Lɛta Fɔ Rom 12:11 - Krio Fɔs Oli Baybul

¹¹ Una fɔ wok traŋa wan, una nɔ fɔ les. Una fɔ put ɔl una at pan di wok we una de du fɔ di Masta.

Lɛta Fɔ Rom 12:11 Referans Kwoze

Apɔsul Dɛn Wok 18:25

Dɛn bin dɔn lan am bɔt di Masta in We. Apɔlɔs bin gladi fɔ tɔk bɔt Jizɔs ɛn di tin dɛn we i bin de lan di pipul dɛn na bin tru, bɔt na aw Jɔn de baptayz nɔmɔ i bin sabi.

Pita In Fɔs Lɛta 4:8

Bɔt di tin we pas ɔl, na fɔ mek una lɛk una kɔmpin wit ɔl una at, bikɔs dɛn pipul we lɛk dɛnsɛf kin rɛdi ɔltɛm fɔ padin dɛn kɔmpin wɛn dɛn kɔmpin du dɛn bad.

Prɔvabs 13:4

Les man nɔ de gɛt ɔl wetin i want, bɔt udat de wok traŋa go gɛt wetin i want.

Di Ibru Pipul Dɛn 12:28

So, una lɛ wi tɛl Gɔd tɛnki, bikɔs di ples we i de rul we wi dɔn gɛt, go de sote go, nɔbɔdi nɔ ebul shek am. Una lɛ wi prez am di we we go mek i gladi, lɛ wi rɛspɛkt ɛn fred am,

Lɛta Fɔ Ɛfisɔs 4:28

Mek di pɔsin we bin de tif lɛf fɔ tif, ɛn bigin wok traŋa wan fɔ ɛp insɛf ɛn fɔ ɛp ɔda pipul we nɔ gɛt.

Pita In Fɔs Lɛta 1:22

Naw we una de fala dɛn tru tin we dɛn lan una bɔt Jizɔs Krays, we mek una dɔn lɛf fɔ du bad, ɛn mek una layf dɔn klin, ɛn mek una lɛk una kɔmpin Kristiɛn dɛn fɔ tru, una fɔ lɛk dɛn naw wit ɔl una at.

Apɔsul Dɛn Wok 20:19

Una no se a nɔ bin de bost we a de wok fɔ di Masta. Plɛnti tɛm dɛn Ju pipul kin mek mi at pwɛl ɛn a kin sɔfa wɛn dɛn kin de mek bagin fɔ du mi bad.

Matyu 24:12

Ɛn bikɔs bad go plɛnti mɔ ɛn mɔ, di lɛk we plɛnti pipul gɛt na dɛn at go de lɛs.

Prɔvabs 10:26

Nɔ sɛn lesman fɔ du sɔntin fɔ yu, ɔ nɔ so, lɛkɛ aw viniga sawa na mɔt ɛn smok de bɔn yay, na so i go bi fɔ yu.

Prɔvabs 22:29

Yu si pɔsin we sabi du in wok fayn, na wit big pipul i go de de ɔltɛm, yu nɔ go ɛva si am wit rifraf mɔtalman.

Prɔvabs 18:9

Pɔsin we les ɛn pɔsin we sabi pwɛl, dɛn tu na lɛkɛ tatu ɛn yawa.

Ɛksodɔs 5:17

Di kiŋ ansa dɛn se, “Una les ɛn una nɔ want fɔ wok, na dat mek una gɛt mɔt fɔ aks, mi se una want go ɔfa sakrifays to una PAPA GƆD.”

Fɔs Lɛta To Timoti 5:13

Pantap dat, dɛn kin jɛs de go frɔm os to os aydul wan, dɛn kin de koŋosa, de bizabɔdi, ɛn tɔk bɔt tin we dɛn nɔ fɔ tɔk bɔt.

Ayzaya 56:10

In wachman dɛn blɛn, dɛn ɔl nɔ sabi natin; dɛn ɔl na mumu lɛk dɔg, dɛn nɔ ebul bak; dɛn jɛs de lidɔm, drim, ɛn dɛn lɛk fɔ slip.

Rɛvɛleshɔn 2:4

Bɔt na wan tin una de du we a nɔ lɛk, una nɔ lɛk mi lɛkɛ aw una bin lɛk mi fɔstɛm;

Lɛta Fɔ Kɔlɔse 4:1

Una dɛn masta, una fɔ de du wetin rayt ɛn gud to di pipul dɛn we de wok fɔ una. Una fɔ mɛmba se unasɛf gɛt Masta we de na ɛvin.

1 Kɔrint 7:22

Ɛnibɔdi we na bin slev wɛn di Masta kɔl am fɔ du in wok, di Masta dɔn fri am; semwe so, ɛnibɔdi we Krays dɔn kɔl fɔ du in wok, we i dɔn fri, dɔn bi Krays in slev.

Matyu 25:26

“Di masta se, ‘Yu na bad ɛn les wokman! Yu bin no se a de kɔt ɛn gɛda usay a nɔ plant?

Ɛkliziastis 9:10

Mek shɔ se we yu de du ɛnitin, yu du am gud wit ɔl yu at; bikɔs we yu day, yu nɔ go gɛt fɔ wok yanda. Yu nɔ gɛt fɔ tink ɔ sabi ɛnitin, ɛn sɛns biznɛs nɔ de usay yu de go.

Jems 5:16

Na dat mek, una fɔ tɛl una kɔmpin Kristiɛn di sin dɛn we una dɔn sin ɛn una fɔ pre mek Gɔd mek una wɛl. Wɛn pɔsin we de waka tret bifo Gɔd pre, da pre de gɛt pawa ɛn Gɔd go ansa am.

Prɔvabs 31:15

In de grap ali mɔnin mek it fɔ in famili, dɔn i sheb ɔda wok dɛn gi in savant gyal dɛn fɔ du.