Lɛta Fɔ Rom 11:8 - Krio Fɔs Oli Baybul

⁸ Lɛkɛ aw dɛn rayt na Gɔd in Buk se, “Gɔd mek dɛn nɔ ebul fil ɛn tink; te tide dɛn yay nɔ de si ɛn dɛn yes nɔ de yɛri.”

Lɛta Fɔ Rom 11:8 Referans Kwoze

Ditarɔnɔmi 29:4

bɔt tetide, PAPA GƆD nɔ mek dɛn ɔndastand ɔl wetin dɛn bin si ɛn yɛri, min.

Ayzaya 29:10

Bikɔs PAPA GƆD dɔn put, spirit we de mek pɔsin slip dip dip wan, pan una, ɛn i dɔn lɔk una yay, una di prɔfɛt dɛm, ɛn i dɔn kɔba una ed, una di lukgrɔn man dɛm.

Izikɛl 12:2

“Mɔtalman, yu tap wit pipul dɛn we nɔ de gri fɔ yɛri wɔd, we gɛt yay fɔ si bɔt nɔ de si, we gɛt yes fɔ yɛri bɔt nɔ de yɛri;

Lyuk 8:10

Jizɔs ansa dɛn se, “Gɔd dɔn gi una di chans fɔ no dɛn sikrit tin bɔt Gɔd in rul, bɔt fɔ dɛn ɔda pipul na parebul a de pul, so dat dɛn go luk bɔt dɛn nɔ go si; dɛn go yɛri, bɔt dɛn nɔ go ɔndastand.

Jɛrimaya 5:21

“Una yɛri o, una dɛn fulish pipul dɛn we nɔ gɛt sɛns, una we gɛt yay bɔt nɔ de si, una we gɛt yes bɔt nɔ de yɛri.

Apɔsul Dɛn Wok 28:26

‘Go tɛl mi pipul dɛn se: Una go yɛri wetin dɛn de tɔk, bɔt una nɔ go ɔndastand; Una go si plɛnti tin, bɔt una nɔ go no wetin una si.

Ayzaya 6:9

Nain I se, “Go tɛl dɛn pipul ya se; “Una go de yɛri nɔmɔ, bɔt una nɔ go ɔndastand; una go de luk bɔt una nɔ go si.’

2 Kiŋ 17:41

Ivin we dɛn bin de wɔship PAPA GƆD, dɛn bin de wɔship lay lay gɔd bak. Te tide dɛn pikin dɛn ɛn grampikin dɛn stil de wɔship lay lay gɔd lɛkɛ dɛn fɔstɛm-papa dɛn.

2 Kiŋ 17:34

Ɔl wetin dɛn bin de du trade nain dɛn de du te tide. Dɛn nɔ de wɔship PAPA GƆD, ɛn dɛn nɔ bisin fɔ du wetin di kɔmandmɛnt ɛn lɔ dɛn we i gi dɛn se, dat na wetin i bin gi Jekɔb we i gi nem Izrɛl in Jɛnareshɔn dɛn.

Izikɛl 20:26

ɛn a bin dɔti dɛm na mi yay wit dɛn yon yon prɛzɛnt dɛm, dat na we a mek dɛn sakrifays ɔl dɛn fɔs pikin dɛn na faya, so dat dɛn go fred bad bad wan; a du so, so dat dɛn go no se na mi na PAPA GƆD.