una fɔ gɛt sɔri at fɔ una kɔmpin ɛn una nɔ fɔ de mek prawd pan una kɔmpin.

Prɔvabs 3:7

Nɔ fil to se yu sabi ɔltin; jɛs fred PAPA GƆD nɔmɔ ɛn nɔ du bad.

Di Ibru Pipul Dɛn 13:5

Una nɔ put ɔl una at pan kɔpɔ ɔltɛm, una fɔ satisfay wit wetin una gɛt, bikɔs Gɔd dɔn se, “A nɔ go lɛf yu, a go de wit yu ɔltɛm fɔ ɛp yu.”

Ayzaya 5:21

Swɛ go fɔdɔm pan dɛm wan we tink se dɛn gɛt sɛns ɛn fil se dɛn klɛva!

Lɛta Fɔ Rom 15:5

Ɛn lɛ Gɔd we de mek pipul ebul bia ɛn gɛt kɔrej, mek una ɔl gri, bikɔs una de fala Jizɔs Krays in yon we,

Lɛta Fɔ Rom 12:3

Ɛn fɔseka wetin Gɔd dɔn gi mi bikɔs i gud, a de tɛl una ɔl se: Una nɔ tink se una bɛtɛ pas aw una tan, bɔt una fɔ tink lɛkɛ aw soba pipul de tink bɔt dɛnsɛf, ɛn una ɔl fɔ jɔj unasɛf bay aw Gɔd mek una ebul biliv am.

1 Kɔrint 3:18

Mek nɔbɔdi nɔ mek insɛf ful. If ɛnibɔdi tink se in gɛt sɛns na dis wɔl, mek i put in yon sɛns wansay, so dat i go gɛt di tru sɛns.

2 Kɔrint 13:11

Mi brɔda dɛn, na di wɔd dat o! Una fɔ tray fɔ de du wetin rayt ɔltɛm; una fɔ lisin wɛn a de tɔk to una fɔ mek una de du gud, una fɔ gɛt wanwɔd wit una kɔmpin, ɛn una nɔ fɔ de mek plaba. So Gɔd we lɛk ɔlman ɛn we de gi kol at go de wit una.

Lɛta Fɔ Rom 11:25

Mi kɔmpin Kristiɛn dɛn, wan tru tin de we a want mek una no, we na sikrit. I go mek una nɔ tink se una gɛt sɛns tumɔs. Na di sikrit dis: Nɔto fɔɛva di pipul dɛn na Izrɛl nɔ go gri fɔ biliv, na sote di tɛm nɔmɔ we ɔl dɛn pipul we nɔto Ju we Gɔd dɔn mak, go kam ɔnda in rul.

Lyuk 14:13

Bɔt wɛn yu de kɔl pipul fɔ kam it, kɔl dɛn pipul we nɔ gɛt natin, dɛn wan we nɔ gɛt sɔm pat pan dɛn bɔdi, dɛn wan we nɔ ebul waka, ɛn dɛn wan we blɛn.

Prɔvabs 26:12

Man we no se in na fulman, bɛtɛ pas di man we tink se in no pas aw i no.

1 Kɔrint 8:2

Wɛn pɔsin tink se in dɔn sabi sɔntin gud gud, dat sho se i nɔ sabi da tin de yet lɛkɛ aw i fɔ sabi am.

1 Kɔrint 6:5

Dat fɔ mek una shem! Una nɔ go tɛl mi se wan pɔsin sɛf pan una nɔ de we gɛt sɛns fɔ tɔk di kes wɛn tu Kristiɛn mek plaba?

Jɛrimaya 45:5

PAPA GƆD se, Yu de luk fɔ big tin fɔ yusɛf? Nɔ luk fɔ big tin; bikɔs, mi de tɛl yu se, a go du bad bad tin to ɔlman na wɔl, bɔt a go gi yu yu layf as prayz fɔ wa ɔlsay we yu go.”

Lɛta Fɔ Filipay 4:2

Yuodia ɛn Sintiche, a de beg una, duya, una fɔ gɛt wanwɔd lɛkɛ sista. Wetin du? Bikɔs una gɛt wanwɔd wit di Masta.

1 Kɔrint 4:10

Fɔseka Krays wi na fulman, bɔt Krays dɔn mek una gɛt sɛns! Wi nɔ gɛt pawa, bɔt una gɛt pawa! Nɔbɔdi nɔ de luk wi, bɔt pipul rɛspɛkt una!

Lyuk 6:20

Jizɔs luk in lanin bɔy dɛn, dɛn i bigin tɔk to dɛn. I se: “Una gɛt blɛsin, una dɛn po pipul, bikɔs Gɔd de rul una!

Matyu 26:11

Dɛn pipul we nɔ gɛt natin go de wit una ɔltɛm, bɔt mi nɔ go de wit una ɔltɛm.

Matyu 11:5

dɛn pipul we bin blɛn, de si; dɛn wan we nɔ bin ebul waka, de waka; dɛn wan we bin gɛt bad sik na dɛn skin, dɔn wɛl; dɛn wan we bin dɛf, dɔn yɛri; dɛn dayman dɔn gɛt layf bak; ɛn dɛn po pipul dɔn yɛri di Gud Nyuz.

Pita In Fɔs Lɛta 5:3

Una nɔ fɔ de trit dɛn pipul ya we Gɔd gi una fɔ kia fɔ, lɛkɛ slev, bɔt una fɔ de du gud we go mek di pipul dɛnsɛf want fɔ tan lɛkɛ una.

Lɛta Fɔ Filipay 3:16

Na wan tin nɔmɔ a gɛt fɔ se, lɛ wi nɔn nɔ lɛf fɔ fala di sem lɔ dɛn we wi dɔn de fala ɔl dis tɛm.

Lɛta Fɔ Filipay 1:27

Bɔt na wan tin nɔmɔ, una fɔ liv lɛkɛ pipul we dɔn biliv di Gud Nyuz bɔt Krays. So if a de wit una, ɔ if a nɔ de wit una, a want fɔ yɛri se una stil biliv pan Jizɔs, una gɛt wanwɔd, ɛn una ɔl want fɔ du di sem tin, dat na fɔ tɛl pipul di Gud Nyuz.

1 Kɔrint 1:10

Mi Kristiɛn brɔda dɛn, a tek Jizɔs Krays, wi Masta, in nem, beg una mek una ɔl gɛt wanwɔd, mek una nɔ sheb sheb; una ɔl fɔ biliv di sem tin ɛn mekɔp fɔ du di sem tin.

Apɔsul Dɛn Wok 4:32

Ɔl dɛn wan we bin biliv Jizɔs bin gɛt wanwɔd ɛn wan at. Nɔbɔdi nɔ bin de se, “Na mi wangren gɛt mi prɔpati”, bɔt ɔlman bin de sheb wetin i gɛt wit di ɔda pipul dɛn.

Jɛrimaya 32:39

A go gi dɛm wan at ɛn wan we, so dat dɛn go fred mi sote go fɔ dɛn yon gud, ɛn fɔ dɛn pikin dɛn gud.

Prɔvabs 19:22

Wetin fayn fɔ si pan pɔsin na dat i fɔ tret, bifo yu bi layman lɛ yu bi poman.

Prɔvabs 19:17

If yu ɛp poman, i tan lɛkɛ we yu de trɔs PAPA GƆD sɔntin; ɛn i go pe yu bak.

Prɔvabs 19:7

If fambul dɛn nɔ de maks udat po, wetin yu go tɔk naw bɔt in padi dɛn? I lɛk aw i rɔnata dɛn, dɛn nɔ go gɛt in klɔk sɛf.

Job 36:5

“Ɔlwe PAPA GƆD gɛt pawa so, i nɔ de luk nɔbɔdi lɛs; i gɛt pawa ɛn i no ɔltin.

2 Kronikuls 30:12

PAPA GƆD sɛf in an bin de pan Juda fɔ gi, dɛn wan at fɔ du wetin di kiŋ ɛn di prins dɛn kɔmand akɔdin to PAPA GƆD in wɔd.

Jɔn In Tɔd Lɛta 1:9

A bin dɔn rayt lɛta to di chɔch, bɔt Dayɔtrɛfes we want put insɛf bifo na di chɔch, nɔ lisin wetin a tɛl am.

Lɛta Fɔ Rom 6:2

Dat nɔ fɔ bi so! Wɛn i kam pan sin, i tan lɛkɛ se wi na dedebɔdi, sin nɔ gɛt pawa fɔ rul wi igen so aw wi go stil de sin igen?

Prɔvabs 17:5

Udat provok poman nɔ rɛspɛkt PAPA GƆD we mek am ɛn yu gladi wɛn trɔbul mit in kɔmpin nɔ de go skɔchfri.

Prɔvabs 26:5

Gi fulman styupid ansa fɔ in ful, dat go mek wi se i nɔ gɛt sɛns.

Lɛta Fɔ Rom 11:20

Dat na tru! Gɔd brok dɛn kɔmɔt bikɔs dɛn nɔ bin biliv, ɛn i lɛf una na di ples we dɛn bin de, bikɔs una biliv. Bɔt una nɔ fɔ prawd bikɔs una dɔn tek di ples we dɛn bin de, una fɔ fred Gɔd.