Lɛta Fɔ Rom 12:12 - Krio Fɔs Oli Baybul

¹² Una fɔ gladi ɔltɛm bikɔs una abop pan Gɔd, una fɔ bia wɛn trɔbul mit una; ɛn una fɔ de pre ɔltɛm.

Lɛta Fɔ Rom 12:12 Referans Kwoze

Lɛta Fɔ Rom 15:13

Lɛ Gɔd we de mek wi abop, mek una gladi bad ɛn gi una kol at bikɔs una biliv pan am, so dat in Spirit go mek una abop pan am mɔ ɛn mɔ.

Di Ibru Pipul Dɛn 10:36

Una gɛt fɔ bia, so dat una go du wetin Gɔd want, ɛn una go gɛt wetin i dɔn prɔmis una.

Di Sam Dɛm 62:8

Una we abop pan am, una nɔ pul at pan am. Abop pan am ɔltɛm, bikɔs nain de kɔba wi lɛk aw fɔl de kɔba in pikin.

Pita In Fɔs Lɛta 4:13

bɔt una fɔ gladi bikɔs unasɛf de sɔfa lɛkɛ aw Krays bin sɔfa, so dat wɛn Krays kam bak wit ɔl in pawa, una go gladi fawe pas aw una gladi naw.

Jems 5:7

Mi kɔmpin Kristiɛn dɛn, una fɔ bia sote di Masta kam. Una mɛmba aw dɛn pipul we de mek fam kin bia wet sote di tɛm rich fɔ pik wetin dɛn bin plant.

Di Ibru Pipul Dɛn 6:15

Bikɔs Gɔd bin dɔn prɔmis dat, Ebraam nɔ bin dawt, so i gɛt ɔl wetin Gɔd bin dɔn prɔmis se i go gi am.

Di Ibru Pipul Dɛn 6:12

Wi nɔ want fɔ mek una lezi, bɔt wi want una fɔ bi lɛkɛ dɛn pipul we biliv pan Gɔd, we de bia, bikɔs dɛn na di wan dɛn, we go gɛt ɔl wetin Gɔd bin dɔn prɔmis fɔ gi in pipul dɛn.

Lɛta Fɔ Filipay 4:4

Una fɔ gladi ɔltɛm bikɔs una gɛt wanwɔd wit di Masta. A de tɛl una igen se una fɔ gladi!

Di Ibru Pipul Dɛn 12:1

Fɔ wi yon pat, ɔl dɛn pipul ya we a jɛs tɔk bɔt de rawnd wi. Dɛn dɔn sho klia wan wetin fɔ biliv Gɔd, min. Na dat mek wi fɔ lɛf ɔl dɛn tin we de mek wi tap fɔ biliv Gɔd; wi fɔ lɛf fɔ du ɛni bad tin we wi de du, we dɔn grip wi tayt; wi fɔ stil rɔn di res we de bifo wi, ɛn wi nɔ fɔ taya na rod.

Lɛta Fɔ Kɔlɔse 4:2

Una fɔ de pre ɔltɛm; una fɔ put una at pan dɛn tin we una de tɛl Gɔd ɛn una fɔ de tɛl am tɛnki.

Sɛkɛn Lɛta Fɔ Tɛsalonayka 3:5

A de pre mek di Masta sho una mɔ ɛn mɔ aw Gɔd lɛk una ɛn mek i mek una no gud gud aw Krays dɔn bia ɛn aw i de mek una bia.

Fɔs Lɛta Fɔ Tɛsalonayka 5:8

Bɔt wi we de waka na layt fɔ soba. Wi fɔ biliv Gɔd ɛn lɛk am: dat go tan lɛkɛ se wi wɛr tin fɔ tek gyad di bɔdi. Wi fɔ no se Gɔd dɔn sev wi: dat go tan lɛkɛ se wi wɛr at fɔ mek natin nɔ du wi ed.

Apɔsul Dɛn Wok 1:14

Dɛn apɔsul ya, Jizɔs in brɔda dɛn, sɔm uman dɛn, ɛn Meri we na Jizɔs in mama, dɛn ɔl bin de mit de ɛn pre wit wan at.

Di Sam Dɛm 37:7

Sidɔm, luk wetin PAPA GƆD go du; nɔ wɔri yusɛf bikɔs bad pipul de si bɛtɛ pan ɔl di bad tin dɛn we dɛn de mek ɔp fɔ du.

Fɔs Lɛta To Timoti 6:11

Bɔt yu we de wok fɔ Gɔd nɔ fɔ miks pan ɔl dɛn tin ya. Tray fɔ de waka tret, fɔ de du lɛkɛ aw Gɔd want, fɔ biliv Gɔd, fɔ lɛk pipul, fɔ de bia ɛn fɔ de du tin saful, saful.

Prɔvabs 10:28

Di op we di pɔsin we de waka tret na PAPA GƆD in yay gɛt de mek i gladi, bɔt yu bad, in plan nɔ de ɛva wok.

Di Ibru Pipul Dɛn 10:32

Una fɔ mɛmba aw una bin de du fɔstɛm, wɛn una bin dɔn ɔndastand Gɔd yon we. Da tɛm de, pan ɔl we una bin de sɔfa bad, una bin bia ɛn tinap traŋa.

Lɛta Fɔ Kɔlɔse 4:12

Ɛpafras, we na wan pan una, ɛn we de wok fɔ Jizɔs lɛkɛ unasɛf, insɛf de tɛl una adu. I de pre fɔ una wit ɔl in at; i de pre mek una nɔ tap fɔ biliv pan Gɔd, mek una shɔ bɔt wetin una biliv, mek una no ɔl wetin una fɔ no bɔt Gɔd, ɛn mek una du ɔl wetin Gɔd want una fɔ du.

Lɛta Fɔ Kɔlɔse 1:11

A de pre mek Gɔd mek in wɔndaful pawa mek una gɛt maynd so dat una go ebul bia ɔltin.

Di Sam Dɛm 109:4

Fɔ mi yon gudbɛlɛ, dɛn de fɛn fɔlt ivin de pre fɔ dɛn.

Di Ibru Pipul Dɛn 5:7

Wɛn Jizɔs bin de na dis wɔl, i ala lawd ɛn kray wɛn i de pre to Gɔd we ebul sev am, mek i nɔ day. Gɔd yɛri di pre we Jizɔs bin pre bikɔs Jizɔs bin gri fɔ du ɔl wetin Gɔd want am fɔ du.

Di Sam Dɛm 40:1

A wet wit peshɛnt fɔ PAPA GƆD fɔ ɛp mi; i yɛri mi ɛn kam ɛp mi.

Rɛvɛleshɔn 13:10

Ɛnibɔdi we Gɔd dɔn mak se dɛn fɔ kech, dɛn go kech am paopa; ɛnibɔdi we Gɔd dɔn mak se dɛn fɔ chuk ɛn kil, na chuk dɛn go chuk ɛn kil am. Na dat mek Gɔd in pipul dɛn fɔ tinap traŋa ɛn dɛn nɔ fɔ lɛf fɔ biliv pan Gɔd.”

Pita In Sɛkɛn Lɛta 1:6

Pantap dat, una fɔ ebul kɔntrol unasɛf; pantap dat, una fɔ de bia, ɛn pantap dat una layf fɔ sho se una na Gɔd pipul.

Di Ibru Pipul Dɛn 3:6

Bɔt Krays na di Pikin we de luk Gɔd, we na di Papa, in Os, ɛn i bin du in wok lɛkɛ aw Gɔd want am fɔ du. Wi we na Gɔd yon pipul, go bi Gɔd in Os, if wi gɛt kɔrej ɔltɛm ɛn put wi at pan ɔl wetin Gɔd prɔmis se in go du fɔ wi.

Sɛkɛn Lɛta Fɔ Tɛsalonayka 1:4

Na dat mek wi kin gladi fɔ tɔk bɔt una ɔltɛm to dɛn pipul we na Gɔd yon na dɛn ɔda chɔch. Wi kin tɔk bɔt aw una stil de bia ɛn biliv pan Krays, pan ɔl we pipul de mek una sɔfa.

1 Kɔrint 13:13

Na dɛn tri tin ya pɔsin go de du sote go: biliv, abop, ɛn lɛk, bɔt di wan we pas dɛn ɔl na lɛk.

Lɛta Fɔ Rom 15:4

Ɔltin we rayt na Gɔd in Buk na fɔ lan wi sɔntin, so dat, we di tin we rayt de, de mek wi ebul bia ɛn mek wi gɛt kɔrej, wi go no se Gɔd nɔ go lɛf wi.

Lyuk 21:19

If una bia ɛn tinap traŋa, una go gɛt tru layf.

Lyuk 8:15

Dɛn sid we fɔdɔm na gud grɔn na dɛn pipul we yɛri Gɔd in wɔd; dɛn kip di wɔd na dɛn at ɛn du wetin Gɔd in wɔd se. Dɛn nɔ tap fɔ biliv pan ɔl we Setan tray dɛn ɛn dɛn mek plɛnti ɔda pipul biliv.

Prɔvabs 14:32

Udat de du bad jɛs de alaki insɛf, bɔt yu de du gud nain gud de fala am.

Pita In Fɔs Lɛta 4:7

Di tɛm we di wɔl go dɔn nɔ fa igen, so una ed fɔ stɛdi ɛn una fɔ waydawek fɔ de pre ɔltɛm.

Taytɔs 2:13

naw we wi de wet fɔ da tɛm we wi abop se Jizɔs Krays, we na wi wɔndaful Gɔd ɛn Seviɔ go kam wit ɔl in wɔndaful pawa.

Lɛta Fɔ Kɔlɔse 1:27

Gɔd mekɔp fɔ mek in yon pipul dɛn no dis wɔndaful, wɔndaful mɛsej we nɔbɔdi nɔ bin no fɔs tɛm, ɛn i mekɔp fɔ mek ɔlman yɛri am. Dis wɔndaful tin ya na we Krays de insay una at ɛn dat go mek una de wit Gɔd di say we i de rul.

Lɛta Fɔ Rom 8:25

Bɔt if wi de abop fɔ tin we wi nɔ si yet, wi go bia wet fɔ am.

Taytɔs 3:7

so dat di gud we Jizɔs du fɔ wi, go mek ɔltin rayt bitwin wi ɛn Gɔd ɛn wi go gɛt da layf we go de sote go we wi de abop fɔ gɛt.

Sɛkɛn Lɛta To Timoti 3:10

Bɔt yu dɔn yɛri dɛn tin we a lan yu, yu dɔn si aw a de du, ɛn yusɛf no wetin a want du na layf; yu dɔn no wetin a biliv, yu dɔn no aw a de bia, aw a lɛk pipul, aw a tinap traŋa.

Fɔs Lɛta Fɔ Tɛsalonayka 1:3

Ɛnitɛm we wi de pre to wi Gɔd we na wi Papa, wi kin tɛl am ɔl wetin una de du bikɔs una biliv pan Jizɔs, ɛn wi kin tɛl am aw una de wok traŋa wan bikɔs una lɛk Jizɔs Krays, ɛn aw una abop pan Masta Jizɔs Krays gud gud wan.

Lɛta Fɔ Filipay 3:1

Mi Kristiɛn brɔda dɛn, na di las tin dɛn dis we a gɛt fɔ tɛl una na dis lɛta. A de tɛl una fɔ gladi bikɔs una gɛt wanwɔd wit di Masta. Fɔ rayt ɔl wetin a bin dɔn rayt to una fɔstɛm bak, nɔ mɔna mi, dat go bɛtɛ sɛf fɔ una.

2 Kɔrint 12:8

Tri tɛm a dɔn pre ɛn aks Gɔd mek i pul dis tin ya pan mi.

Lɛta Fɔ Rom 2:7

Sɔm pipul de du gud ɔltɛm, dɛn want mek Gɔd prez dɛn, gi dɛn ɔna, ɛn layf we nɔ go dɔn. Gɔd go gi dɛn layf we go de sote go.

Apɔsul Dɛn Wok 12:5

Wɛn Pita bin de na sɛl, di Kristiɛn dɛn bin de pre fɔ am traŋa wan.

Apɔsul Dɛn Wok 6:4

Wi, we na di apɔsul dɛn, go jɛs de fɔ pre ɛn fɔ tɛl pipul bɔt Gɔd.”

Apɔsul Dɛn Wok 2:42

Di apɔsul dɛn bin de lan dɛn Gɔd in wɔd. Dɛn bin de lɛkɛ brɔda ɛn sista ɛn dɛn bin de it ɛn pre na wan ples.

Lyuk 10:20

Una nɔ fɔ gladi bikɔs dɛn dɛbul du wetin una tɛl dɛn fɔ du, bɔt una fɔ gladi bikɔs una nem dɔn rayt na ɛvin.”

Matyu 5:12

Una fɔ gladi bad, bikɔs Gɔd kip gud tin fɔ una na ɛvin. Na so pipul bin mek dɛn prɔfɛt we bin de bifo una, sɔfa.