Lɛta Fɔ Rom 11:7 - Krio Fɔs Oli Baybul

⁷ Wetin igen? Di pipul dɛn na Izrɛl nɔ bin fɛn wetin dɛn bin de luk fɔ. Na dɛn pipul we nɔ plɛnti, we Gɔd pik, fɛn am. Gɔd mek di ɔda pipul dɛn nɔ ebul yɛri wɛn i kɔl dɛn.

Lɛta Fɔ Rom 11:7 Referans Kwoze

2 Kɔrint 4:4

Dɛn nɔ biliv wetin wi de tɔk bikɔs Setan dɔn blɛn dɛn yay. I mek dɛn nɔ ebul si di layt we de shayn pan dɛn; da layt de na di Gud Nyuz bɔt aw Krays, we na Gɔd in tru pikchɔ, wɔndaful.

Lɛta Fɔ Rom 9:18

So, if Gɔd want sɔri fɔ ɛnibɔdi, i go sɔri fɔ am; ɛn if i want mek pɔsin in at traŋa, i go mek in at traŋa.

Lɛta Fɔ Rom 11:25

Mi kɔmpin Kristiɛn dɛn, wan tru tin de we a want mek una no, we na sikrit. I go mek una nɔ tink se una gɛt sɛns tumɔs. Na di sikrit dis: Nɔto fɔɛva di pipul dɛn na Izrɛl nɔ go gri fɔ biliv, na sote di tɛm nɔmɔ we ɔl dɛn pipul we nɔto Ju we Gɔd dɔn mak, go kam ɔnda in rul.

Lɛta Fɔ Rom 11:5

Na di sem tin de bi naw; sɔm pipul de we i bin dɔn pik fɔ sev bikɔs i bin sɔri fɔ dɛn, dɛn nɔ plɛnti.

Lɛta Fɔ Ɛfisɔs 1:4

Gɔd dɔn pik wi bifo i mek di wɔl fɔ mek wi gɛt wanwɔd wit Krays, so dat wi go bi in yon pipul ɛn bɔt nɔ go de na wi layf.

2 Kɔrint 3:14

Sɔntin bin mek dɛn nɔ ebul ɔndastand, fɔ tru; te tide sɛf di sem tin nɔ de mek dɛn ebul ɔndastand wɛn dɛn de rid dɛn buk we tɔk bɔt di ol agrimɛnt. Na wɛn pɔsin gɛt wanwɔd wit Krays nɔmɔ, nain da tin de de kɔmɔt nain ed.

Lɛta Fɔ Rom 9:23

Ɛn igen, i bin want sho mɔtalman aw I wɔndaful, so I dɔn mek wi we I sɔri fɔ no aw I wɔndaful, dat na dɛn wan pan wi we I bin dɔn du ɔltin fɔ lɔntɛm fɔ mek wi rɛdi fɔ gɛt pan di big pawa ɛn ɔna we insɛf gɛt.

Lɛta Fɔ Filipay 1:18

Fɔ mi yon pat, if na gud dɛn mɛmba we dɛn de tɔk bɔt Krays ɔ if na bad, dat nɔ mata; wans nɔmɔ dɛn de tɛl ɔda pipul bɔt Jizɔs Krays, a gladi; ɛn a go gladi mɔ ɛn mɔ,

1 Kɔrint 10:19

Wetin a min bay dat? Dɛn tin we mɔtalman de pre to ɛn di it we dɛn de gi dɛn, na ɛni bɛtɛ tin?

Lɛta Fɔ Rom 10:3

Dɛn nɔ bin ɔndastand aw Gɔd de mek ɔltin rayt bitwin in ɛn pipul, ɛn dɛn bin de tray fɔ fɛn dɛn yon we fɔ mek ɔltin rayt bitwin dɛn ɛn Gɔd; so dɛn nɔ bin gri fala Gɔd in yon we fɔ mek ɔltin rayt bitwin in ɛn dɛn.

Lɛta Fɔ Rom 6:15

We i bi so, wetin wi fɔ se? Wi fɔ stil de sin bikɔs di lɛk we Gɔd lɛk wi, pan ɔl we wi nɔ fit fɔ mek yu lɛk wi, nain de rul wi naw, ɛn di Lɔ nɔ de rul wi igen? Dat nɔ fɔ bi!

Lɛta Fɔ Rom 3:9

Wɛl, wi we na Ju bɛtɛ pas ɔl dɛn ɔda pipul na Gɔd in yay? Nɔto so i bi! A bin dɔn pruv to una se sin de rul dɛn Ju pipul ɛn dɛn wan we nɔto Ju, semwe.

Jɔn 12:40

“Gɔd se, a dɔn blɛn di pipul dɛn yay ɛn a dɔn sɛt dɛn ed, so dat dɛn nɔ go si, ɛn dɛn nɔ go ɔndastand, ɛn dɛn nɔ go kam to mi fɔ mek a sev dɛn.”

Lyuk 13:24

“Una tray mek una go pas na di do we smɔl fɔ pas ɛn go insay di ples we Gɔd de rul. A de tɛl una se, plɛnti pipul go tray fɔ go insay de, bɔt dɛn nɔ go ebul.

Ayzaya 44:18

Dɛn nɔ no natin ɛn nɔ de ɔndastand; bikɔs i dɔn lɔk dɛn yay sɔ dɛn nɔ go ebul si, ɛn dɛn maynd, so dat dɛn nɔ go ebul ɔndastand.

Ayzaya 6:10

Mek dɛn pipul ya dɛn at traŋa, ɛn dɛn yes dɛf, ɛn dɛn yay blɛn; ɔ nɔ so dɛn go si wit dɛn yay ɛn yɛri wit dɛn yes ɛn ɔndastand wit dɛn at, ɛn tɔn lɛ a go mɛn dɛn.”

Prɔvabs 1:28

A go de yɛri we una de kɔl so, bɔt a nɔ go ansa; una go de fɛn fɛn mi, bɔt una nɔ go si mi.

Pita In Fɔs Lɛta 1:2

Na Gɔd, we na wi Papa, dɔn pik una, lɛkɛ aw i bin dɔn plan, ɛn Gɔd in Spirit dɔn mek una bi Gɔd yon pipul, so dat una go du wetin Jizɔs Krays tɛl una fɔ du, ɛn di day we Jizɔs Krays day na di krɔs go mek una klin na Gɔd yay. A de pre mek Gɔd sho una aw i gud ɛn mek i gi una kol at mɔ ɛn mɔ.

Di Ibru Pipul Dɛn 12:17

Una no se wɛn Isɔ bin want mek in papa blɛs am, in papa nɔ blɛs am. Chans nɔ bin de igen fɔ mek di papa chenj wetin i bin dɔn du, pan ɔl we Isɔ kray fɔ gɛt di blɛsin.

Mak 6:52

Dɛn nɔ bin ɔndastand sɛf wɛn Jizɔs tek fayv lof bred fid fayv tawzin pipul. Dɛn at nɔ bin opin.

Lɛta Fɔ Ɛfisɔs 4:18

We dɛn at nɔ opin, na dat mek dɛn nɔ sabi natin; dɛn de na dak ɛn dɛn nɔ gɛt di layf we Gɔd de gi.